१ सामुएल 10:23 - Sunuwar Bible

²³ मिनु मुरपुकी दोरशा लशा, मेको कली चाक्‍ग‍‍मे बाक्‍त। मिनु मेको मुर आन दातेमी राम्‍मेनु, नेल्‍ल आन क्‍येङा लाइश्‍शो बाक्‍माक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।

१ सामुएल 10:23 ပူးပေါင်းရင်းမြစ်များ

उत्पत्ती 3:24

परमप्रभुमी मेको आस कली खेरसी बाक्‍त। मेको आस कली खेरशा, एदेन रू ङा पूर्बमी आ स्‍वर्ग ङा करूब माइश्‍शो गेय पाइब वोदा बाक्‍त। मेकेर मी ब्रशो एर ओंथ हिरब तरवार का यो वोदा बाक्‍त। मेको ब्रोंइपाइक्‍ब रवा आ फल ब्‍वचा मताम्‍सेक्‍ल, दे कोव़ब वोदा बाक्‍त।

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४

१ सामुएल 17:4

मिनु पलिस्‍ती आन बाक्‍तीक रे गाथ ङा गोल्‍याथ नें पाइश्‍शो बोल्‍यो लडाइ पाइब का ग्रूशा, पिमाक्‍त। मेको ६ कुबीत ३ इन्‍च लाइश्‍शो बाक्‍माक्‍त। कुबीत का ०.५ मिटर बाक्‍ब। यहोसु ११:२२

१ सामुएल 9:1

बेन्‍यामीन आ थर ङा मुर का बाक्‍माक्‍त। मेको आ नें कीश बाक्‍माक्‍त। मेको आ आफ अबीएल, मेको आ बाजे जरोर, आ शेर बाजे बेकोराथ नु आ किकी बाजे आफीयाह बेन्‍यामीन थर ङा बाक्‍माक्‍त। कीश शोंप पाइश्‍शो मुर का बाक्‍माक्‍त।

१ सामुएल 9:2

मिनु मेको आ तौ का बाक्‍माक्‍त। मेको आ नें सावल बाक्‍माक्‍त। मेको ठिटा दारशो बाक्‍माक्‍त। मेना इस्राएल रागीमी मेको क्‍येङा दारशो अर्को सुइ मबाक्‍मा बाक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।