१ सामुएल 10:24 - Sunuwar Bible

²⁴ मिनु सामुएलम मुर नेल्‍ल आन कली “परमप्रभु यावेमी योव़शो मुर कली कोव़ङीन। मुर नेल्‍ल आन दातेमी एको खोदेंशो सुइ मबाक्‍म” देंमाक्‍त। मिनु मुर नेल्‍ल ग्‍येरशा “पिप शुश ब्रोंइल” दे ग्रीमा बाक्‍त। मत्ती २१:९

१ सामुएल 10:24 ပူးပေါင်းရင်းမြစ်များ

२ सामुएल 16:16

मिनु अरकी आ खिं ङा हुशाइ दाऊद आ वारचमी अब्‍सालोम कली ग्रुमा बाक्‍त। मिनु मेकोमी अब्‍सालोम कली “पिप गेना हना यो ब्रोंइशा बाक्‍ल। पिप गेना हना यो ब्रोंइशा बाक्‍ल” देंमाक्‍त। २सामुएल १५:३७

२ सामुएल 21:6

मेको आ ७ जना तौ चच आंइ कली गेने। मिनु गो मेको आन कली परमप्रभु यावे आ ङोंइती आ डांडा गिबोन सहरमी साइक्‍नीकी” देंमा बाक्‍त। मिनु पिपमी “गो मेको इन कली गेनुङ” देंमाक्‍त। ब्‍यवस्‍था २१:२२-२३

१ राजा 1:21

मो मदुम्‍‍त हना, नोले गे आं प्रभु पिप इन किकी पिपी नु इप्‍नीनी। मिनु गो नु आं तौ सोलोमन आंस कली मरिम्‍शो पाइब खोदेंशो सेल्‍नीम” दे बाथ्‍शेबाम देंमाक्‍त।

१ राजा 1:25

मेको मुलाक्‍ती उइ ब्रुप्‍शा शुश ब्‍यफ, दोम्‍शो बस्‍तु भाव नु भेडा क्‍योरशा चढ़ेशो बाक्‍ब। मिनु मेकोम पिप इन आल नेल्‍ले, लडाइ पाइब आन ठेयब मुर योआब नु चढ़ेब अबीयाथार नेल्‍ल आन कली ब्रेश्‍शो बाक्‍ब। मिनु मुल मेको नेल्‍ल मेको आ ङोंइती जना जन, तूना तून ‘पिप अदोनीयाह गेना हना यो ब्रोंइशा बाक्‍ल’ देंना देंन बाक्‍नीम।

१ राजा 1:34

मिनु मेकेर चढ़ेब सादोक नु परमप्रभु यावे आ लोव़ पाइब नाथानमी मेको कली तेल लुक्‍शा इस्राएल ङा पिप सेल्‍सेक्‍ल। मिनु तुराही ताप्‍शा ‘पिप सोलोमन गेना हना यो ब्रोंइशा बाक्‍ल’ देंमल।

१ राजा 1:39

मिनु चढ़ेब सादोकमी परमप्रभु यावे आ ताम्‍बु रे तेल वोइश्‍शो ग्रोव़ ग्रुंइशा सोलोमन कली लुक्‍शा पिप सेला बाक्‍त। मिनु मेकोपुकीम तुराही ताप्‍मे बाक्‍त। मिनु मुर नेल्‍लेम ठेयब सेंदा पा “पिप सोलोमन गेना हना यो ब्रोंइशा बाक्‍ल” देंमा बाक्‍त। १इतिहास २३:१; २सामुएल २९:२२

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

२ इतिहास 23:11

मेको नोले येहो-यादाम पिप आ तौ कली लाङगा ग्रुंइदा बाक्‍त। मिनु मेको आ पियाम सिरपेच गुप्‍शा, पिप दुम्‍तीक कागज गेशा, यहोयादा नु आ तौपुकीम मेको कली पिप सेल्‍शा, तेल लुक्‍तमे बाक्‍त। मिनु मेकोपुकीम ठेयब सेंदा पा “पिप शुश ब्रोंइशा बाक्‍ल” दे ग्रीमा बाक्‍त।

मत्ती 21:9

मिनु आ ङोंइती नोले गाक्‍बपुकीमी “दाऊद आ तौ कली होसन्‍ना, परमप्रभु यावे आ नेंमी जाक्‍ब कली जाइ, गे ठेयब बाक्‍नीनी” दे रेयके पा ठेयब सेल्‍ना सेल्‍न गाक्‍तेक्‍म। भजन संग्रह ११८:२५-२६

ब्‍यवस्‍था 17:15

परमप्रभु यावे, इन परमप्रभुमी योव़शो मुर कली ला वोइक्‍चा दुम्‍ब। इन लोक्‍ब आन दाते रे योव़शा पिप वोइक्‍चा माल्‍नीनी। अर्को जात ङा मुर पिप सेल्‍चा मदुम्‍ब, इन लोक्‍ब कली ला सेल्‍चा माल्‍ब।

१ सामुएल 11:15

मोपतीके मेको नेल्‍ल गिल्‍गालम लशा, परमप्रभु यावे आ ङोंइती सावल कली पिप सेल्‍मे बाक्‍त। मिनु परमप्रभु यावे आ ङोंइती दुशा बाक्‍चा आ पर्बम चढ़ेतीक चढ़ेमे बाक्‍त। मिनु सावल नु इस्राएली नेल्‍ले शुश ग्‍येरसमा बाक्‍त।

१ सामुएल 12:1

मिनु सामुएलमी ग्रुम्‍शा बाक्‍शो इस्राएली नेल्‍ल आन कली “गो इन पुंइशो नेंता। मिनु गो इन कली सासन पपाइक्‍चा कली पिप का योव़शा गेतन्‍नी। १सामुएल ८:७,२२; १सामुएल ११:१५

१ सामुएल 12:13

मुल इन पुंइशो पिप एक बाक्‍ब। गेपुकीम एको कली माल्‍शा, योव़तीनी। मिनु परमप्रभु यावेमी इन कली पिप का गेप्‍तु।

१ सामुएल 9:2

मिनु मेको आ तौ का बाक्‍माक्‍त। मेको आ नें सावल बाक्‍माक्‍त। मेको ठिटा दारशो बाक्‍माक्‍त। मेना इस्राएल रागीमी मेको क्‍येङा दारशो अर्को सुइ मबाक्‍मा बाक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।