१ पत्रुस 4:2 - Sunuwar Bible

² मिनु गे रागीमी बाक्‍नी सम्‍म इन दला दाक्‍स मपथु, परमप्रभु यावे आ दाक्‍शो पने।

१ पत्रुस 4:2 ပူးပေါင်းရင်းမြစ်များ

भजन संग्रह 143:10

आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी।

होसे 6:7

मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६

मत्ती 12:50

मारदे हना स्‍वर्गम बाक्‍ब आं आफ आ दाक्‍शो पाइबपुकीन आं ममा नु लोक्‍बपुकी नम” देंत। रोमी ८:२९

मत्ती 20:4

मेको आन कली ‘गे यो लशा, आं अङगुर रूमी गेय पने। इन गेय पशो ङा गाल्‍च गारपा गेनन्‍नी’ दे सोइक्‍तीमी बाक्‍त।

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

मत्ती 7:21

आं कली प्रभु, प्रभु देंशा ला स्‍वर्ग ङा राज्‍य ओव़चा मताइनीम। स्‍वर्गमी बाक्‍ब आं आफ आ दाक्‍शो पाइबपुकी ला ओव़चा ताइनीम। रोमी २:१३; याकूब १:२२

मर्कूस 3:35

परमप्रभु यावे आ दाक्‍शो पाइबपुकी आं लोक्‍ब नु आं ममा नम” देंमाक्‍त।

मर्कूस 7:21

मुर आ थुं रे दोदेंशो ग्रांग्रा दितीके ग्रूब देंशा हना, तेल्‍लेम पचा, खुइ पचा, साइक्‍चा,

यूहन्‍ना 1:13

ठेयब जातमी जरमेतीके, मुर आन दाक्‍शोमी जरमेतीके नु मुर आन थुंमी मिम्‍शोमी ममाइ तन्‍न परमप्रभु यावे आ पतीके ला आ तमी तौ दुम्‍ने चाप्‍नीम। यूहन्‍ना ३:५-६

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 14:7

गो नेल्‍ल आंम कली मब्रोंइनय, आंम कली मबेक्‍नय।

रोमी 6:11

मोपतीके गेपुकीमी यो आंम कली पाप आ पर्बम बेक्‍शो नु ख्रीस्‍त येसु आ पतीकेमी परमप्रभु यावे कली ब्रोंइनय, दे मिम्‍तीन। २कोरिन्‍थी ५:१५; १पत्रुस २:२४

रोमी 6:2

मो पचा मदुम्‍ब। बेक्‍शो मुरपुकीम खांखा दोपा पाप पस ङा पस बाक्‍ने चाप्‍नीमी ङा? गो इं के पाप पतीक थुं बेक्‍त।

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

२ कोरिन्‍थी 5:15

मिनु मेको नेल्‍ल आन पर्बम बेक्‍त। मिनु ब्रोंइशोपुकी मुल रे आंम पर्बम मब्रोंइमल। तन्‍न येसु कली ब्रोंइमल। मारदे हना मेको आन पर्बम साइश्‍‍शा, सेंसीचा पुंइसाक्‍व। रोमी १४:७-८

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

एफिसी 4:17

परमप्रभु यावे कली मतुइक्‍ब मुरपुकी जाम्‍शा लाइब गेय ला मिम्‍शा पाइनीम। मिनु गेपुकी मुल रे मेको आन खोदेंशो मपने, दे प्रभु आ नेंमी इन कली रिम्‍शो पा अरेनुङ। रोमी १:२१-२४

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

एफिसी 6:6

होव़पमी इन कली गेय पशो कोव़तेक्‍म हना यो, मकोव़तेक्‍म हना यो, ठीक पा गेय पने। गेपुकीमी मुर कली ग्‍येरपाइक्‍चा ममाइ, ख्रीस्‍त आ वाइलीम वाइल दुम्‍शा, इन थुं नेल्‍लेमी परमप्रभु यावे आ दाक्‍शो पने।

कलस्‍सी 1:9

मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

कलस्‍सी 3:3

मारदे हना गे बेक्‍तीनी। इन थुं ख्रीस्‍त नु परमप्रभु यावेमी ख्रुइश्‍शा वोइश्‍शो बाक्‍ब। रोमी ६:२

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

१ थिस्‍सलोनिकी 5:18

मार दुम्‍त हना यो, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको परमप्रभु यावे आ दाक्‍शो बाक्‍ब। ख्रीस्‍त येसु आ नोले खोइक्‍ब मेको गेना हना यो देंचा माल्‍नीम। एफिसी ५:२०

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

१ पत्रुस 1:14

मुल टीब आल खोदेंशो पा इन ङोंइती मतुइक्‍थु पशो मरिम्‍शो पचा क्‍येङा ङोन बाक्‍कीन। रोमी १२:२

१ पत्रुस 2:1

मोपतीके गे नेल्‍ल मरिम्‍शो पचा, मुर आन कली मरिम्‍शो लोव़ पतीक नु गाइक्‍तीके ताइक्‍तीन। मिनु जोल पतीके, गेहे पतीके नु मुर आन लोव़ कुरशा गाक्‍चा नेल्‍ल ताइक्‍तीन। याकूब १:२

१ यूहन्‍ना 2:17

मिनु रागी नु रागी ङा मुर आन दाक्‍शो नेल्‍ल जाम्‍ब। सु चहिं परमप्रभु यावे आ देंशो पाइबा, मेको मुर गेना हना यो ब्रोंइशा बाक्‍ब।