१ पत्रुस 5:12 - Sunuwar Bible

¹² गो सिल्‍वानस थमा सुइक्‍ब लोक्‍ब बाक्‍ब, दे मिम्‍शा, आं ब्रेक्‍शो आइक्‍च चिठी मेको नु सोइक्‍ताक्‍ङ। गो इन कली परमप्रभु यावे आ थमा शिशी मार बाक्‍मे, मेको शेंताक्‍न्‍‍नी। मिनु गे मेको तुइश्‍शा, थमा सुइक्‍चा मप्रोंइथु बाक्‍कीन। प्रेरित १५:२२

१ पत्रुस 5:12 ပူးပေါင်းရင်းမြစ်များ

यूहन्‍ना 21:21

मिनु पत्रुसमी मेको कली तशा “प्रभु, मेको कली मार दुम्‍बा?” दे हिल्‍लो पाप्‍तु।

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 15:22

मिनु याकूब आ लोव़ नेंशा, नेल्‍ल थुं का दुम्‍शा, आ देंशो बिस्‍समा बाक्‍त। मिनु चिठी ब्रेक्‍शा, मेको चिठी चोव़थ मुर योव़शा, पावल नु बारनाबास, नु काथा एन्‍टीओक सोइक्‍चा, दे सल्‍ला पामे बाक्‍त। मेको योव़शो का यहूदा नु का सिलास बाक्‍सा बाक्‍त। यहूदा आ याइनी नें बारसाबास बाक्‍माक्‍त। यहूदा नु सिलास थमा सुइक्‍ब आन कली शेंब खाल्‍पा बाक्‍सा बाक्‍त।

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

रोमी 5:2

येसु ख्रीस्‍त आ पतीके गो परमप्रभु यावे आ शिशी ताइतय। मिनु परमप्रभु यावे नु बाक्‍चा ताइनीकी, दे आस पशा, ग्‍येरशा बाक्‍तय। यूहन्‍ना १४:६; एफिसी ३:१२

१ कोरिन्‍थी 15:1

आं लोक्‍बपुकी, इन कली ङोंइती येसु ख्रीस्‍त आ पर्बम शेंशो ग्‍येरपाइक्‍तीक लोव़ मिम्‍पाइक्‍नुङ। गेपुकीमी एको लोव़ नेंशा थमा सुइक्‍तीनी। मिनु मुल यो थमा सुइक्‍ना सुइक्‍न बाक्‍तीनी।

२ कोरिन्‍थी 1:19

सिल्‍वानस, तिमोथी नु गो सांफामी इन कली परमप्रभु यावेमी आ तौ येसु ख्रीस्‍त आ लोव़ नेंपाइक्‍तक। मेको लोव़ थमा दुम्‍बा कों मदुम्‍बा, मार तुइक्‍चा देंशो लोव़ ममाइ। येसु ख्रीस्‍त थमा बाक्‍ब। प्रेरित १८:५

२ कोरिन्‍थी 1:24

गो इन थमा सुइक्‍तीके कली हुकुम मपाइ‍नीकी। इन ग्‍येरसीचा ङा पा, गे नु गेय पाइनीकी। मारदे हना इन थमा सुइक्‍तीके बोल्‍यो बाक्‍ब। २कोरिन्‍थी ४:५; १पत्रुस ५:३

एफिसी 3:3

दोपा परमप्रभु यावेमी आ ख्रुइश्‍शो लोव़ आं कली तुइक्‍पदा, मोपा ङोंइतीन इन कली इचइच्‍का ब्रेक्‍ने थुम्‍शो बाक्‍ती। एफिसी १:९-१०; गलाती १:१२

एफिसी 6:21

मिनु गो दोपा बाक्‍ङा, मार पङा मेको नेल्‍ल प्रभु आ रिम्‍शो गेय पाइब, इं दाक्‍शो थमा सुइक्‍ब लोक्‍ब तिखीकसमी इन कली देंब। प्रेरित २०:४; कलस्‍सी ४:७-८; २तिमोथी ४:१२; तीतस ३:१२

कलस्‍सी 1:7

इपाफ्रास आंस दाक्‍शो लोक्‍ब, गो निक्‍शी नु गेय पाइब। मेको रिम्‍शो पा ख्रीस्‍त आ लोव़ इन कली शेंब दुम्‍त। कलस्‍सी ४:१२; फिलेमोन २३

कलस्‍सी 4:7

आं पर्बमी मार मार दुम्‍मे, मेको नेल्‍ल तिखीकसमी इन कली देंब। मेको इं दाक्‍शो लोक्‍ब बाक्‍ब। दीगो पा गेय पाइब नु आं खोदेंशो प्रभु आ वाइल बाक्‍ब।

कलस्‍सी 4:9

इं दाक्‍शो नु रिम्‍शो पाइब लोक्‍ब, ओनेसीमस मेको नु जाक्‍ब। मेको इन मुरुन बाक्‍ब। एक मार मार दुम्‍मे, मेको निक्‍शीमी इन कली देंनीसी। फिलेमोन १०

१ थिस्‍सलोनिकी 1:1

गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु इं प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। येसु ख्रीस्‍तमी इन कली शिशी पा इन थुं नाइक्‍चा गेवल। प्रेरित १५:४०; प्रेरित १६:१-३,१९; प्रेरित १७:१-९; २थिस्‍सलोनिकी १:१

२ थिस्‍सलोनिकी 1:1

गो पावल नङ। सिल्‍वानस नु तिमोथी यो गो नु बाक्‍नीस। गो इं आफ परमप्रभु यावे नु प्रभु येसु ख्रीस्‍त कली थमा सुइक्‍ब थिस्‍सलोनिकी सहर ङा इन कली चिठी ब्रेक्‍ताक्‍ङ। १थिस्‍सलोनिकी १:१

हिब्रू 13:22

आं दाक्‍शो लोक्‍बपुकी, इन कली आं ब्रेक्‍शो थुं बारपाइक्‍तीक लोव़ शुश मब्रेक्‍तु। रिम्‍शो पा रु‍प्‍चा माल्‍नीनी।

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

१ पत्रुस 4:10

परमप्रभु यावेमी इन कली गेय का का पपाइश्‍शो बाक्‍त। मोदेंशो पा वारच पमुने। परमप्रभु यावेमी गेशो गेय रिम्‍शो पने।

२ पत्रुस 1:12

मोपतीके गो इन कली नेल्‍ल नाक्‍ती मोदेंशो मिम्‍पाइक्‍नुङ। गेपुकी मेको तुइश्‍शा नु थमा शेंतीके पाइब दुम्‍तीनी हना यो, गो इन कली मिम्‍पाइक्‍नुङ।

२ पत्रुस 2:15

ठीक लां प्रोंइशा, हेंथे गाक्‍शा, बेओर आ तौ बालाम माइश्‍शो मुर खोदेंशो दुम्‍तेक्‍म। बालाममी मार पशो बाक्‍त देंशा हना, मरिम्‍शो गेय पतीके रे ताक्‍शो क्‍येट शुश दाक्‍शो बाक्‍त। गन्‍ती २२:७-३५

३ यूहन्‍ना 1:12

मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे।

यहूदा 1:3

आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८