१ सामुएल 11:1 - Sunuwar Bible

¹ मिनु महिना का नोले अम्‍मोन ङा नाहाशमी याबेश-गिलादम लडाइ पा पुम्‍दमे बाक्‍त। याबेश ङा वोंइश मुरपुकीम नाहाश कली “गोपुकी नु गरीन। मिनु गो इन गेय पाइब दुम्‍नीकी” देंमा बाक्‍त। १सामुएल ३१:११

१ सामुएल 11:1 ပူးပေါင်းရင်းမြစ်များ

उत्पत्ती 26:28

मिनु मेकोपुकीमी “परमप्रभु यावे गे नु बाक्‍ब, गो तुइक्‍नीकी। मोपतीके गोपुकीमी ‘गे नु कसम जशा, कबल पचा’ रिम्‍शो दुम्‍ब। ब्‍यवस्‍था २९:३; मत्ती १३:१३

२ सामुएल 10:1

मिनु नोले अम्‍मोनी आन पिप बेक्‍माक्‍त। मिनु मेको आ पा ङा आ तौ हानुन पिप दुम्‍माक्‍त।

२ सामुएल 10:2

दाऊदम “नाहाशमी आं कली रिम्‍शो पशो खोदेंशो पा गो नाहाश आं तौ हानुन कली रिम्‍शो पाइनुङ” दे मिम्‍ता बाक्‍त। मिनु मेकोमी आ आफ बेक्‍शो आ पर्बम लेम्‍शो लोव़ नेंपाइक्‍थ लोव़ कुरब मुर आन कली सोइक्‍ता बाक्‍त। मिनु दाऊद आ मुरपुकी अम्‍मोनी आन रागीम ओव़मानु, १सामुएल ११:१

२ सामुएल 17:27

मिनु दाऊद महा-नाइमम जाक्‍मेनु, रब्‍बाहम बाक्‍ब अम्‍मोनी नाहाश आ तौ शोबी, लो-देबारम बाक्‍ब अम्‍मीएल आ तौ माकीर नु रोगे‍लीम बाक्‍ब गिलाद आ मुर बारजील्‍लाइम, १इतिहास १९:१; २सामुएल ९:४; १राजा २:७

२ सामुएल 2:5

मिनु दाऊदम याबेश-गिलाद ङा मुर आन कली लोव़ कुरब मुर सोइश्‍शा “परमप्रभु यावेम इन कली आसीक गेवल। मारदे हना गे इन प्रभु सावल कली रिम्‍शो पा थिम्‍तीनी।

१ राजा 20:34

मिनु बेन-हादादमी मेको कली “आं आफोम इन आफ रे ग्राशो सहर नेल्‍ल गो लेश्‍शा गेनन्‍नी। मिनु आं आफोम सामरीयाम पशो खोदेंशो पा, गे यो दमस्कसम ग्‍याप्‍तीक लेयतीक सेल्‍ने चाप्‍नीनी” देंमाक्‍त। मिनु इस्राएल ङा पिप आहाबमी “मेको सल्‍लाम पतीके गो इ कली प्रोंइनन” देंमाक्‍त। मोपा आहाबमी दुचा आ पर्बम लोव़ पा, मेको कली प्रोना बाक्‍त।

१ इतिहास 10:11

मिनु याबेश-गिलाद सहर ङा मुरपुकीमी पलिस्‍तीमी सावल कली मार मार पदमे, मेको नेंशा,

१ इतिहास 10:12

बोल्‍यो लडाइ पाइब नेल्‍ले बोक्‍शा, सावल नु आ तौ आन रां ब्रथ लमा बाक्‍त। मिनु मेकोपुकीम मेको आन रां याबेश सहर चाक्‍गमे बाक्‍त। मिनु याबेश ङा मुरपुकीमी मेको आन कली यावेश ङा ठेयब रवा आ पुंम थिम्‍मे बाक्‍त। मिनु ७ नाक्‍त सम्‍म माइजा बाक्‍मा बाक्‍त। २सामुएल २:४-५

अय्‍युब 41:4

मेकोम गे नु कबल पाइबा? ‘गो गेना हना यो वाइल दुम्‍नुङ’ देंबा?

प्रस्‍थान 23:32

गे मेकोपुकी नु मेको आन देवी देवता नु कबल मपमुने। प्रस्‍थान ३४:१२

यसैया 36:16

हिज्‍कीयाह आ लोव़ मनेनीन, मारदे हना अस्‍सुर ङा पिपमी इन कली “गो नु गारीन। मेकेर रे ग्रूशा आं बाक्‍तीके जाक्‍कीन। मो पाइतीनी हना, गे नेल्‍ल इन रू ङा अङगुर बोट नु इन फोव़शी रवा ताइनीनी। मिनु इन आंम कुवा ङा ब्‍वाक्‍कु तूचा ताइनीनी। १राजा ५:५; मीका ४:४

येरमीया 40:11

मिनु मोआब, अम्‍मोन, एदोम नु अर्को रागीपुकीम बाक्‍ब यहूदी नेल्‍लेम मेको लोव़ नेंतेक्‍म। बेबीलोन ङा पिपम का निक्‍शी मुर आन कली यहूदामी प्रोंइशा वोइश्‍शो बाक्‍ब, दे नेंतेक्‍म। मिनु शाफान आ चच अहीकाम आ तौ गेदाल्‍याह कली मेकेर ङा हुकुम पाइब सेल्‍शा वोइश्‍शो बाक्‍ब, दे यो नेंतेक्‍म।

येरमीया 40:14

मिनु मेको कली “अम्‍मोनी आन पिप बालीसमी नेथन्‍याह आ तौ इश्‍माएल कली इन कली साइक्‍चा कली सोइश्‍शो बाक्‍ब, दे तुइक्‍नीनी?” देंतेक्‍म। तन्‍न अहीकाम आ तौ गेदाल्‍याहम मेको आन लोव़ थमा मसुद।

इजीकीएल 17:13

मिनु मेकोम पिप आ खिं ङा मुर का कली लाइश्‍शा, कसम जपाइश्‍शा, मेको नु कबल का पाप्‍तु। मिनु मेकोमी मेको रागी ङा ठेयब मुर आन कली लाइक्‍तु। २राजा २४:१७; २इतिहास ३६:१३

ब्‍यवस्‍था 23:3

अम्‍मोनी नु मोआबी परमप्रभु यावे आ ग्रुम्‍तीकेमी ओव़ने मचाप्‍नीम। मेको आ १० पाला सम्‍म परमप्रभु यावे आ ग्रुम्‍तीकेमी ओव़चा मताइनीम। उत्‍पत्ती १९:३७-३८

न्‍यायाधीस 10:7

मोपतीके परमप्रभु यावे मेकोपुकी नु गाइश्‍शा मेको आन कली पलिस्‍ती नु अम्‍मोनी आन गुइमी गेवा बाक्‍त।

न्‍यायाधीस 11:4

मिनु इच्‍का नोले अम्‍मोनीपुकीमी इस्राएली नु लडाइ पामे बाक्‍त।

न्‍यायाधीस 21:8

मिनु मेकोपुकीमी “परमप्रभु यावे आ ङोंइती इस्राएली आन थर ङा मिस्‍पामी मजाक्‍ब, सु बाक्‍मे?” दे हिल्‍लो पशा, याबेश-गिलाद रे सुइ यो ग्रुम्‍तीक ताम्‍बुमी मजाक्‍मा बाक्‍त, दे तुइक्‍तमे बाक्‍त।

१ सामुएल 12:12

तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९

१ सामुएल 14:47

मिनु सावलमी इस्राएलमी आ सासन पतीके बोल्‍यो सेल्‍ने थुमा बाक्‍त। मिनु मेकोमी मोआबी, अम्‍मोनी, एदोमी, सोबाह ङा पिपपुकी नु पलिस्‍ती आंम एर ओंथ ङा जोरी सत्रु नु लडाइ पवा बाक्‍त। मेकोपुकी ते ते लमा मेक मेक ग्रामा बाक्‍त।