१ पत्रुस 3:21 - Sunuwar Bible

²¹ ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२

१ पत्रुस 3:21 ပူးပေါင်းရင်းမြစ်များ

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

मत्ती 28:19

मोपतीके रागीम नेल्‍ल हिरशा, नेल्‍ल जात, थर ङा मुर आन कली आं पर्बमी शेंशा, आं नोले खोइक्‍ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्‍त आन नेंमी मेको आन कली ब्‍वाक्‍कुम ख्रुम्‍शा ग्रुंइदीने। मत्ती २४:१४; मर्कूस १६:१५-१६; २कोरिन्‍थी ५:२०

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

यूहन्‍ना 13:9

मिनु सिमोन पत्रुसमी “प्रभु, आं खोइल ला ममाइ, आं गुइ पिया यो चिक्‍तीनी” देंत।

प्रेरित 16:33

मिनु ठेयब मुर नु आ खिं ङा मुर नेल्‍लेमी थमा सुइश्‍शा ब्‍वाक्‍कुमी ख्रुम्‍शा ग्रुंइचा पुंइसमा बाक्‍त। पावल नु सिलास आस तुप्‍शो गार नेल्‍ल चिक्‍तमे बाक्‍त।

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

प्रेरित 22:16

मुल कोव़शा मबाक्‍को, छुल बोक्‍शा प्रार्थना पा, हे प्रभु येसु, आं पशो पाप क्‍याम्‍शा गेयीनी, दे पुंइशा, ब्‍वाक्‍कुमी ख्रुम्‍शा ग्रुंइने पुंइसो’ दे माइक्‍ती।

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

प्रेरित 8:37

मिनु फिलीपमी “गे येसु कली थमा सुइक्‍तीनी हना, ब्‍वाक्‍कुम ख्रुम्‍शा ग्रुंइचा शिरनीनी” देंमेनु “गो येसु ख्रीस्‍त परमप्रभु आ तौ बाक्‍ब, दे थमा सुइक्‍ता” देंमाक्‍त।

रोमी 5:14

तन्‍न आदम आ पाला रे मोसा आ पाला सम्‍म मुरपुकी बेक्‍ना बेक्‍न लमा बाक्‍त। आदम खोदेंशो मरिम्‍शो मपामे बाक्‍त हना यो, बेक्‍मा बाक्‍त। आदम चहिं नोले ङा पाला कली कोंइतीक दुम्‍शो बाक्‍त।

१ कोरिन्‍थी 12:13

परमप्रभु यावे आ सोक्‍तीम पतीके यहूदी, ग्रीक, वाइलीम वाइल, होव़प नु गो नेल्‍ल परमप्रभु यावे आ सोक्‍त ङा दुम्‍तय। गलाती ३:२८

१ कोरिन्‍थी 4:6

आं लोक्‍बपुकी, गे परमप्रभु यावे आ लोव़ रिम्‍शो पा टिने चाप्‍नीनी, दे गो मेको नेल्‍ल पाइतक। गे “गो पावल आ शेंशो शेंसीब नङ” अरुमी “गो आपोल्‍लोस आ शेंशो शेंसीब नङ” दे ठेयब लेश्‍शा, इन नें मबोरपतीने। रोमी १२:३

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

गलाती 3:27

गे ख्रीस्‍त आ नेंमी ब्‍वाक्‍कुम ख्रुम्‍शा ग्रुंइपांइसीशोपुकी येसु ख्रीस्‍त फेक्‍शो खोदेंशो पा, ख्रीस्‍त नु रां का दुम्‍तीनी। रोमी ६:३; रोमी १३:१४

एफिसी 5:26

मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२

कलस्‍सी 2:12

मिनु गेपुकी ब्‍वाक्‍कुम ख्रुम्‍शा ग्रुंइचा पुंइसीनीनु, मेको नु बेक्‍शा थिम्‍शो दुम्‍तीनी। परमप्रभु यावे आ पतीके कली थमा सुइक्‍तीके मेको नु बेक्‍शो रे सेंशो यो बाक्‍नीनी। रोमी ६:४; कलस्‍सी ३:१

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ तिमोथी 6:12

थमा सुइश्‍शा ग्राङो। “गेना हना यो परमप्रभु यावे नु बाक्‍ब दुम्‍ती” दे मिम्‍तो। गे शुश मुर आन ङोंइती इ थमा सुइश्‍शो आ पर्बम रिम्‍शो लोव़ पाप्‍तीवी। मेना गे गेना हना यो ब्रोंइशा बाक्‍चा ताइब, दे ब्रेत्‍चा पुंइसीशो बाक्‍ते। १तिमोथी १:१८; १कोरिन्‍थी ९:२५-२६; २तिमोथी ४:७; १तिमोथी ४:१४; हिब्रू ३:१

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 11:19

अब्राहाममी “आं तौ बेक्‍त हना यो, परमप्रभु यावेमी बेक्‍शो रे सेंने चाप्‍ब” दे मिम्‍ता बाक्‍त। परमप्रभुमी अब्राहाम आ मिम्‍शो तुइश्‍शा, आ तौ कली मसाइक्पाइक्‍‍थु लेत्‍ता बाक्‍त।

हिब्रू 13:18

आंइ पर्बम परमप्रभु यावे कली पुंइना पुंइन बाक्‍कीने। मारेइ दोस ताइब मदुम्‍क, दे आंइ थुं नाइश्‍शो बाक्‍नीकी। मारेइ पाइतक हना यो, रिम्‍शो पय, दे थुं फ्रेंशा बाक्‍तक। रोमी १५:३०; २कोरिन्‍थी १:११-१२

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६