१ सामुएल 1:24 - Sunuwar Bible

²⁴ मिनु दूध प्रोना नोले मेको आल लाइश्‍शा, शिलो लमाक्‍त। मिनु मेकोमी आ नु बर्स सां ङा ब्‍यफ का, एफाह का फस नु गर का अङगुर शांबु यो इर परमप्रभु यावे आ ताम्‍बुम लदा बाक्‍त। मेना मेको आल आइक्‍चन बाक्‍माक्‍त। एफाह का २२ लिटर बाक्‍ब। मेको ५ पाथी खोदेंशो बाक्‍ब। गन्‍ती १५:३,८-११

१ सामुएल 1:24 ပူးပေါင်းရင်းမြစ်များ

उत्पत्ती 21:8

मिनु आल कोल्‍शा, दूध तूचा प्रोना बाक्‍त। मिनु दूध तूचा प्रोना नाक्‍ती अब्राहाममी ठेयब भोज सेल्‍शा, मुर आन कली थुल्‍मी बाक्‍त।

१ राजा 11:20

मिनु तहपेनेस आ लोक्‍बमी हादाद रे गेनुबाथ नें पाइश्‍शो तौ का थिवा बाक्‍त। मिनु तहपनेसमी मेको आल कली दूध प्रोंइपाइश्‍शा फाराओ आ खिंम थुला बाक्‍त। मिनु गेनुबाथ फाराओ आ आलपुकी नुन कोल्‍माक्‍त।

मत्ती 13:33

मिनु येसुमी “स्‍वर्ग ङा राज्‍य ओदेंशो बाक्‍ब, मीश मुर कामी पाथी सां फसमी बोरपाइक्‍ब ओख्‍ती सुप्‍शा, फस नेल्‍ल मबोरम सम्‍म सुम्‍शा वोदा बाक्‍त” दे अर्को कथा का शेंताक्‍मी। लूका १३:२०-२१

ब्‍यवस्‍था 12:11

मेना परमप्रभु यावे, इन परमप्रभुम आ बाक्‍तीके का योव़ब। गो इन कली अरेशो इन चोशा चढ़ेशो, इन क्‍योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्‍चा माल्‍नीनी।

ब्‍यवस्‍था 16:16

मिनु परमप्रभु यावे, इन परमप्रभुमी आ नोले योव़शो बाक्‍तीकेमी इन दाते ङा वोंइश मुर नेल्‍ले सां खेयप परमप्रभु यावे आ ङोंइती जाक्‍दीत्‍चा माल्‍नीम। ग्‍युरशो बोरब ओख्‍ती मसुप्‍शो शोब्‍ले ङा पास्‍सा माइश्‍शो चाड, ७ हप्‍ता नोले ङा हप्‍ता ङा चाड नु बाली नाली ओंइतीक गोठ सेल्‍तीक चाडम जाक्‍दीत्‍चा माल्‍नीम। मिनु परमप्रभु यावे आ ङोंइती श्‍येत्‍थ गुइ जाक्‍चा मदुम्‍ब।

यहोसु 18:1

मिनु इस्राएल ङा मुर नेल्‍ल शिलोमी बुक्‍तेक्‍म। मेकेर ग्रुम्‍तीक ताम्‍बु की‍तेक्‍म। मेना मेको रागी मेको आन रागी दुम्‍शो बाक्‍त। न्‍यायाधीस २१:१९; १सामुएल १:३; येरमीया ७:१२-१५