१ पत्रुस 5:6 - Sunuwar Bible

⁶ मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। याकूब ४:६

१ पत्रुस 5:6 ပူးပေါင်းရင်းမြစ်များ

१ राजा 21:29

मार लोव़ पवा बाक्‍त देंशा हना “आहाब आं ङोंइती ब्रेम्‍शो दुम्‍शो तवी? मारदे हना मेको ब्रेम्‍शो दुम्‍तीके गो मेको आ पालाम ठेयब श्‍येत मदुम्‍पाइक्‍नुङ। तन्‍न मेको आ तौ आ पालाम मेको आ खिंम ठेयब श्‍येत चाक्‍नुङ” देंमाक्‍त। २राजा ९:२६

२ राजा 22:19

गे आं कली टिचा दाक्‍शा, इ थुं आं ङोंइती ब्रेम्‍शो दुम्‍शा, गे सुर्ता पा इ वा खाक्‍शो ताता। मारदे हना गो यहूदा रागी नु मेकेर ङा मुर आन पर्बम सराप रशा, मुर मबाक्‍तीक दुम्‍ब, देंती। गे मेको आ पर्बम आं ङोंइती ङाक्‍शो नेंता।

२ इतिहास 12:12

मारदे हना परमप्रभु यावेमी रेहोबाम ब्रेम्‍शो दुम्‍शो तशा, मेको आ पर्बम गाइक्‍तीके प्रोना बाक्‍त। मिनु नेल्‍ल खतम मसेला बाक्‍त। मिनु यहूदामी रिम्‍शो दुम्‍शो यो बारना बारन लमाक्‍त। २इतिहास ३२:२६

२ इतिहास 30:11

मो हना यो आशेर, मनस्‍से नु जबूलून ङा मुर का निक्‍शी ब्रेम्‍शो दुम्‍शा यरूसलेम लमा बाक्‍त। २इतिहास ११:१६

२ इतिहास 32:26

मिनु हिज्‍कीयाह नु यरूसलेम ङा मुर नेल्‍लेम ब्रेम्‍शो सेल्‍सीमे बाक्‍त। मोपतीके परमप्रभु यावे हिज्‍कीयाह आ पालाम मेकोपुकी नु मगाइक्‍ता बाक्‍त।

२ इतिहास 33:12

मिनु मेको मोपा श्‍येत जवानु, परमप्रभु यावे, आ परमप्रभु आ शिशी मला बाक्‍त। मिनु आ किकी पिपी आन परमप्रभु आ ङोंइती आ थुं ब्रेम्‍पदा बाक्‍त।

२ इतिहास 33:19

मेको आ पुंइतीक लोव़ नु परमप्रभुम आ पुंइशो दोपा नेना, आ ब्रेम्‍शो दुम्‍चा क्‍येङा ङोंइती पशो पाप नेल्‍ल नु आ परमप्रभु कली थमा मसुइक्‍थु, डांडा ङा थान ते ते सेला, मूर्ति पाइश्‍शो थाम नु मूर्ति वोइश्‍शो नेल्‍ल परमप्रभु यावे आ लोव़ पाइब आन इतिहासम ब्रेक्‍शो बाक्‍ब।

२ इतिहास 33:23

तन्‍न मेकोमी आ आफ मनस्‍से खोदेंशो पा परमप्रभु यावे आ ङोंइती आंम कली ब्रेम्‍शो मसेला बाक्‍त। आमोन आ पशो मरिम्‍शो शुश बारना बारन लमाक्‍त।

२ इतिहास 36:12

मेकोमी आ परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। परमप्रभु यावे आ लोव़ पाइब येरमीयाम मेको कली परमप्रभु यावे आ लोव़ पशो बाक्‍माक्‍त। तन्‍न पिपमी मेको आ ङोंइती आ थुं कली ब्रेम्‍शो मसेला बाक्‍त। येरमीया ३७:-; ३८:-

अय्‍युब 36:22

परमप्रभु आ सक्तिम पतीके ठेयब सेल्‍चा पुंइसीब। मेको खोदेंशो शेंब अर्को सु बाक्‍बा ङा? भजन संग्रह २५:९

भजन संग्रह 75:10

गे इन अरेशो मटीब नेल्‍ल आन कली आइक्‍च सेल्‍नीनी। तन्‍न ठीक पाइबपुकी ठेयब सेल्‍चा पुंइसीनीम।

भजन संग्रह 89:13

गे सक्ति पाइश्‍शो बाक्‍नीनी। गे बोल्‍यो नु ठेयब बाक्‍नीनी।

प्रस्‍थान 10:3

मिनु मोसा नु हारून फाराओ आ बाक्‍तीके जाक्‍दीश्‍शा, मेको कली “हिब्रू आंइ परमप्रभु यावे, हिब्रू मुर आन परमप्रभुमी इन कली ‘गेना सम्‍म गे आं ङोंइती ठेयब लेश्‍शा बाक्‍नेवे? आं मुर आन कली आं कली चढ़ेथ लचा गेवो। प्रस्‍थान ५:३

प्रस्‍थान 3:19

मेको पिपमी चहिं इन कली लचा मगेब, गो तुइक्‍नुङ। गो थम ठेयब सक्तिमी इन कली वारच पाता हना ला, लचा गेब।

प्रस्‍थान 32:11

मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

यसैया 2:11

मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११

यसैया 40:4

बेंसी नेल्‍ले ग्‍येत्‍थ पोक्‍चा पुंइसीनीम। डांडा नु पहाड फ्रेम्‍चा पुंइसीनीम। दिंम मदुम्‍शो बाक्‍तीके दिंम दुम्‍चा माल्‍ब। फुल्‍लु बाक्‍तीके रिम्‍शो दुम्‍चा माल्‍नीम। यसैया ४९:११

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

येरमीया 13:18

पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६

येरमीया 44:10

मुल सम्‍म मेकोपुकीमी आंम कली ब्रेम्‍शो मसेल्‍सम। आं कली मान पा महिंम। गो आं अरेशो नु आं फुल्‍लुम मुशा ब्रेक्‍शो लोव़ इन ङोंइती नु इन किकी पिपी आन ङोंइती वोइक्‍ता। मिनु मेको, गेपुकी नु इन किकी पिपीमी मटिनी” देंत।

इजीकीएल 17:21

मेको आ प्रोक्‍शा लशो लडाइ पाइब नेल्‍ल तरवारम साइक्‍चा पुंइसीनीम। मिनु ब्रोंइशो नेल्‍ल एर ओंथ ब्राइ‍नीम। मिनु गो परमप्रभु यावेमीन एको लोव़ पशो नङ, दे तुइक्‍नीनी” देंशो बाक्‍ब।

इजीकीएल 21:6

मोपतीके ए मुर, हुकयी पावो। जिक्‍शो थुंम थम श्‍येत जशा, मेको आन ङोंइती हुकयी पावो।

दानीएल 5:22

मिनु गे, मेको आ तौ, बेल-शजरमी, मेको लोव़ नेल्‍ल तुइश्‍शा यो, इन थुं मब्रेम्‍पाइक्‍नी।

लेवी 26:41

मिनु गो मेको आन कली मरिम्‍शो पस ङा पस बाक्‍शा, आन जोरी सत्रु आन रागीम सोइक्‍ताक्‍ङमी। मिनु मेको आन खकटा थुं ब्रेम्‍शो दुम्‍शा, आन पाप आ पर्बम पाप क्‍याम्‍तीक गेय पाम्‍तेक्‍म हना, ब्‍यवस्‍था १०:१६; येरमीया ९:२५

मीका 6:8

परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२

मत्ती 23:12

ठेयब सुंइ‍सीब हिक्‍चा मपुंइसीब। महिक्‍सीशो चहिं मान पाइक्‍चा पुंइसीब। अय्‍युब २२:२९; हितोपदेस २९:२३; इजीकीएल २१:३१; लूका १८:१४; १पत्रुस ५:५

लूका 1:52

हुकुम पाइब आन सासन पशो रोइश्‍शा, महिक्‍सीशो आन कली ठेयब सेल्‍तु। भजन संग्रह १४७:६

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

लूका 18:14

परमप्रभु यावेमी मेको कली आ पाप क्‍याम्‍शा, ठीक दुम्‍पाइक्‍तु। मिनु ठीक दुम्‍शा, आ खिं लेत्‍त। फरिसी चहिं पाप क्‍याम्‍चा मतव। मारदे हना सुमी ठेयब सुंइ‍सीबा, मेको महिक्‍शो दुम्‍ब। ठेयब मसुंइ‍सीब कली चहिं परमप्रभु यावेमी ठेयब सेल्‍ब” दे येसुमी माइक्‍मी बाक्‍त। मत्ती २१:३१; लूका १४:११; मत्ती २३:१२

रोमी 5:6

ङोंइती मचाप्‍ब बाक्‍यानु, ख्रीस्‍त परमप्रभु यावे कली मटीब आन पर्बम बेक्‍त।

१ कोरिन्‍थी 10:22

गोपुकीम प्रभु कली रुश पपाइक्‍चा दुम्‍बा ङा? गो प्रभु क्‍येङा ठेयब नया ङा?

ब्‍यवस्‍था 32:35

सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०

१ तिमोथी 2:6

मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४

तीतस 1:3

आ दाक्‍शो ना मुर आन कली आ लोव़ तुइक्‍पाइक्‍तु। दोपा तुइक्‍पाइक्‍तु देंशा हना, इं मरिम्‍शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०

याकूब 4:10

प्रभु येसु आ ङोंइती आइक्‍च दुम्‍शा, ब्रेम्‍शो दुमीन। मिनु परमप्रभु यावेमी इन कली ठेयब सेल्‍ब।

याकूब 4:7

गेपुकी परमप्रभु यावेमी देंशो लोव़ टिने। सैतान रे ङोन बाक्‍कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९

याकूब 5:10

आं दाक्‍शो लोक्‍बपुकी, साइ ङा परमप्रभु यावे आ लोव़ पाइबपुकीमी परमप्रभु यावेमी देंशो लोव़ पशा, शुश श्‍येत जशा यो फाल्‍शा, परमप्रभु यावे कली मप्रोंइथु बाक्‍शो बाक्‍तेक्‍म। मिनु मेको आन खोदेंशो पा बाक्‍कीन। मत्ती ५:१२