१ सामुएल 10:11 - Sunuwar Bible

¹¹ मिनु मेको कली ङोंइती रे तुइक्‍ब मुरपुकीम, परमप्रभु यावे आ लोव़ पाइब आन दातेमी लोव़ पाइब दुम्‍शो तशा “कीश आ तौ कली मार दुम्‍मे? मार, सावल यो परमप्रभु यावे आ लोव़ पाइब आन दाते ङा का बाक्‍मे” देंमुमा बाक्‍त।

१ सामुएल 10:11 ပူးပေါင်းရင်းမြစ်များ

आमोस 7:14

मिनु आमोसमी अमस्‍याह कली “गो परमप्रभु यावे आ लोव़ पाइब मनङ। मिनु परमप्रभु यावे आ लोव़ पाइब आ तौ यो मनङ। गो दा गोठला का नु फोव़शी रवा कोव़ब मुर नङ।

आमोस 7:15

मिनु परमप्रभु यावेमी आं कली क्‍यारश भेडा योव़तीक रे ब्रेत्‍ताक्‍यी। मिनु मेकोमी आं कली ‘लावो। आं मुर इस्राएली आन कली आं लोव़ शेंदीमी’ दे माइक्‍ती।

यूहन्‍ना 7:15

मिनु यहूदीपुकीमी छक लाक्‍शा “मेको गेनायो मशेंसीशो मुरुम यो दोपा इश ङा जोक्‍गा?” देंमुम्‍तेक्‍म। मत्ती १३:५६

प्रेरित 3:10

“रिम्‍शो लाप्‍चो आ ङोंइती बाक्‍ब खोइल मदुक्‍ब दोपा साशा ओं पा गाक्‍मे” दे छक लाक्‍मा बाक्‍त।

प्रेरित 4:13

पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।

प्रेरित 9:21

मोदेंशो मेको आ शेंशो नेंशा “आमाइ, यरूसलेममी येसु कली थमा सुइक्‍ब आन कली का यो मवोइक्‍नुङमी देंब मेको ममाइ ङा? इं सहर ङा येसु कली थमा सुइक्‍ब आन कली यो ग्‍याइश्‍शा लाइश्‍शा, ठेयब चढ़ेब आन ङोंइती राप्‍पाइक्‍नुङमी, दे एक जाक्‍शो ममाइ ङा?” दे छक लाक्‍शा देंमुमा बाक्‍त। प्रेरित ८:१; प्रेरित २६:१०

१ सामुएल 19:24

मेकोमी यो आ वा प्रुइश्‍शा, सामुएल आ ङोंइती परमप्रभु यावे आ सोक्‍तीम लोव़ पना पन नाक्‍त रे नु नाक्‍दो रे शिश्रा बाक्‍माक्‍त। मोपतीके मुरपुकीम “मार, सावल यो परमप्रभु यावे आ लोव़ पाइब आन दातेमी बाक्‍मे?” देंबाक्‍मा बाक्‍त।