१ पत्रुस 3:20 - Sunuwar Bible

²⁰ मेको सु बाक्‍तेक्‍म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्‍ना रिम्‍न बाक्‍शो बाक्‍त। तन्‍न परमप्रभु यावे कली काइ मटीब, नोआह आ पाला ङा बेक्‍शो मुर बाक्‍तेक्‍म। ८ जना मुर चहिं नोआह आ सेल्‍शो डोंगामी बाक्‍शा, ब्‍वाक्‍कु रे ब्रोंइचा ताम्‍तेक्‍म। उत्‍पत्ती ७:७; २पत्रुस २:५

१ पत्रुस 3:20 ပူးပေါင်းရင်းမြစ်များ

उत्पत्ती 6:13

मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२

उत्पत्ती 6:3

मिनु परमप्रभु यावेमी “आं सोक्‍त मुर आन कली शुश बर्स बाक्‍चा मगेनुङ। मुर बेक्‍चा माल्‍नीम। आन ब्रोंइतीक सहे का २० बर्स ला दुम्‍ब” देंमाक्‍त।

उत्पत्ती 6:5

मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१

उत्पत्ती 6:8

मिनु परमप्रभु यावेमी नोआह तवानु, मेको कली दाक्‍ता बाक्‍त। हिब्रू ११:७

उत्पत्ती 7:13

मेको रेउ यिचा आ ङोंइती नाक्‍ती नोआह नु आ तौ शेम, हाम, नु यफेथ सांफा, नोआह आ मीश नु आ चाइमी सांफा मेको डोंगामी ओव़मा बाक्‍त।

उत्पत्ती 8:1

मिनु परमप्रभुमी नोआह नु ठेयब डोंगामी बाक्‍ब नेल्‍ल ब्‍वाकी ङा जन्‍तु नु बी ब्‍यफ क्‍यारश भेडा आन कली मप्रेंदीमी बाक्‍त। मिनु परमप्रभुमी रागीम फश पपदा बाक्‍त। मिनु ब्‍वाक्‍कु सोव़माक्‍त।

उत्पत्ती 8:18

मिनु नोआह, आ तौपुकी, आ मीश नु आ चाइमीपुकी ग्रूमा बाक्‍त। २ पत्रुस २:५

यसैया 30:18

मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।

मत्ती 7:14

गेना हना यो ब्रोंइतीक लतीक ङा लाप्‍चो आइक्‍च नु आ लां गाक्‍चा श्‍येत बाक्‍ब। मेको लां थिप्‍बपुकी का निक्‍शी ला बाक्‍नीम। मत्ती १९:२४; प्रेरित १४:२२

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।

रोमी 9:22

परमप्रभु यावेमी आ गाइश्‍शो कोंइताक्‍व हना, मरिम्‍शो पाइब आन कली शुश फाल्‍शो बाक्‍त हना यो, नोले ला खतम दुम्‍पाइक्‍ब। रोमी २:४; हितोपदेस १६:४

एफिसी 5:26

मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 1:9

इन थमा सुइक्‍तीकेमी पाप रे ब्रोंइचा ताइनीनी।

१ पत्रुस 2:25

ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२

१ पत्रुस 3:19

नोले मेको आ सोक्‍त लशा, जेल्‍खानमी बाक्‍शो सोक्‍त आन कली लोव़ पाप्‍तु।

१ पत्रुस 4:19

मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। भजन संग्रह ३१:६

२ पत्रुस 2:5

मिनु परमप्रभु यावेमी साइ ङा मुर आन कली शिशी मपथु, नोआह ला ठीक पाइब बाक्‍तीके मेको नु अरु ७ जना आन कली ला श्‍येत रे प्रोंइतीमी। मेना परमप्रभु यावेमी रागी नेल्‍ल ब्‍वाक्‍कुमी ब्रीपाइश्‍शा, आ कली मटीब आन कली साइश्‍शो बाक्‍त। उत्‍पत्ती ८:१८; १पत्रुस ३:२०; २पत्रुस ३:६

२ पत्रुस 3:15

प्रभु आ रिम्‍ना रिम्‍न बाक्‍तीके मुर आन कली पाप रे प्रोंइचा बाक्‍ब, दे मिम्‍तीन। इं दाक्‍शो लोक्‍ब पावलमी आं खोदेंशो पा, इन कली आ तशो तुइक्‍तीकेमी चिठी ब्रेक्‍ताक्‍व। रोमी २:४