१ सामुएल 11:7 - Sunuwar Bible

⁷ मिनु मोपा गाइश्‍शा, हाल का ब्‍यफ टुक्रा टुक्रा पा चेक्‍गा बाक्‍त। मिनु मुर आन कली मेको टुक्रा कुरपाइश्‍शा इस्राएल रागी नेल्‍लेमी “सु मुर लडाइ पथ सावल नु सामुएल आस नोले मखोइक्‍नीमी, मेको आन ब्‍यफ यो ओदेंशो टुक्रा टुक्रान दुम्‍नीम देनीन” दे सोइक्‍तीमी बाक्‍त। परमप्रभु यावेमी मुर आन कली शुश हिंपाइश्‍शो बाक्‍माक्‍त। मोपतीके मेकोपुकी थुं का दुम्‍शा, सावल नु सामुएल आस नोले खोदमे बाक्‍त। न्‍यायाधीस १९:२९

१ सामुएल 11:7 ပူးပေါင်းရင်းမြစ်များ

उत्पत्ती 35:5

मिनु मेकोपुकी लचा गोव़मे बाक्‍त। परमप्रभुमी एर ओंथ ङा सहर ङा मुर आन कली हिंब सेल्‍मी बाक्‍त। मोपतीके मेकोपुकीमी मेको आन कली खेदा मपामे बाक्‍त। प्रस्‍थान २३:२७; यहोसु १०:१०

२ इतिहास 14:14

मोपा लशा, मेकोपुकीम गेरार आ एर ओंथ ङा सहर नेल्‍ल खतम पोक्‍गमे बाक्‍त। मारदे हना मेक ङा मुरपुकी परमप्रभु यावे आ पशो तशा शुश हिंमा बाक्‍त। मिनु यहूदा ङा मुरपुकीमी मेको सहर ङा मारेइ मारेइ रोइक्‍तमे बाक्‍त। मारदे हना मेकेर शुश रोइक्‍चा ङा मार मार बाक्‍मा बाक्‍त।

२ इतिहास 17:10

मिनु यहूदा आ एर ओंथ बाक्‍शो राज्‍य ङा मुर नेल्‍ल परमप्रभु यावे क्‍येङा हिंमा बाक्‍त। मोपतीके मेकोपुकीम येहो-शाफात नु लडाइ मपामे बाक्‍त।

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

यसैया 8:13

मुर नेल्‍ल आन परमप्रभु यावे ला मिम्‍शा, मेको क्‍येङा हिनीन। मेको कली मान पा हिनीन। मत्ती १०:२८

न्‍यायाधीस 19:29

मिनु खिं जाक्‍दीश्‍शा, आ छूरी ग्रुंइ‍शा आ मीश कली क्‍योरशा, १२ टुक्रा पा इस्राएल आ थर नेल्‍ल आन कली सोइक्‍ता बाक्‍त। १सामुएल ११:७

न्‍यायाधीस 20:1

मिनु इस्राएली नेल्‍ले दान रे पा बेयर-शेबा सम्‍म गिलाद रागी परमप्रभु यावे आ ङोंइती मिस्‍पामी ग्रुम्‍मा बाक्‍त। यहोसु १८:२६; १सामुएल ७:५