१ सामुएल 12:23 - Sunuwar Bible

²³ मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२

१ सामुएल 12:23 ပူးပေါင်းရင်းမြစ်များ

१ राजा 8:36

इर स्‍वर्ग रे मेको आन पुंइशो लोव़ नेंशा, इन गेय पाइब, इन मुर इस्राएली आन पाप माफ गेने। मेको आन पचा माल्‍शो शेंदीन। मिनु मेको आन कली गेशो रागीमी रेउ यिपतीन।

२ इतिहास 6:27

गे, स्‍वर्ग ङा बाक्‍तीक रे मेको आन पुंइशो लोव़ नेनीन। मिनु इन गेय पाइब, इस्राएली आन पाप क्‍याम्‍दीन। गे मेको आन गाक्‍चा माल्‍शो रिम्‍शो लां कोंइदीन। मिनु गे इन इस्राएल ङा मुर आन कली गेशा आन थेरशो रागीम रेउ यिपतीन।

भजन संग्रह 122:6

यरूसलेम कली “रिम्‍शो दुम्‍ल” दे आसीक गेने। मिनु “यरूसलेम, इ कली दाक्‍बपुकी रिम्‍शो दुम्‍मल। जकरिया ४:७

भजन संग्रह 34:11

आलपुकी, एक जाक्‍कीन। मिनु आं लोव़ नेनीन। गो इन कली परमप्रभु यावे कली मान पा हिंतीके आ पर्बम शेंनन्‍नी।

भजन संग्रह 34:12

सु सुमी शुश नाक्‍ती ब्रोंइचा नु रिम्‍शो तचा दाक्‍नीमी,

प्रस्‍थान 32:30

आ दीसा मोसामी मुर आन कली “गेपुकीमी ठेयब पाप पाइतीनी। मिनु गो परमप्रभु यावे आ बाक्‍तीक ङोइश्‍शा, लाइनुङ। गो इन पशो पाप क्‍याम्‍तीक गेय पने चाप्‍नुङा, कों?” दें‍त।

हितोपदेस 4:11

गो इ कली तुइक्‍‍तीक लां शेंताक्‍न। गो इ कली रिम्‍शो थुं ङा मुर आन लांम गाक्‍पाइक्‍त‍न।

उपदेसक 12:10

मिनु शेंबमी ठीक लोव़ माल्‍शा ग्रुंइताक्‍व। मिनु मेकोम मार ब्रेक्‍ता, मेको ठीक नु थमा बाक्‍नीम।

यसैया 30:21

मिनु गेपुकीमी “ग्‍युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्‍ब, मेको लां गाक्‍कीन” देंशो नेंनीनी। ब्‍यवस्‍था ५:३२

येरमीया 15:1

मिनु परमप्रभु यावेमी आं कली “मोसा नु सामुएलमी आं ङोंइती जाक्‍शा पुंइ‍ताक्‍स हना यो, आं थुं एको जात ङा मुर आन गे मलेप्‍ब। मेको आन कली आं ङोंइती रे ग्रुंइदीमी। मेको आन कली लचा गेमी। प्रस्‍थान ३२:११; १सामुएल ७:९; इजीकीएल १४:१४

येरमीया 27:18

मेकोपुकी थमा पा परमप्रभु यावे आ लोव़ पाइब बाक्‍तेक्‍म हना नु मेकोपुकी नु परमप्रभु यावे आ लोव़ बाक्‍त हना, परमप्रभु यावे आ खिंम बाक्‍शो, यहूदा ङा पिप आ खिंम बाक्‍शो नु यरूसलेममी बाक्‍शो मार मार बेबीलोन मलदमेक्‍ल, दे मुर नेल्‍ल आन परमप्रभु यावे कली पुन्‍मेक्‍ल।

येरमीया 42:4

मिनु परमप्रभु यावे आ लोव़ पाइब येरमीयामी मेको आन कली “दुम्‍ब। गो इन पर्बम इन देंशो खोदेंशो पा परमप्रभु यावे इन परमप्रभु कली पुंइनुङ। मिनु परमप्रभु यावेम मार देंमे, मेको नेल्‍ल इन कली शेंनुङ। गो इन ङोंइती मारेइ लोव़ मख्रुइक्‍नुङ” देंत।

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

प्रेरित 12:5

पत्रुस जेल्‍खानमी चोक्‍सीशा बाक्‍मेनु, थमा सुइक्‍ब नेल्‍ल थुं का दुम्‍शा “पत्रुस कली कोव़ङीने, प्रोंइशा सोइक्‍तीने” दे प्रार्थना पा बाक्‍मा बाक्‍त।

प्रेरित 20:20

मो पाम्‍तेक्‍म हना यो, गो इन खिं खिं हिरशा, इन कली ग्रुम्‍शा, का का पा शेंशा, इन कली रिम्‍शो दुम्‍ल, दे तुइक्‍पाइक्‍तन्‍नी। खिं खिं हिरशा ला ममाइ। गाउं सहरमी यो हिरशा, मुर आन बुक्‍तीकेमी जाक्‍दीश्‍शा, शेंना शेंन गाक्‍ती।

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

१ कोरिन्‍थी 9:16

गो शेंशा गाक्‍ती, आं ठेयब लेत्‍चा ङा मारेइ मबाक्‍ब। मारदे हना लोव़ शेंथ सोइश्‍शो नङ, दे तुइश्‍शा, गो प्रभु आ ग्‍येरपाइक्‍ब लोव़ मशेंथु बाक्‍ती हना, आं कली काइ मरिम्‍शो दुम्‍ब। येरमीया २०:९

कलस्‍सी 1:28

गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी।

कलस्‍सी 1:9

मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

१ थिस्‍सलोनिकी 3:10

मिनु नाक्‍दो नाक्‍त गोपुकी परमप्रभु यावे कली “थिस्‍सलोनिकी सहर ङा थमा सुइक्‍ब आन कली ग्रुम्‍थ सोइक्‍तीन। मुल सम्‍म मशेंथु लीशो लोव़ शेंथ सोइक्‍तीन” दे पुंइना पुंइन बाक्‍नीकी।

२ तिमोथी 1:3

गो परमप्रभु यावे कली “गे रिम्‍शो पाइब बाक्‍नीनी” दे गेय पाइनुङ। आं के किकी पिपी यो मोदेंशो पशो बाक्‍तेक्‍म। आं प्रार्थनामी इ कली गेना हना यो मिम्‍नुङ। फिलिप्‍पी ३:५; प्रेरित २३:१; प्रेरित २४:१६

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।

१ सामुएल 8:6

तन्‍न सामुएलम सासन पचा कली पिप पुंइशो लोव़ नेंशा, काइ मदाक्‍ता बाक्‍त। मिनु सामुएलमी परमप्रभु यावे नु लोव़ पवा बाक्‍त।