१ सामुएल 1:10 - Sunuwar Bible

¹⁰ मिनु हान्‍नाह आ थुं शुश खाइश्‍शा, ङाक्‍शा, परमप्रभु यावे कली पुना बाक्‍त।

१ सामुएल 1:10 ပူးပေါင်းရင်းမြစ်များ

उत्पत्ती 30:1

मिनु राहेलमी “आल मथीब बाक्‍ङा बाक्‍त” दे तुइश्‍शा, आ लोक्‍ब कली गेहे पवा बाक्‍त। मिनु याकूब कली “गे आं कली आल मगेतीनी हना, गो बेक्‍नुङ” देंमाक्‍त।

उत्पत्ती 50:10

मिनु मेकोपुकी आताद आ चेरब तुप्‍तीके यर्दन खोला आइक्‍ची हांबु जाक्‍दीश्‍शा, ठेयब रोंका पामे बाक्‍त। मिनु योसेफमी आ आफ कली ७ नाक्‍त सम्‍म रोंका पवा बाक्‍त।

२ सामुएल 13:36

मेकोम लोव़ पने थुमानु, पिप आ तौपुकी खिंङगा ओव़शा ठेयब सेंदा पा ङाक्‍मा बाक्‍त। पिप नु आ गेय पाइब मुरपुकी यो हुइ हुइ पा ङाक्‍मा बाक्‍त।

२ सामुएल 17:8

मिनु हुशाइमी लेंशा “गे इन आफ नु मेको नु बाक्‍ब मुरपुकी थम जोक्‍ब लडाइ पाइबपुकी बाक्‍नीम, दे तुइक्‍नीनी। मेकोपुकी चाइक्‍ब रोइक्‍चा पुंइसीशो वां खोदेंशो दुम्‍शो बाक्‍नीम। इन आफ लडाइ पतीकेम जोक्‍ब तुइक्‍ब बाक्‍ब। मेको नाक्‍दो आ लडाइ पाइ‍ब नु काथा मबाक्‍ब।

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

अय्‍युब 10:1

मिनु अय्‍युबम “गो ब्रोंइचा मदाक्‍नुङ। गो आं श्‍येत आ पर्बम लोव़ पस ङा पस बाक्‍नुङ। गो आं कशो थुंमी लोव़ पाइनुङ।

अय्‍युब 7:11

मोपतीके गो सिक्‍सी पा मबाक्‍नुङ। गो आं थुं ङा श्‍येतम लोव़ पाइ‍नुङ। गो आं लुक्‍च लशो थुंम लोव़ पाइनुङ।

अय्‍युब 9:18

मेकोम आं कली लेंशा सोक्‍त कीचा यो मगेब। श्‍येत जपाइश्‍शा आं थुं लुक्‍च लपाइक्‍ब।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

हितोपदेस 14:10

थुं ङा श्‍येत थुंम ला तुइक्‍ब। मिनु थुं आ ग्‍येरसीशो थुंमी ला तुइक्‍ब। रोमी १२:१५

यसैया 38:15

तन्‍न गो मार देंनुङा ङा? मारदे हना गे आं कली लोव़ पाइतीनी। मोदेंशो आंमा पाइतीनी। आं निन्‍द्रा नेल्‍ल प्रोक्‍त। आं थुं लुक्‍च लत हना यो गो इन कली ठेयब सेल्‍नुङ।

यसैया 54:6

मारदे हना परमप्रभु यावेमी इ कली प्रोंइसीशो नु थुं लुक्‍च लशो मीश मुर कली खोदेंशो पा ब्रेत्‍ताक्‍व। मुल गे ठिटी ना चाक्‍शा नोले प्रोंइ‍शो मीश आल खोदेंशो बाक्‍नेवे। यसैया ५०:१

येरमीया 13:17

तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

येरमीया 22:10

बेक्‍शा लशो आन पर्बम मङाक्‍कीन। मेको आन पर्बम रोंका मपने। मेको क्‍येङा यो ग्‍याइश्‍शा लाइश्‍शो मुर आन पर्बम ङाक्‍कीन। मारदे हना मेको गेनायो मलेप्‍ब। मेकोमी आ रागी गेनायो मताइब। २राजा २३:२९-३४

बिलाप 3:15

मेकोमी आं थुं खाइक्‍पाइश्‍शा, आं कली कशो तूचा थोव़क तूपाइक्‍ती।

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

न्‍यायाधीस 21:2

मिनु मुरपुकी बेथेल लशा, नाक्‍दो सम्‍म परमप्रभु आ ङोंइती बाक्‍शा, शुश ङाक्‍मा बाक्‍त। न्‍यायाधीस २०:१८,२३,२६

रूथ 1:20

मिनु नाओमीमी “आं कली नाओमी मदेनीन। मारा देनीन। मारदे हना नेल्‍ल क्‍येङा सक्ति पाइश्‍शो परमप्रभु यावेमी आं कली मरिम्‍शो पाइश्‍शा, श्‍येत जपाइक्‍ती। नाओमी देंशो दारशो रुम्‍सीब, मारा चहिं कशो रुम्‍सीब।

१ सामुएल 1:11

मिनु मेकोमी कबल पा “मुर नेल्‍ल आन परमप्रभु यावे, गे इन वाइलीम, आं श्‍येत तशा, आं कली मिम्‍शा, मप्रेंताक्‍नी हना, आं कली तौ का गेयीनी। गो मेको कली मबेक्‍म सम्‍म परमप्रभु यावे, इन कली जिम्‍मा गेनुङ। मेको आ चां गेनायो मप्रेक्‍सीब मेकोम गेनायो अङगुर शांबु मतूब” दे कबल पवा बाक्‍त। आमोस २:११; न्‍यायाधीस १३:५

१ सामुएल 1:9

मिनु काले शिलोमी जने तूने थुम्‍मे नोले हान्‍नाह बोक्‍माक्‍त। मिनु परमप्रभु यावे आ ङोंइती लशा राम्‍माक्‍त। मेना चढ़ेब एली परमप्रभु यावे आ ताम्‍बु आ ओव़तीक नेक्‍था आ नित्‍तीकेम निश्‍शो बाक्‍माक्‍त।