१ सामुएल 1:1 - Sunuwar Bible

¹ रामाथाइम-सोफीम रे जाक्‍शो मुर का बाक्‍माक्‍त। मेको एफ्राइम ङा पहाड ङा सुफ आ खिं ङा बाक्‍माक्‍त। मेको आ नें एल्‍काना बाक्‍माक्‍त। एल्‍काना येरोहाम आ तौ, एलीहु आ चच बाक्‍माक्‍त। मेको आ शेर बाजे तोहु नु आ किकी बाजे जूफ माइश्‍शो एफ्राइम थर ङा बाक्‍माक्‍त। १इतिहास ६:१; १इतिहास १२:१९-२०

१ सामुएल 1:1 ပူးပေါင်းရင်းမြစ်များ

१ राजा 11:26

एफ्राइम आ थर, सेरेदाह सहर ङा नेबात आ तौ येरोबाम सोलोमन आ गेय पाइब बाक्‍माक्‍त। मेको आ ममा आ नें सेरूआह बाक्‍माक्‍त। मेको आ वोंइश बेक्‍शो मीश मुर बाक्‍माक्‍त। मेको येरोबाममी यो सोलोमन कली श्‍येत गेचा गोवा बाक्‍त।

१ इतिहास 6:12

अहीतुब सादोक आ आफ बाक्‍माक्‍त। सादोक शाल्‍लुम आ आफ बाक्‍माक्‍त।

१ इतिहास 6:22

कोहाथ आ तौ चच युइ सु सु बाक्‍मा बाक्‍त देंशा हना, अम्‍मीनादाब, अम्‍मीनादाब आ तौ कोराह, कोराह आ तौ अस्‍सीर, १इतिहास ९:१९; प्रस्‍थान ६:२४

१ इतिहास 6:33

मेको कुम्‍सो पाइब नु आन तौ सु सु बाक्‍मा बाक्‍त देंशा हना, कोहाथ आ खिं ङा कुम्‍सो पाइब हेमान बाक्‍माक्‍त। हेमान योएल आ तौ बाक्‍माक्‍त। योएल सामुएल आ तौ बाक्‍माक्‍त। १इतिहास १५:१७,१९

१ इतिहास 6:34

सामुएल एल्‍काना आ तौ बाक्‍माक्‍त। एल्‍काना येरोहाम आ तौ बाक्‍माक्‍त। येहोराम एलीएल आ तौ बाक्‍माक्‍त। एलीएल तोआह आ तौ बाक्‍माक्‍त। तोआह जूफ आ तौ बाक्‍माक्‍त।

मत्ती 27:57

मिनु नां रिक्‍मेनु, येसु आ नोले खोइक्‍ब अरीमाथीया ङा योसेफ माइश्‍शो शोंप पाइश्‍शो मुर कामी पिलातस कली ग्रुम्‍थ लशा, ब्‍यवस्‍था २१:२२,२३

यहोसु 24:33

मिनु हारून आ तौ एलाजर यो बेक्‍त। मेको कली गिबा सहरमी थिम्‍तेक्‍म। मेको एफ्राइम ङा पहाड रागीमी बाक्‍शो सहर, मेको आ तौ फिनेहास कली गेम्‍तेक्‍म। ब्‍यवस्‍था १०:६

न्‍यायाधीस 12:5

मिनु गिलादीपुकीमी यर्दन ङा शोक्‍तीक लां एफ्राइम रे रोइश्‍शा, आंम के सेल्‍मे बाक्‍त। मिनु गिलाद ङा मुरपुकीमी खोला शोक्‍ब मुर आन कली “गे एफ्राइम आ थर ङा मुर बाक्‍नीनी?” दे हिल्‍लो पामे बाक्‍त। “गो मनङ” देंमा बाक्‍त हना,

न्‍यायाधीस 17:1

एफ्राइम ङा पहाडम मीकाह नें पाइश्‍शो मुर का बाक्‍माक्‍त।

न्‍यायाधीस 19:1

मेना इस्राएल रागीम पिप मबाक्‍माक्‍त। मिनु लेवी का बाक्‍‍माक्‍त। मेको एफ्राइम ङा नेल्‍ल क्‍येङा नोले ङा पहाडी रागीम बाक्‍शो बाक्‍‍माक्‍त। मेकोमी यहूदा ङा बेथलेहेम रे मीश का चाक्‍शो बाक्‍माक्‍त। न्‍यायाधीस १७:६

न्‍यायाधीस 4:5

मेको एफ्राइम ङा पहाडी रागी, रामाह नु बेथेल आ दातेमी बाक्‍शो देबोरा आ खजूर रवा आ पुंमी बाक्‍शो बाक्‍माक्‍त। मिनु इस्राएलीपुकी निसाफ पुंइथ मेक जाक्‍‍मा बाक्‍त। उत्‍पत्ती ३५:८

रूथ 1:2

मेको मुर आ नें एलीमेलेक बाक्‍माक्‍त। आ मीश आ नें नाओमी नु आ तौ निक्‍शी आस नें का के माहलोन, का के किल्‍योन बाक्‍माक्‍त। मेकोपुकी यहूदा रागी ङा बेथलेहेम एफ्राथाह सहरम बाक्‍शो बाक्‍मा बाक्‍त। मिनु मोआबी आन रागी जाक्‍दीश्‍शा, मेक उइ बाक्‍मा बाक्‍त। उत्‍पत्ती ४८:७; मीका ५:१

रूथ 4:22

ओबेदमी येस्‍से थिमाक्‍त। येस्‍सेमी दाऊद थि‍माक्‍त। १सामुएल १६:१, ११-१३

१ सामुएल 1:19

मिनु मेकोपुकी आ दीसा सुनी कना बोक्‍शा, परमप्रभु यावे कली ठेयब सेल्‍शा, आन खिं रामाह लेम्‍मा बाक्‍त। मिनु एल्‍काना आ मीश हान्‍नाह नु इम्‍माक्‍त। मिनु परमप्रभु यावेमी हान्‍नाह कली मिम्‍ता बाक्‍त। उत्‍पत्ती ३०:२२

१ सामुएल 17:12

दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११

१ सामुएल 2:11

मिनु नोले एल्‍काना आ खिं ङा मुरपुकी नु रामाह लेम्‍माक्‍त। मेको वोंइश आल चहिं परमप्रभु यावे कली चढ़ेब एली आ ङोंइती बाक्‍शा, परमप्रभु यावे आ गेय पवा बाक्‍त।

१ सामुएल 7:17

मिनु मेको रामाह लेप्‍बाक्‍माक्‍त। मारदे हना मेको आ खिं मेकेर बाक्‍माक्‍त। मिनु मेकोमी मुर आन कली निसाफ पा, परमप्रभु यावे कली चढ़ेतीक का सेला बाक्‍त। यहोसु १८:२५

१ सामुएल 9:4

मिनु मेको निक्‍शी एफ्राइम ङा पहाड लाक्‍शा, शालीशाह रागी रे पा लसा बाक्‍त। तन्‍न गधा मथित्‍से बाक्‍त। मेको निक्‍शी शालीम रागी लसा, बेन्‍यामीन आ रागी रे पा हिरशा, लसा बाक्‍त। मेकेर यो मथिदसे बाक्‍त।

१ सामुएल 9:5

मिनु मेको निक्‍शी जूफ रागी ओव़सा बाक्‍त। मिनु सावलम आ गेय पाइब कली “मुल गो लेस्‍स। मुल मलेत्‍तस हना, आं आफोम गधा आन पर्बम सुर्ता पचा प्रोंइशा, इस पर्बम सुर्ता पाइब” देंमाक्‍त। १सामुएल १०:२