१ पत्रुस 4:16 - Sunuwar Bible

¹⁶ तन्‍न गे थमा सुइक्‍ब दुम्‍शा, श्‍येत जाइतीनी हना, मुने मपने। येसु ख्रीस्‍त आ नेंमी परमप्रभु यावे कली ठेयब सेलीन। फिलिप्‍पी १:२०

१ पत्रुस 4:16 ပူးပေါင်းရင်းမြစ်များ

यसैया 24:15

मोपतीके पूर्ब ङा मुर “परमप्रभु यावे ठेयब बाक्‍ब” दे मेको कली ठेयब सेलीन। समुन्‍द्र आ नेक्‍था बाक्‍ब आन कली “परमप्रभु यावे, इस्राएली आन परमप्रभु आ नें कली मान पने” देंमानु, मेको कली मान पाइनीम।

यसैया 50:7

तन्‍न परमप्रभु, परमप्रभु यावेमी आं कली वारच पाइक्‍ती। मोपतीके गो शिशी मताइब मदुम्‍ङ। आं कुल शेरा‍ल फुल्‍लु खोदेंशो सेल्‍ता। गो मुने मदोक्‍नुङ, दे तुइश्‍शो नङ। इजीकीएल ३:८-९

यसैया 54:4

गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५

प्रेरित 11:26

मिनु थिश्‍शा एन्‍टीओकम जाक्‍शा बाक्‍सा बाक्‍त। मिनु बर्स का सम्‍म थमा सुइक्‍बपुकी नु काथा बाक्‍शा, शुश मुर आन कली प्रभु आ लोव़ शेंना शेंन बाक्‍सा बाक्‍त। एन्‍टीओक सहरमीन येसु आ लां खोइक्‍ब नेल्‍ल क्‍येङा ङोंइती “ख्रीस्‍तीयन” दे नें वोइक्‍चा पुंइसमा बाक्‍त। मेना रे मेको नें लीमाक्‍त। गलाती २:११

प्रेरित 26:28

मिनु पिप अग्रीप्‍पामी “लोव़ का निक्‍शीमी गो ख्रीस्‍त कली थमा सुइक्‍ब दुम्‍ती” देंमेनु,

प्रेरित 28:22

गोपुकीमी एको नक थमा सुइक्‍तीके आ पर्बम चहिं लोव़ नेंतक। मेको लोव़ तेक तेक ब्रामे, मेक मेक जिचा पोक्‍ग्‍मे बाक्‍त, दे तुइश्‍शो नकी। मोदेंशो दुम्‍त हना यो, गो इ मिम्‍शो तुइक्‍चा दाक्‍नीकी, लेंशा ग्रुम्‍चा” दे लोव़सी थुम्‍शा गाक्‍तेक्‍म। प्रेरित २४:१४; लूका २:३४

प्रेरित 5:41

मिनु सोइश्‍शोपुकी ग्‍येरसीशा, मेकेर रे लमा बाक्‍त। मारदे हना “येसु आ नेंमी श्‍येत जचा रिम्‍शो दुम्‍ब” देंमा बाक्‍त। मत्ती ५:१०-१२; १पत्रुस ४:१३

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

फिलिप्‍पी 1:29

ख्रीस्‍त कली थमा सुइक्‍चा ला इन कली गेशो ममाइ, तन्‍न मेको आ पर्बम श्‍येत जचा यो गेशो बाक्‍ब।

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

याकूब 2:7

येसु ख्रीस्‍त आ नें आ पर्बम शुक्‍शी लोव़ मपाइनीमी ङा? १पत्रुस ४:१४

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७

१ पत्रुस 4:14

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३

१ पत्रुस 4:19

मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। भजन संग्रह ३१:६