१ पत्रुस 3:10 - Sunuwar Bible

¹⁰ मिनु परमप्रभु यावे आ लोव़मी “सु सु ब्रोंइचा नु रिम्‍शो बाक्‍चा दाक्‍नीमी, मेकोमी शुक्‍शी लोव़ मपने। सुइ आन कली जोल मपने। मुर नु दुशा बाक्‍कीन। याकूब १:२६

१ पत्रुस 3:10 ပူးပေါင်းရင်းမြစ်များ

अय्‍युब 2:4

मिनु सैतानम परमप्रभु यावे कली “कुशुल आ पा ङा कुशुल। मुरुम ब्रोंइचा कली आ मारेइ मारेइ मगेबा ङा?

अय्‍युब 33:28

मेकोमी आं सोक्‍त कली बेक्‍तीक रे प्रोंइतु। मिनु गो छेङछेङ तचा कली ब्रोंइती’ देंब।

अय्‍युब 9:25

आं ब्रोंइतीक नाक्‍त दोरब आन क्‍येङा यो शुश दोरशो बाक्‍ब। मारेइ ग्‍येरतीक मत‍थु, मेको नुम्‍ना नुम्‍न लाइनीम।

भजन संग्रह 106:5

मिनु मोपा गो इन योव़शो मुर आन रिम्‍शो पा बाक्‍शो तने चाप्‍नुङ। मिनु इन मुर ग्‍येरसीशा बाक्‍शो तशा, ग्‍येरसीनुङ। गो इन योव़शो मुर दुम्‍शा ग्‍येरसीनुङ।

भजन संग्रह 27:13

गो ब्रोंइशा बाक्‍ब आन बाक्‍तीकेमी, परमप्रभु यावे आ रिम्‍शो पतीके ताइनुङ, दे थमा सुइक्‍नुङ” दे लोव़ पाता। यसैया ३८:११

भजन संग्रह 49:19

मो हना यो मेको बेक्‍शा, आन किकी पिपी आन बाक्‍तीके लाइनीम। मेकोपुकीमी गेनायो हाम्‍सो मताइनीम।

हितोपदेस 3:18

मेको नु बाक्‍बपुकी शुश नाक्‍त ब्रोंइनीम। मेको कली मुप्‍शा बाक्‍ब आन पर्बम मुरपुकीमी “मेकोपुकी ग्‍येरसीशो मुर बाक्‍नीम” देंनीम। हितोपदेस ११:३०; हितोपदेस १३:१२; हितोपदेस १५:४

हितोपदेस 3:2

मारदे हना मेकोमी इ कली शुश बर्स ब्रोंइतीक नु थम रिम्‍शो बाक्‍चा गेनीस।

हितोपदेस 4:22

मारदे हना सु मेको ताइबा, मेको आ ब्रोंइतीक दुम्‍ब। मिनु मेको आ रां नेल्‍ल कली सापाइक्‍तीक बाक्‍ब। हितोपदेस ३:८

हितोपदेस 8:35

सुम आं कली थिप्‍बा, मेको ब्रोंइचा ताइब। मिनु परमप्रभु यावेमी मेको कली दाक्‍ब।

उपदेसक 2:3

गो आंम कली ग्‍येरपाइक्‍चा कली इच्‍का अङगुर शांबु तूता। मो पङानु आं थुंम बाक्‍शो जोक्‍तीक तुइक्‍तीक मला। मूर्ख आ गेय रुप्‍चा कली मोदेंशो पाता। मिनु गो मुर आन कली इच्‍का नाक्‍त रागीम ब्रोंइचा कली रिम्‍शो गेय मार बाक्‍बा, दे रुप्‍चा माल्‍ता। हितोपदेस ३१:४

मत्ती 19:17

येसुमी “रिम्‍शो पचा आ पर्बम मारदे हिल्‍लो पवी? रिम्‍शो पाइब का ला बाक्‍ब। गेना हना यो मेको नु ब्रोंइशा बाक्‍चा थुं पाप्‍तीवी हना, मेको रिम्‍शो पाइब आ देंशो लोव़ टिचा माल्‍नेवे” देंमेनु

मर्कूस 8:35

सुमी आंम कली प्रोंइचा माल्‍बा, मेको जाम्‍शा लाइब। सुमी आं पर्बम नु परमप्रभु यावे आ लोव़ आ पर्बम आंम कली जिम्‍मा गेबा, मेको ब्रोंइब। मत्ती १०:१९

यूहन्‍ना 1:47

मिनु येसुमी नथानेल कली आ बाक्‍तीक जाक्‍शो तशा, नथानेल आ पर्बम “काइ जोल मपाइब नु रिम्‍शो गेय पाइब इस्राएली का बाक्‍ब” देंत।

यूहन्‍ना 12:25

सुमी आंम दला दाक्‍स पाइबा, मेको गेना हना यो ब्रोंइशा बाक्‍चा मताइब। सुमी चहिं रागीमी बाक्‍शा, आंम कली ममिम्‍थु, परमप्रभु यावे आ देंशो टीबा, मेको गेना हना यो ब्रोंइशा बाक्‍चा ताइब। मत्ती १०:३९; मत्ती १६:२५; लूका १७:३३

ब्‍यवस्‍था 32:47

मारदे हना एको इन कली आइक्‍च लोव़ ममाइ। एको इन ब्रोंइतीक बाक्‍ब। एको पशा, गेपुकी यर्दन शोक्‍शा इन के सेल्‍शो रागीम शुश नाक्‍त ब्रोंइनीनी” दे माइक्‍तीमी। लेवी १८:५

याकूब 1:26

सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०

१ पत्रुस 2:1

मोपतीके गे नेल्‍ल मरिम्‍शो पचा, मुर आन कली मरिम्‍शो लोव़ पतीक नु गाइक्‍तीके ताइक्‍तीन। मिनु जोल पतीके, गेहे पतीके नु मुर आन लोव़ कुरशा गाक्‍चा नेल्‍ल ताइक्‍तीन। याकूब १:२

१ पत्रुस 2:22

मेकोमी काइ पाप मपवो। जोल यो मपवो। यूहन्‍ना ८:४६; यसैया ५२:९

प्रकाश 14:5

मिनु मेकोपुकीम काइ जोल मपशो बाक्‍तेक्‍म। मारदे हना पाप मपाइबपुकी बाक्‍तेक्‍म।