१ पत्रुस 4:4 - Sunuwar Bible

⁴ गे चहिं मुल मेको आन पशो खोदेंशो मपाइनीनी। मोपतीके मेकोपुकी छक लाक्‍नीम। मिनु इन पर्बम शुक्‍शी पाइनीम।

१ पत्रुस 4:4 ပူးပေါင်းရင်းမြစ်များ

मत्ती 23:25

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बोस आ तार ला खुइश्‍शो खोदेंशो पा गेपुकी लाङगा रे रिम्‍शो तांइसीनीनी। तन्‍न इन आगामी खुइ नु ग्रांग्रा दिचा ङा गेय पतीकेमी ब्रीशो बाक्‍नीनी। मर्कूस ७:४,८

लूका 15:13

मिनु कान्‍छामी इच्‍का नाक्‍त नोले आ अङस नेल्‍ल खुप्‍शा, क्‍येट नेल्‍ल कुरशा गाक्‍माक्‍त। मिनु जशा, तूशा, तेल्‍लेम पा, जवा ग्‍यारशा, क्‍येट नेल्‍ल थुमा बाक्‍त। हितोपदेस २९:३

प्रेरित 13:45

मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।

प्रेरित 18:6

मिनु यहूदीपुकीमी आ शेंशो थमा मसुइक्‍थु शुक्‍शी पामेनु, पावलमी आ फेक्‍शो वा ङा फुरकु थुर थुर पा मेको आन कली “गे बेक्‍शा जाम्‍शा लाइतीनी हना, आं कली मारेइ देंचा मताइनीनी। मुल ङा मेरे यहूदी इन कली शेंचा प्रोंइशा, अर्को रागी ङा मुर आन कली शेंथ गाक्‍नुङ” दे मेको आन कली प्रोंइशा गाक्‍माक्‍त। प्रेरित १३:५१; नेहेम्‍याह ५:१५; प्रेरित २०:२६

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६

२ पत्रुस 2:12

मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।

२ पत्रुस 2:22

मिनु मुर आन देंतीक लोव़ “कुचुममी आ मेशो लेंशा जाइब।” मिनु “पोव़ कली गिश चिक्‍शा हना यो, लेंशा ग्रांग्रामी ग्रुम्‍दीब” देंशो लोव़ थमा बाक्‍ब। हितोपदेस २६:११

यहूदा 1:10

मेको मुरपुकी चहिं आन मतुइश्‍शो नेल्‍ल आन पर्बम शुक्‍शी पाइनीम। मिनु मिम्‍तीक मपाइश्‍शो बस्‍तु भाव आन तुइश्‍शोमी खोदेंशो पाइनीम। मिनु मेको पशा, खतम सेल्‍चा पुंइसीनीम।