१ पत्रुस 5:3 - Sunuwar Bible

³ “गो परमप्रभु यावे आ योव़शो मुर आन कली हुकुम पाइब दुम्‍ती” दे ममाइ, तन्‍न मेको दोदेंब दुम्‍चा माल्‍नीमी, इन पशो गेयमी कोंइदीन। इजीकीएल ३४:२-४; २कोरिन्‍थी १:२४; तीतस २:७

१ पत्रुस 5:3 ပူးပေါင်းရင်းမြစ်များ

भजन संग्रह 33:12

तेको रागीम परमप्रभु, आं परमप्रभु यावे बाक्‍बा, मेको ग्‍येरसीशो रागी बाक्‍ब। मारदे हना मेको योव़सीशो रागी बाक्‍ब। ब्‍यवस्‍था ३३:२९

भजन संग्रह 74:2

साइ इन ग्‍याप्‍शो मुर आन कली मिम्‍तीन। इन के सेल्‍चा कली श्‍येत रे प्रोंइशो मुर आन कली मिम्‍तीन। गे इन बाक्‍तीक सियोन डांडा कली मिम्‍तीन। भजन संग्रह ७६:३

इजीकीएल 34:4

गेपुकीम मचाप्‍शो आन कली बोल्‍यो मसेल्‍नी। रोइ पशो आन कली मसापाइक्‍नी। गार दुम्‍शो आन कली आन गारमी ओख्‍ती मख्रेक्‍तीनी। गेपुकीम लां जाम्‍शो आन कली माल्‍थ लशा मलेत्‍तीनी। गे जाम्‍शो आन कली ममाल्‍थु, मरिम्‍शो पा सासन पशो बाक्‍तीनी। जकरिया ११:१५-१६; यूहन्‍ना १०:११

मीका 7:14

गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

यूहन्‍ना 13:15

गो इन खोइल चिक्‍ताक्‍न्‍नी। मिनु गेपुकी आं खोदेंशो पने। फिलिप्‍पी; १पत्रुस २:२१

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४

१ कोरिन्‍थी 11:11

मोदेंशो दुम्‍त हना यो, प्रभुमी “वोंइश मुर कली मीश मुर माल्‍ब। मीश मुर कली वोंइश मुर माल्‍ब। मबाक्‍थु मदुम्‍ब दे सेल्‍शो बाक्‍त” देंत।

१ कोरिन्‍थी 3:5

आपोल्‍लोस माइश्‍शो सु में? गो पावल माइश्‍शो सु नङा? प्रभुमी आंस कली आ लोव़ शेंथ योव़शो नस्‍कु। गेपुकीमी आंस लोव़ नेंशा थमा सुइक्‍तीनी।

१ कोरिन्‍थी 3:9

गे परमप्रभु यावे आ रू नु आ खिं ननी। गोपुकी चहिं मेको रूमी गेय पाइब नु मेको खिं सेल्‍ब नकी। मत्ती १३:२-९; एफिसी २:२०

२ कोरिन्‍थी 1:24

गो इन थमा सुइक्‍तीके कली हुकुम मपाइ‍नीकी। इन ग्‍येरसीचा ङा पा, गे नु गेय पाइनीकी। मारदे हना इन थमा सुइक्‍तीके बोल्‍यो बाक्‍ब। २कोरिन्‍थी ४:५; १पत्रुस ५:३

२ कोरिन्‍थी 4:5

गो आंम पर्बम मशेंनीकी। तन्‍न येसु ख्रीस्‍त प्रभु बाक्‍ब, दे शेंनीकी। मिनु येसु आ पतीके गो इन गेय पाइब दुम्‍तक।

ब्‍यवस्‍था 32:9

मिनु परमप्रभु यावे आ भाग आ मुरपुकी बाक्‍तेक्‍म। याकूब आ मुर आन भाग आ योव़शो रागी बाक्‍त।

फिलिप्‍पी 3:17

आं दाक्‍शो लोक्‍बपुकी, गेपुकी आं खोदेंशो दुमीने। आंइ खोदेंशो पा गेय पाइब आन कली कोव़शा, मेको आन खोदेंशो पने। १कोरिन्‍थी ११:१

फिलिप्‍पी 4:9

गो इन कली मार शेंदु, गे मार रुम्‍नी, मार नेंनी, आं कली मार पशो तनी, मेकोन पने। मो पाइतीनी हना, इन थुं नाइक्‍चा गेब परमप्रभु यावे गेपुकी नु बाक्‍ब।

१ थिस्‍सलोनिकी 1:7

मोपा गेपुकी मासीडोनीया नु आकाया रागी ङा थमा सुइक्‍ब आन कली रिम्‍शो कोंइतीक दुम्‍तीनी।

२ थिस्‍सलोनिकी 3:9

मोश जचा अधिकार बाक्‍त हना यो, दोपा रिम्‍शो पचा इन कली कोंइचा, दे मोदेंशो पाइतक। मत्ती १०:१०; प्रेरित २०:३५; फिलिप्‍पी ३:१७

१ तिमोथी 4:12

गे ठिटा बाक्‍ते हना यो, लोव़ पतीकेमी, मुर नु गेय पतीकेमी, दाक्‍तीकेमी, थमा सुइक्‍तीकेमी नु ग्रांग्रा मदि‍शोमी थमा सुइक्‍ब नेल्‍ल आन कली कोंइतीक दुमो। मिनु तोक्‍शो लोव़ पचा मगेमी। तीतस २:१५; २तिमोथी २:२२

तीतस 2:7

मिनु नेल्‍ल क्‍येङा ठेयब मार बाक्‍ब देंशा हना, गे रिम्‍शो गेय पशा, थमा सुइक्‍बपुकी दोदेंशो मुर बाक्‍नीमी, दे कोंइचा माल्‍नेवे। मिनु मुर आन कली शेंदीनु, हेंथे लोव़ मपथु, रिम्‍शो शेंतीक शेंचा माल्‍नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८