१ पत्रुस 3:16 - Sunuwar Bible

¹⁶ इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६

१ पत्रुस 3:16 ပူးပေါင်းရင်းမြစ်များ

दानीएल 6:4

मिनु मेको ठेयब कोव़ब मुर नु सहे का २० जना पारसी रागी कली हुकुम पाइबपुकीमी गेहे पा दानीएल कली दोस गेचा, दे क्‍यारी पचा गोव़मे बाक्‍त। तन्‍न मरिम्‍शो नु दोस गेतीक मारेइ मथिदमे बाक्‍त। मारदे हना दानीएल रिम्‍शो, मारेइ दोस मपाइश्‍शो गेय पाइब मुर बाक्‍‍त।

मत्ती 5:11

आं पर्बम मुरपुकीमी इन कली हेला पा, खेदा पा, जोल पा, मरिम्‍शो लोव़ पाम्‍तेक्‍म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

प्रेरित 28:22

गोपुकीमी एको नक थमा सुइक्‍तीके आ पर्बम चहिं लोव़ नेंतक। मेको लोव़ तेक तेक ब्रामे, मेक मेक जिचा पोक्‍ग्‍मे बाक्‍त, दे तुइश्‍शो नकी। मोदेंशो दुम्‍त हना यो, गो इ मिम्‍शो तुइक्‍चा दाक्‍नीकी, लेंशा ग्रुम्‍चा” दे लोव़सी थुम्‍शा गाक्‍तेक्‍म। प्रेरित २४:१४; लूका २:३४

रोमी 9:1

ख्रीस्‍त आ नें ब्रशा, जोल मपथु, एको लोव़ पाइनुङ। परमप्रभु यावे आ सोक्‍तमी आं थुंमी थमा लोव़ बाक्‍ब, दे सांकछी गेब।

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 4:2

गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५

१ तिमोथी 1:19

थमा सुइक्‍तीके नु इ थुं ङा रिम्‍शो मिम्‍तीके टिशा बाक्‍को। आन थुं ङा रिम्‍शो मिम्‍तीके कली मटीब का निक्‍शीमी थमा सुइक्‍चा प्रोंइतेक्‍म। १तिमोथी ३:९; १तिमोथी ६:१०

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

२ तिमोथी 1:3

गो परमप्रभु यावे कली “गे रिम्‍शो पाइब बाक्‍नीनी” दे गेय पाइनुङ। आं के किकी पिपी यो मोदेंशो पशो बाक्‍तेक्‍म। आं प्रार्थनामी इ कली गेना हना यो मिम्‍नुङ। फिलिप्‍पी ३:५; प्रेरित २३:१; प्रेरित २४:१६

तीतस 2:8

गे रिम्‍शो लोव़ शेंताक्‍वी हना, सुइमी इ कली दोस गेने मचाप्‍नीम। मिनु इ कली मदाक्‍बमी यो इ पर्बम मारेइ मरिम्‍शो लोव़ पचा मताइनीम। मिनु आन मुने दोक्‍नीम।

हिब्रू 13:18

आंइ पर्बम परमप्रभु यावे कली पुंइना पुंइन बाक्‍कीने। मारेइ दोस ताइब मदुम्‍क, दे आंइ थुं नाइश्‍शो बाक्‍नीकी। मारेइ पाइतक हना यो, रिम्‍शो पय, दे थुं फ्रेंशा बाक्‍तक। रोमी १५:३०; २कोरिन्‍थी १:११-१२

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 2:15

परमप्रभु यावे आ दाक्‍शो मार बाक्‍ब देंशा हना, इन रिम्‍शो पतीकेमी मतुइक्‍ब नु निप्‍स मपाइश्‍शो आन कली सिक्‍सी पपतीन। १पत्रुस ३:१६; तीतस २:८

१ पत्रुस 2:19

इन होव़पमी इन कली बित्‍चीम श्‍येत गेम्‍तेक्‍म हना यो, गे परमप्रभु यावे कली मिम्‍शा, श्‍येत फाल्‍शा बाक्‍कीन। मेको परमप्रभु यावे आ दाक्‍शो बाक्‍ब।

१ पत्रुस 3:21

ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२

१ पत्रुस 4:4

गे चहिं मुल मेको आन पशो खोदेंशो मपाइनीनी। मोपतीके मेकोपुकी छक लाक्‍नीम। मिनु इन पर्बम शुक्‍शी पाइनीम।