१ पत्रुस 4:6 - Sunuwar Bible

⁶ मोपतीके बेक्‍शो मुर आन कली यो परमप्रभु यावे आ ग्‍येरपाइक्‍ब लोव़ शेंशो बाक्‍त। परमप्रभु यावे खोदेंशो पा सोक्‍तीम ब्रोंइचा तामेक्‍ल, दे रागीमी बाक्‍मानु, निसाफ पचा पुंइसाक्‍म। १पत्रुस ३:१९

१ पत्रुस 4:6 ပူးပေါင်းရင်းမြစ်များ

मत्ती 24:9

इन कली खेदा पा शुश श्‍येत गेनीम, साइक्‍नीम। नेल्‍ल जात ङा मुरपुकीमी आं पर्बम इन कली मदाक्‍थु आइक्‍च सेल्‍नीम। मत्ती १०:२१-२२; यूहन्‍ना १६:२

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

गलाती 2:19

गो यहूदी आन पतीके आन पर्बम बेक्‍शो मुर दुम्‍ती। ख्रीस्‍त नु काथा शीम कांटी थोक्‍शा, क्‍याइश्‍शा साइक्‍चा पुंइसाक्‍यी। मुल गो परमप्रभु यावे आ दाक्‍शो पा ब्रोंइनुङ।

गलाती 5:25

गो परमप्रभु यावे आ सोक्‍तीमी ब्रोंइतय हना, इं गेय यो परमप्रभु यावे आ सोक्‍तीमीन पय। रोमी ८:४

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ पत्रुस 3:19

नोले मेको आ सोक्‍त लशा, जेल्‍खानमी बाक्‍शो सोक्‍त आन कली लोव़ पाप्‍तु।

प्रकाश 14:18

मिनु नोले अर्को परमप्रभु यावे आ स्‍वर्ग ङा गेय पाइब का धूप चढ़ेतीके रे ग्रूशो ताता। मेकोमी मी कली अधिकार पाइबाक्‍त। मेकोमी ठेयब सेंदामी हेश्‍शो गुये शेयब कली “रागी अङगुर रू खोदेंशो पा मीशो बाक्‍त। मोपतीके गुयेमी फल सेक्‍चा गोवो” देंशो नेंता।