१ सामुएल 10:21 - Sunuwar Bible

²¹ मिनु मेकोमी बेन्‍यामीन आ थर ङा खिं खिं ङा मुर आन कली राप्‍पदा बाक्‍त। मिनु मात्री आ खिं ङा मुर योव़चा पुंइसमा बाक्‍त। मिनु मेको नोले कीश आ तौ सावल योव़चा पुंइसे बाक्‍त। मिनु मेको कली माल्‍शा, मथित्‍मे बाक्‍त।

१ सामुएल 10:21 ပူးပေါင်းရင်းမြစ်များ

२ सामुएल 3:19

आब्‍नेरमी बेन्‍यामीन आ थर ङा मुर नु यो लोव़ पवा बाक्‍त। नोले आब्‍नेर दाऊद आ बाक्‍तीक हेब्रोन लमाक्‍त। मिनु इस्राएली नु बेन्‍यामीन आ थर ङा मुर आन पचा देंशो लोव़ नेल्‍ल देंमाक्‍त।

हितोपदेस 18:18

फेन्‍टे आप्‍शोनु, जिचा खेचा देक्‍ब। मिनु ठेयब मुर आन जिचा नाइक्‍‍पाइक्‍ब।

योना 1:7

मिनु डोंगाम गेय पाइबपुकीमी “सुम पतीके ओदेंब श्‍येत दुम्‍माइ, तुइक्‍चा कली चिङगा कोव़चा” देंमुशा, चिङगा कोव़ङमे बाक्‍त। चिङगा कोव़ङमेनु, योना आ नेंम ग्रूमाक्‍त। हितोपदेस १६:३३

प्रेरित 13:21

सामुएल आ पालामी आंइ किकी पिपीमी ‘आंइ कली सासन पाइब पिप का गेचा नकी’ दे पुन्‍मे बाक्‍त। मिनु परमप्रभु यावेमी बेन्‍यामीन थर ङा कीश आ तौ सावल कली योव़शा, आन पिप सेला बाक्‍त। मिनु सावल ४० बर्स सम्‍म पिप दुम्‍माक्‍त। १सामुएल ८:५; १सामुएल १०:२१-१४

१ सामुएल 10:20

मिनु सामुएलमी इस्राएली नेल्‍ल आन थर आन कली राप्‍पाइक्‍मी बाक्‍त। मिनु बेन्‍यामीन आ थर योव़चा पुंइसे बाक्‍त। १सामुएल १४:४१-४२; यहोसु ७:१६

१ सामुएल 10:22

मिनु मेकोपुकीम परमप्रभु यावे कली “मार, मेको मुर एक बाक्‍बा?” दे हिल्‍लो पामे बाक्‍त। मिनु परमप्रभु यावेमी “मेको मार मार आन दातेमी ख्रुइश्‍शा बाक्‍शो बाक्‍ब” देंमाक्‍त।

१ सामुएल 9:2

मिनु मेको आ तौ का बाक्‍माक्‍त। मेको आ नें सावल बाक्‍माक्‍त। मेको ठिटा दारशो बाक्‍माक्‍त। मेना इस्राएल रागीमी मेको क्‍येङा दारशो अर्को सुइ मबाक्‍मा बाक्‍त। मुर नेल्‍ले मेको आ बला ङा लुक्‍च ला बाक्‍मा बाक्‍त।