१ पत्रुस 3:9 - Sunuwar Bible

⁹ इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ पत्रुस 3:9 ပူးပေါင်းရင်းမြစ်များ

उत्पत्ती 42:25

मिनु नोले योसेफमी आन धोक्रोम अन्‍न प्रिंपाइश्‍शा, आन गेशो क्‍येट यो लेंशा, आन धोक्रोम कुर पपाइश्‍शा, लां कली जचा थोव़क यो गेपाइक्‍मी बाक्‍त। आ लोक्‍ब आन कली मोदेंशो पाइक्‍मी बाक्‍त।

हितोपदेस 17:13

सुमी रिम्‍शो पाइब आन कली मरिम्‍शो पाइबा, मेको आ खिं रे मरिम्‍शो गेनायो मलाइब।

हितोपदेस 20:22

गे मरिम्‍शो पाइब कली क्‍येक्‍क लेत्‍नुङ मदेनो। परमप्रभु यावेमी पाइब, दे रिम्‍दो। मिनु इ कली वारच पाइब। हितोपदेस २४:२९; रोमी १२:१७

हितोपदेस 28:10

सुमी रिम्‍शो थुं पाइश्‍शो मुर कली मरिम्‍शो लां हेंथे गाक्‍पाइक्‍बा, मेको आंमा दोशो खाल्‍टामी बिक्‍ब। तन्‍न दोस मताइबपुकीमी रिम्‍शो ताइनीम।

मत्ती 19:29

सुमी आं नें आ पर्बम आ खिं, आ लोक्‍ब, दिदी बहिनी, आम आफ, तमी तौ, आ नु बाक्‍शो नेल्‍ल प्रोंइबा, मेकोमी आ प्रोंइशो क्‍येङा शुश ताइब। मिनु गेना हना यो परमप्रभु यावे नु बाक्‍चा ताइब।

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

मत्ती 5:39

गो मार देंनुङ देंशा हना, सुइमी इन कली मरिम्‍शो पाम्‍तेक्‍म हना यो, मेको आन कली आन क्‍येक्‍क मलेत्‍तीने। इन ग्‍युरा चोव़चो राप्‍तेक्‍म हना, पेरा यो राप्‍चा गेने। बिलाप ३:३०; यूहन्‍ना १८:२२-२३; रोमी १२:१९,२१; १पत्रुस २:२०-२३

मत्ती 5:44

गोमी इन कली मार देंनुङ देंशा हना, जोरी सत्रु आन कली दाक्‍तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्‍थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८

मर्कूस 10:17

मिनु मेकेर रे लमेनु, मुर का दोरशा पिशा, येसु आ ङोंइती पोक्‍च थेक्‍शा बाप्‍शा “शेंब, गे रिम्‍शो ननी। गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवा बाक्‍त।

लूका 10:25

मिनु येसुमी मुर आन कली शेंदानु, सास्‍त्री का बोक्‍शा, येसु आ थुं थाम्‍शा “हे शेंब, गो गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवा बाक्‍त। मत्ती २२:३५-४०; मर्कूस १२:२८-३४; लूका १८:१८-२०

लूका 18:18

मिनु ठेयब मुर कामी येसु कली “गे रिम्‍शो शेंब बाक्‍नीनी। गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवानु, लूका १०:२५-२८

रोमी 12:14

सराप चीले मपने। इन कली सराप चीले पाइब आन कली आसीक गेने। मत्ती ५:४४; प्रेरित ७:५९; १कोरिन्‍थी ४:१२

रोमी 12:17

इन कली मरिम्‍शो पाइब आन कली मरिम्‍शो मपने। मुर आन कली मार रिम्‍शो बाक्‍बा, मेको मिम्‍तीन। हितोपदेस २०:२२; १थिस्‍सलोनिकी ५:१५; २कोरिन्‍थी ८:२१

रोमी 8:28

गो परमप्रभु यावे आ योव़शो, मेको कली दाक्‍बपुकीमी दोदेंशो श्‍येत जाम्‍तेक्‍म हना यो, दोदेंशो ग्‍येरसाक्‍म हना यो, मार दुम्‍त हना यो, इं कली रिम्‍शो दुम्‍ब, दे तुइश्‍शो बाक्‍नय। एफिसी १:११

रोमी 8:30

आ तौ खोदेंशो दुम्‍मल, दे योव़चा पुंइसीब आन कली ब्रेत्‍ताक्‍व। मिनु ब्रेश्‍शो आन कली ठीक सेल्‍‍तु। मिनु ठीक दुम्‍शो आन कली बेक्‍चा रे प्रोंइशा, आ नु काथा बाक्‍चा गेब। १थिस्‍सलोनिकी २:१३,१४; रोमी ३:२६

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

१ थिस्‍सलोनिकी 5:15

मुरुमी इन कली मरिम्‍शो पाम्‍तेक्‍म हना, गेपुकी मेको आन कली मरिम्‍शो मपने। रिम्‍शो पमुचा माल्‍नीनी। अरु आन कली यो रिम्‍शो पने। हितोपदेस २०:२२; रोमी १२:१७,२१; १पत्रुस ३:९

हिब्रू 12:17

नोले आस आफोमी अङस योक्‍गानु, एसावमी ङोंइती जरमेशो तौ आ तचा ङा अङस गेयीनी, दे ङाक्‍ना ङाक्‍न पुंइशा यो आ आफ आ थुं लेप्‍पाइक्‍ने मचबा बाक्‍त। मिनु परमप्रभु यावे आ ङोंइती आ नें मलीमाक्‍त, दे नेल्‍लेमी तुइक्‍नीनी। उत्‍पत्ती २७:३०-४०

हिब्रू 6:14

“इ कली थमा पा आसीक गेनन। इ खिं ङा मुर सोशा बोशा, शुश दुम्‍शा नेल्‍ल रागीम ब्रीपाइक्‍नुङमी” देंशो बाक्‍त। उत्‍पत्ती २२:१६-१७

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

१ सामुएल 26:11

गो परमप्रभु यावे आ तेल लुक्‍शो पिप कली गेनायो मरिम्‍शो मपाइनुङ। तन्‍न मुल मेको आ पिया गे ख्रुक्‍शो तूतीक नु आ ब्‍वाक्‍कु तूतीक ग्‍योंब कुरशा गाक्‍स” देंमाक्‍त।