१ सामुएल 10:1 - Sunuwar Bible

¹ मिनु सामुएलमी तेल कुरतीक रे तेल ग्रुंइशा, सावल आ पिया तार लुक्‍ता बाक्‍त। मिनु मेको कली पुक्‍पु पा “परमप्रभु यावेमी इ कली आ मुर इस्राएली आन पिप सेल्‍तु। गे आ मुर आन कली सासन पाइक्‍नेवे। मिनु गे मेको आन एर ओंथ ङा जोरी सत्रु आन गुइ रे प्रोंइनेवे। परमप्रभु यावेम थमा पा इन कली आ मुर आन कली सासन पाइब सेल्‍शो आ चिन्‍ड मार बाक्‍ब देंशा हना,

१ सामुएल 10:1 ပူးပေါင်းရင်းမြစ်များ

२ सामुएल 1:14

मिनु दाऊदमी “परमप्रभु यावे आ तेल लुक्‍शो मुर कली साइक्‍चा महिंने?” देंमाक्‍त। १सामुएल २४:७; १सामुएल २६:९

२ सामुएल 19:39

मिनु मुर नेल्‍ल यर्दन आइक्‍ची हांबु शोक्‍समा बाक्‍त। पिप यो शोक्‍से बाक्‍त। मिनु पिपमी बारजील्‍लाइ कली पुक्‍पु पा आसीक गेवा बाक्‍त। मिनु बारजील्‍लाइ आंम आ खिं लेम्‍माक्‍त।

२ सामुएल 20:19

आं सहर इस्राएल ङा सहरपुकीम लडाइ मपाइ‍ब, पिप कली दाक्‍शा मान पाइ‍ब सहरम हिक्‍सीब। मिनु गे एको सहर, इस्राएली आन कली कोव़ब ममा खोदेंशो सहर कली खतम सेल्‍चा माल्‍नीनी? मारदे गे परमप्रभु यावे आ शोंप कली खतम पोक्‍चा माल्‍नीनी?” देंमाक्‍त। ब्‍यवस्‍था ३२:९

२ सामुएल 5:2

ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०

१ राजा 1:34

मिनु मेकेर चढ़ेब सादोक नु परमप्रभु यावे आ लोव़ पाइब नाथानमी मेको कली तेल लुक्‍शा इस्राएल ङा पिप सेल्‍सेक्‍ल। मिनु तुराही ताप्‍शा ‘पिप सोलोमन गेना हना यो ब्रोंइशा बाक्‍ल’ देंमल।

१ राजा 19:18

मो हना यो, गो ७ हजार जना आन कली इस्राएलम प्रोंइशा वोइक्‍नुङमी। मेकोपुकीमी बाल आ ङोंइती आन पोक्‍च मथेक्‍शो बाक्‍नीम। मिनु मेकोपुकीम बाल कली पुक्‍पु मपाइश्‍शो बाक्‍नीम” देंमाक्‍त। रोमी ११:४

२ राजा 20:5

मार लोव़ पवा बाक्‍त देंशा हना “लेश्‍शा लशा, परमप्रभु यावे इ किकी दाऊद आ परमप्रभुमी ‘आं मुर आन कली सासन पाइब हिज्‍कीयाह कली “गो इ पुंइशो लोव़ नेंता। मिनु इ प्रेक्‍कु ताता। गो इ कली सापाइक्‍नुङ। मिनु नाक्‍त सां नोले गे परमप्रभु यावे आ खिं लाइनेवे।

२ राजा 9:1

परमप्रभु यावे आ लोव़ पाइब एलीशामी परमप्रभु यावे आ लोव़ पाइब आन हुल ङा का कली ब्रेश्‍शा “इ किप्‍शुर किप्‍शा, एको तेल कुरशा रामोथ-गिलादम लावो।

२ राजा 9:12

मिनु मेकोपुकीम “गे जोल पाइनीनी। आंइ कली थमा लोव़ पने” देंमा बाक्‍त। मिनु येहूम “मेकोमी आं कली मार देंत देंशा हना, परमप्रभु यावेमी ‘गो इ कली इस्राएल ङा पिप सेल्‍नुङ’ देंशो बाक्‍ब” दे माइक्‍मी बाक्‍त।

भजन संग्रह 135:4

परमप्रभु यावेमी याकूब कली आ मुर दुम्‍पाइक्‍चा कली नु इस्राएल कली आंम के सेल्‍चा कली योव़शो बाक्‍ब। प्रस्‍थान १९:५-६

भजन संग्रह 2:12

मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।

भजन संग्रह 78:71

परमप्रभुमी दाऊद कली गिक्‍शो भेडा आन कली योव़तीक गेय रे ग्रुंइताक्‍व। मेकोमी दाऊद कली याकूब आ थर ङा, परमप्रभु आ मुर आन कली कोव़चा कली ग्रुंइताक्‍व। मेको इस्राएल ङा मुर परमप्रभु आ शोंप बाक्‍नीम। १सामुएल १६:११-१२; २सामुएल ७:८

प्रस्‍थान 30:23

“गेमी शुश क्‍येट लाइब ब्रोव़शो रिना पाइब थोव़क चाक्‍चा माल्‍नेवे। मार चाक्‍चा माल्‍नेवे देंशा हना, मूरे आ रस ५ सहे शेकेल, दाल चिनी सहे निक्‍शी ५० शेकेल नु ब्रोव़शो रिना पाइब बोच सहे निक्‍शी ५० शेकेल चाक्‍चा माल्‍नेवे। शेकेल का ११.५ ग्राम चांदी के क्‍येट बाक्‍ब। ताम्‍बु ङा शेकेल चहिं १२ ग्राम बाक्‍ब।

येरमीया 10:16

परमप्रभु यावे, याकूब आ भाग बाक्‍ब। मेको मारेइ मारेइ सेल्‍ब बाक्‍ब। मिनु इस्राएल मेको आ शोंप बाक्‍ब। मेको आ नें मुर नेल्‍ल आन परमप्रभु यावे बाक्‍ब” देनो। ब्‍यवस्‍था ३२:९

इजीकीएल 16:13

मोपा गे सुन चांदीम ग्‍योम्‍साक्‍वे। इ वा रिम्‍शो पा किरशो सुती श्‍येले के वा, शुश क्‍येट लाइब वा नु बुटा आप्‍शो दारशो वा दुम्‍तेक्‍म। इ जचा थोव़क रिम्‍शो फस, खुदो नु रिम्‍शो तेल बाक्‍तेक्‍म। गे थम दारशो दुम्‍शा कोल्‍ते। मिनु गे पिपीम दुम्‍चा शिर‍ते।

होसे 13:2

मिनु मुल मेको क्‍येङा शुश पाप पाइनीम। मेकोपुकीमी आंम कली चांदी के मूर्ति सेल्‍नीम। मेको मूर्ति नेल्‍ल मुरुमी सेल्‍शो बाक्‍नीम। मिनु मुरुमी ‘मेको आन कली चढ़ेन। बाछा कली पुक्‍पु पने’ देंनीम। यसैया ४४:१०

प्रेरित 13:21

सामुएल आ पालामी आंइ किकी पिपीमी ‘आंइ कली सासन पाइब पिप का गेचा नकी’ दे पुन्‍मे बाक्‍त। मिनु परमप्रभु यावेमी बेन्‍यामीन थर ङा कीश आ तौ सावल कली योव़शा, आन पिप सेला बाक्‍त। मिनु सावल ४० बर्स सम्‍म पिप दुम्‍माक्‍त। १सामुएल ८:५; १सामुएल १०:२१-१४

ब्‍यवस्‍था 32:9

मिनु परमप्रभु यावे आ भाग आ मुरपुकी बाक्‍तेक्‍म। याकूब आ मुर आन भाग आ योव़शो रागी बाक्‍त।

१ थिस्‍सलोनिकी 5:26

लोक्‍ब नेल्‍ल आन कली प्रभु आ नेंमी मुम्‍मुशा आसीक गेने।

हिब्रू 2:10

नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२

प्रकाश 5:8

मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।

१ सामुएल 12:3

गो एक बाक्‍ती। आं पर्बम मारेइ मरिम्‍शो लोव़ पचा बाक्‍त हना, परमप्रभु यावे नु आ तेल लुक्‍शो आ ङोंइती देनीन। गो सुका आ ब्‍यफ, गधा रोइश्‍शो बाक्‍ङा? गो सु सु कली श्‍येत गेङा? गो सु सु आन कली दि‍बुमी? मिनु सु सु आन निसाफ पची ना घूस जङा? आं कली देंनीन। मिनु गो मेको थाप्‍नुङ” दे माइक्‍मी बाक्‍त। गन्‍ती १६:१५

१ सामुएल 13:14

तन्‍न मुल इ राज्‍य मली। परमप्रभु यावेम आ दाक्‍शो मुर का योव़तु। परमप्रभु यावेमी मेको कली आ मुर आन पिप सेल्‍ब। मारदे हना, गे परमप्रभु यावे आ लोव़ मटिवी” देंमाक्‍त। १सामुएल १६:१; प्रेरित १३:२२

१ सामुएल 15:1

मिनु सामुएलम सावल कली “परमप्रभु यावेम इ कली आ मुर इस्राएली आन पिप सेल्‍शा तेल लुक्‍चा, दे आं कली सोइक्‍ताक्‍यी। मोपतीके परमप्रभु यावे आ लोव़ नोफा दाइश्‍शा नेनो। १सामुएल १०:१

१ सामुएल 15:17

मिनु सामुएलमी “ङोंइती गे आंमा कली आंमान शोर गाक्‍शो मुर मिम्‍शो ननी। तन्‍न मुल गे इस्राएली आन पिप बाक्‍नीनी। परमप्रभु यावेमी इन कली तेल लुक्‍शा इस्राएल ङा पिप सेल्‍तु। १सामुएल ९:२१

१ सामुएल 16:1

परमप्रभु यावेमी सामुएल कली “गे सावल आ पर्बम गेना सम्‍म सुर्ता पा बाक्‍नेवे? गो मेको कली पिप दुम्‍तीक रे ग्रुंइताक्‍ङ। मुल गे नु बाक्‍शो ग्रोव़मी तेल कुर पा लतो। गो इ कली बेथलेहेम ङा येस्‍से आ बाक्‍तीक सोइक्‍नन। मारदे हना, गो मेको आ तौ का कली पिप सेल्‍चा कली योव़ता” देंमाक्‍त। १सामुएल १५:२३,३५

१ सामुएल 16:13

मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१

१ सामुएल 2:10

परमप्रभु यावे आ पर्बम जोरी सत्रु साइक्‍चा पुंइसीनीम। नेल्‍ल क्‍‍येङा ठेयबमी मेको आन पर्बम सरीङ रे बुंबु पपाइक्‍ब। मिनु परमप्रभु यावेमी रागी नेल्‍ल आन कली निसाफ पाइब। मेकोम आ पिप कली सक्ति गेब। मिनु आ तेल लुक्‍शो आ पिया पोक्‍ब” देंमाक्‍त।

१ सामुएल 24:6

मिनु दाऊदम आ मुर आन कली “गो आं ठेयब मुर, परमप्रभु यावेम तेल लुक्‍शो मुर कली मारेइ मपाइ‍नुङ। गो मेको कली मसाइक्‍नुङ। मारदे हना मेको परमप्रभु यावे आ तेल लुक्‍शो मुर बाक्‍ब” देंमाक्‍त।

१ सामुएल 26:11

गो परमप्रभु यावे आ तेल लुक्‍शो पिप कली गेनायो मरिम्‍शो मपाइनुङ। तन्‍न मुल मेको आ पिया गे ख्रुक्‍शो तूतीक नु आ ब्‍वाक्‍कु तूतीक ग्‍योंब कुरशा गाक्‍स” देंमाक्‍त।

१ सामुएल 26:9

तन्‍न दाऊदमी अबीशै कली “पिप कली साइक्‍चा ममिम्‍तो। परमप्रभु यावे आ तेल लुक्‍शो कली साइक्‍बपुकी सु चहिं सजाइ मतशो बाक्‍बा ङा?” देंमाक्‍त।

१ सामुएल 8:19

तन्‍न मुरपुकीम सामुएल आ लोव़ नेंने मबिस्‍समा बाक्‍त। मिनु मेकोपुकीम “ममाइ, आंइ कली पिप का माल्‍नीकी।

१ सामुएल 8:9

मिनु मुल मार देंना देंन बाक्‍मा, मेको नेनो। मुल मेको आन कली हिंपाइश्‍शा शेंदीमी। आन सासन पाइब पिपम दोदेंशो पाइनीमी, मेको आन कली माइक्‍मी” देंमाक्‍त।

१ सामुएल 9:16

मेकोमी “दीसा गो बेन्‍यामीन रागी ङा मुर का इ कली ग्रुम्‍थ सोइक्‍नुङ। मिनु गे मेको कली आं मुर, इस्राएली, आन पिप सेल्‍शा, तेल लुक्‍तो। मेकोमी आं मुर आन कली पलिस्‍ती आन गुइ रे प्रोंइब। मारदे हना गो आं मुर आन श्‍येत ताता। मेको आन पुंइशो नेंता” देंमाक्‍त।

१ सामुएल 9:27

मिनु मेकोपुकी सहर लाग्‍मे नोले सामुएलम सावल कली “इ गेय पाइब कली ङोंइती सोइक्‍तो” देंमाक्‍त। मिनु मेकोमी मो पवा बाक्‍त। मिनु सामुएलमी “गे एकेर रिम्‍दो। गो इ कली परमप्रभु आ लोव़ नेंपाइक्‍नन” देंमाक्‍त।