१ सामुएल 1:16 - Sunuwar Bible

¹⁶ आं कली मरिम्‍शो मीश मुर मसुइय्‍यीनी। आं थुं खाइक्‍तीके नु शुश श्‍येत जतीके गो मुल सम्‍म पुंइस ङा पुंइसन बाक्‍ती” देंमाक्‍त।

१ सामुएल 1:16 ပူးပေါင်းရင်းမြစ်များ

भजन संग्रह 55:2

आं पुंइशो नेंशा, लोव़ लेत्‍तीनी। गो श्‍येत जशा, आं थुं ग्‍येत्‍थ लुक्‍च दुम्‍शा, मारदे रोंका पा गाक्‍ती देंशा हना,

ब्‍यवस्‍था 13:13

इन दाते रे मरिम्‍शो वोंइश मुरपुकी बोक्‍शा, सहर ङा मुर आन कली दूली पपाइश्‍शा, मेकोपुकीमी ‘लय, देवी देवता आन कली पूजा पय’ देंतेक्‍म हना, गेपुकी मेको देवी देवता गेनायो मतुइश्‍शो बाक्‍तीनी हना,

ब्‍यवस्‍था 13:14

गेपुकीम रिम्‍शो पा खोदील निदील पा हिल्‍लो पचा माल्‍नीनी। मिनु मेको मरिम्‍शो थमा पा इन दातेमी पशो बाक्‍त हना,

१ सामुएल 1:15

मिनु हान्‍नाहमी “आं प्रभु, गो थुं खाइश्‍शो मीश मुर का बाक्‍नुङ। गो मारेइ अङगुर शांबु मतूङु। गो परमप्रभु यावे आ ङोंइती आं थुं ङा श्‍येत नेल्‍ल शोव़ता।

१ सामुएल 1:17

मिनु एलीम “इ थुं नाइश्‍शा लावो। इस्राएली आन परमप्रभुम इ पुंइशो लोव़ गेवल” देंमाक्‍त।

१ सामुएल 10:27

मेकेर मरिम्‍शो मुर यो बाक्‍मा बाक्‍त। मेकोपुकीमी “एको मुरुम आंइ कली आंइ जोरी सत्रु रे दोपा प्रोंइने चाप्‍बा ङा” देंमा बाक्‍त। मिनु मेकोपुकीमी सावल कली शुक्‍शी पा मेको कली मान पतीके यो मारेइ मचाक्‍ग्‍मे बाक्‍त। तन्‍न सावल सिक्‍सी पा बाक्‍माक्‍त। १सामुएल ११:१२

१ सामुएल 2:12

एली आ तौ निम्‍फा हिंचा ङा मरिम्‍शो पाइब बाक्‍सा बाक्‍त। मेको निक्‍शी परमप्रभु यावे कली मान पा महिंब बाक्‍सा बाक्‍त।

१ सामुएल 25:25

आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।