१ पत्रुस 3:3 - Sunuwar Bible

³ रिम्‍शो पतीक मार बाक्‍ब देंशा हना, जाम्‍शा लाइब नोस पचा, चांमी मार मार चुंइसीचा, सुन पांइचा नु शुश क्‍येट लाइब वा फेक्‍चा ममाइ, यसैया ३:१८-२३; १तिमोथी २:९

१ पत्रुस 3:3 ပူးပေါင်းရင်းမြစ်များ

उत्पत्ती 24:22

मिनु दलओंठ रूथ्री ब्‍वाक्‍कु तूङमे नोले वाइलम आधी शेकेल सुन के मुन्‍द्री नु १० शेकेल सुन के चुरा निक्‍शी शोल्‍शा, रेबेका कली गेवा बाक्‍त। शेकेल का ११.५ ग्राम बाक्‍ब।

उत्पत्ती 24:47

मिनु गो ‘गे सु का आ तमी नवे?’ दे हिल्‍लो पङानु ‘गो बेथुएल आ तमी नङ। बेथुएल नाहोर नु मिल्‍का आस तौ बाक्‍ब’ दे माइक्‍ती। मिनु गो आ नेंमी मुन्‍द्री पाइक्‍ताक्‍ङ, आ गुइमी चुरा लिक्‍ताक्‍ङ।

उत्पत्ती 24:53

मिनु आ गेय पाइबमी सुन नु चांदी के गहना नु दारशो वासी रेबेका कली गेमे बाक्‍त। आ लोक्‍ब नु आ ममा आस कली यो मार मार गेमे बाक्‍त।

२ राजा 9:30

मिनु येहू येज्रेल सहरमी जाक्‍माक्‍त। मार मार दुम्‍मे, मेको नेल्‍ल इजेबेलम नेंशो बाक्‍माक्‍त। मिनु मेकोम आ मिक्‍चीम गाजल ख्रेक्‍से बाक्‍त। मिनु चां मिंसीशा झेल रे उइ लां गे कोव़ङा बाक्‍त।

एस्‍तर 5:1

मिनु नाक्‍त सां नोले एस्‍तरमी पिपीम आ फेक्‍तीके फेक्‍साक्‍व। मोपा लशा, पिप आ दरवार आ लाङगाम बाक्‍शा, खिं गे कोव़शा, राप्‍त। मेना पिप आ खिंमी आ ठेयब नित्‍तीकेमी निश्‍शा, लाप्‍चो गे कोव़शा, बाक्‍शो बाक्‍त।

भजन संग्रह 45:9

इन कली मान पाइब आन दातेमी पिप आन तमी यो बाक्‍नीम। इन ग्‍युरा गे ओफीर ङा सुनम ग्‍योम्‍सीशो पिपीम राप्‍ब।

प्रस्‍थान 3:22

मीश मुर नेल्‍लेमी आन नेक्‍था ङा इजीप्‍त रागी ङा वारच रे सुन, चांदी नु वासी पुंइचा माल्‍नीम। आन तमी तौ आन कली पांइपाइक्‍चा माल्‍नीम। मोदेंशो पा इजीप्‍त ङा मुर आन शोंप रोइक्‍चा माल्‍नीनी” दे परमप्रभु यावेमी मोसा कली देंत।

प्रस्‍थान 32:2

मिनु हारूनमी मेको आन कली “इन मीश, इन तमी तौ आन पांइशो सुन प्रुइश्‍शा, आं बाक्‍तीके चाक्‍कीन” दें‍माक्‍त।

प्रस्‍थान 33:4

मिनु मुरपुकीमी मेको मरिम्‍शो लोव़ नेंशा, सुर्ता पाम्‍तेक्‍म। सुइमी आन सुन चांदी मारेइ मपांइसम।

प्रस्‍थान 35:22

मीश मुर, वोंइश मुर नेल्‍लेमी मार मार चाक्‍तेक्‍म देंशा हना, मुन्‍द्री, मारवाडी, औंठी, सुन के चुरा नु अरु सुन के थोव़कपुकी परमप्रभु यावे कली चाक्‍तेक्‍म।

प्रस्‍थान 38:8

बेचालेलमी कांसा के चिक्‍तीक ठेयब बोस नु आ निप्‍पाइक्‍तीके सेल्‍तु। मेको ग्रुम्‍तीक ताम्‍बु ओव़तीकेम गेय पाइब मीश मुर आन कांसा के ऐना के सेल्‍तु।

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

येरमीया 2:32

मार, मीश आलम आ सुन चांदी नु ग्‍युम्‍लीम आ ग्‍युंबे पशो दारशो वा प्रेंने चाप्‍नीमी ङा? तन्‍न आं मुरपुकीम दा आं कली शुश नाक्‍ती रे प्रेंताक्‍यीमी।

येरमीया 4:30

गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।

इजीकीएल 23:40

मेको निक्‍शीम ङोन ङा मुर आन कली लोव़ कुरब मुर सोइश्‍शा, ब्रेत्‍ताक्‍से। मिनु मेकोपुकी जाक्‍तेक्‍म। मिनु गे मेको आन पर्बम चिक्‍शा शोप्‍शा इ मिक्‍चीम गाजल ख्रेक्‍साक्‍वे। मिनु गहना पांइशा आंम कली ग्‍योम्‍साक्‍वे।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

१ पत्रुस 3:2

इन मान पशो नु इन पाप रे ङोन बाक्‍शो तशा, मोदेंशो पाइनीम।