१ सामुएल 11:11 - Sunuwar Bible

¹¹ मिनु आ दीसा सावलमी आ मुर आन कली हुल सां सेल्‍मी बाक्‍त। सुनी कना रिम्‍शो पा हाम्‍सो मदुम्‍थु, मेको आन जोरी सत्रु आन बाक्‍तीके ओव़शा, नाक्‍ती उइक्‍थ दुम सम्‍म लडाइ पा अम्‍मोनी आन कली फ्रूमे बाक्‍त। मोपा मुरपुकी निक्‍शी सम्‍म काथा मदुम्‍चा ङा पा ब्रा‍शा प्रोक्‍मा बाक्‍त।

१ सामुएल 11:11 ပူးပေါင်းရင်းမြစ်များ

उत्पत्ती 22:14

मिनु अब्राहाममी मेको डांडा कली परमप्रभु यावे यीरेह, दे नें वोदा बाक्‍त। मोपतीके मुल सम्‍म मुरपुकीम “परमप्रभु यावे आ डांडाम परमप्रभु यावेमी माल्‍शो गेब” देंनीम। “परमप्रभु यावे यीरेह” आ अर्थ “परमप्रभु यावेमी आं माल्‍शो गेब” देंशो बाक्‍ब। उत्‍पत्ती १६:१३

२ सामुएल 18:2

मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९

भजन संग्रह 46:1

परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।

प्रस्‍थान 14:24

मिनु सुनी कना परमप्रभु यावे गोस्‍स के थाम नु मी के थामम बाक्‍शा, इजीप्‍त ङा लडाइ पाइब आन कली कोव़शा हिंपाइक्‍तु।

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।

न्‍यायाधीस 4:16

मिनु बाराकमी बग्‍गीपुकी नु लडाइ पाइब आन कली हरोशेथ-हा-गोयीम सम्‍म खेदा पा, सीसेरा आ लडाइ पाइब नेल्‍ल आन कली तरवारमी क्‍योरशा सदा बाक्‍त। का यो ब्रोंइचा मतामे बाक्‍त।

न्‍यायाधीस 7:16

मिनु मेको सहे सां मुर आन कली, हुल सांमी योक्‍गा बाक्‍त। मिनु नेल्‍ल आन कली का का पा तुराही नु आगा रांको वोइश्‍शो शेत्‍थ गर का का गेमी बाक्‍त।

न्‍यायाधीस 7:20

मोपा मेको हुल सांमीन तुराही ताप्‍शा, आन कुरशो गर प्रोल्‍मे बाक्‍त। आन पेरा गुइमी रांको नु ग्‍युरा गुइमी तुराही कुरशा “परमप्रभु यावे कली तरवार का नु गिदोन कली तरवार का” दे ग्रीमा बाक्‍त।

न्‍यायाधीस 9:43

मोपतीके आ लडाइ पाइब आन कली हुल सां पा योक्‍शा, सहर मेर ङा रूमी बाप्‍शा, बाक्‍पदा बाक्‍त। मिनु मुरपुकी सहर रे ग्रूशा पिशो तशा, मेको आन कली साइक्‍मी बाक्‍त।

१ सामुएल 11:2

मिनु अम्‍मोन ङा नाहाशमी मेको आन कली “गो गेपुकी नु गारचा कली नेल्‍ल इन ग्‍युरा मिक्‍च पुक्‍शा ला गेपुकी नु गारनुङ। मोपा इस्राएली नेल्‍ल इन कली मुने तोक्‍नुङ” देंमाक्‍त।

१ सामुएल 14:47

मिनु सावलमी इस्राएलमी आ सासन पतीके बोल्‍यो सेल्‍ने थुमा बाक्‍त। मिनु मेकोमी मोआबी, अम्‍मोनी, एदोमी, सोबाह ङा पिपपुकी नु पलिस्‍ती आंम एर ओंथ ङा जोरी सत्रु नु लडाइ पवा बाक्‍त। मेकोपुकी ते ते लमा मेक मेक ग्रामा बाक्‍त।