१ पत्रुस 2:4 - Sunuwar Bible

⁴ येसु ख्रीस्‍त ब्रोंइचा गेब फुल्‍लु बाक्‍ब। मेको आ नेक्‍था लने। मुरपुकीमी मेको कली ममाल्‍शो फुल्‍लु खोदेंशो पा ताइक्‍ताक्‍म। तन्‍न परमप्रभु यावेमी “मेको कली योव़शो नु नेल्‍ल क्‍येङा दाक्‍शो बाक्‍ब” दे मिम्‍ब। भजन संग्रह ११८:२२; यसैया ८:१४-१५; मत्ती २१:४२

१ पत्रुस 2:4 ပူးပေါင်းရင်းမြစ်များ

यसैया 28:16

मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

दानीएल 2:34

गे मेको कली कोव़शा बाक्‍नीनु, फुल्‍लु का यित। तन्‍न मेको फुल्‍लु मुर आन गुइम मख्रोइश्‍शो बाक्‍त। मेकोमी मूर्ति आ फलाम नु खप ब्‍वांइसीशो खोइलीमी ख्राप्‍तु। मिनु मेको मूर्ति कली प्रोल्‍शा, रोब चिब सेल्‍तु

दानीएल 2:45

मिनु गे दोदेंशो पा मुरुमी मख्रोइक्‍थु डांडा रे फुल्‍लु का यिशो ताइतीनी। मिनु मेकोम फलाम, कांसा, खप चांदी नु सुन नेल्‍ल कली रोबल चिबल पोक्‍गा, मोदेंशो पा ठेयब परमप्रभुमी ‘नोले मार दुम्‍बा’ दे पिप, इन कली कोंइशो बाक्‍ब। एको ङोमु नु आ अर्थ यो थमा बाक्‍ब” देंत।

जकरिया 3:9

मारदे हना गो यहोसु आ ङोंइती फुल्‍लु का वोइक्‍ता। मेको आ तारी ७ ओटा मिक्‍च बाक्‍नी‍म। मिनु गो फुल्‍लु तारी मेको आ ब्रेक्‍स मुशा ब्रेक्‍नुङ। मिनु गो काबुमीन मेको रागी ङा मुर आन दोस नेल्‍ल क्‍याम्‍नुङ। प्रस्‍थान ३९:६-७; जकरिया ४:१०; प्रकाश ५:६

जकरिया 4:7

ठेयब डांडा गे मार नवे ङा? जेरूब-बाबेल आ ङोंइती गे दिंम दुम्‍चा माल्‍नेवे। मेकोमी परमप्रभु यावे आ खिं ङा नोले ङा फुल्‍लु वोदानु, मुर नेल्‍लेमी ठेयब सेंदा पा ‘रिम्‍शो दुम्‍त, रिम्‍शो दुम्‍त’ दे ठेयब सेंदा पा देंनीम” देंत। भजन संग्रह १२२:६

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

मत्ती 12:18

यसैयामी मार देंशो बाक्‍त देंशा हना “आं गेय पाइब कली कोव़ङीन। एको कली योव़ता। मिनु एको कली दाक्‍नुङ। एको कली तशा शुश ग्‍येरसीनुङ। आं सोक्‍तीम प्रिंशा, अर्को रागी ङा मुर आन कली दोपा ठीक दुम्‍चा, दे तुइक्‍पपाइक्‍ब। प्रेरित ३:१३,२६; मत्ती ३:१७

मत्ती 21:42

मिनु येसुमी “ओदेंशो ब्रेक्‍शो लोव़ मपढेनी? ‘खिं सेल्‍बपुकीमी गारो प्रोङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। परमप्रभु यावेमी मोदेंशो पशो बाक्‍त। मिनु मेको इं दातेमी छक लाक्‍चा ङा बाक्‍ब’ दे ब्रेक्‍शो बाक्‍ब।। भजन संग्रह ११८:२२-२३; प्रेरित ४:११; १पत्रुस २:४-८

यूहन्‍ना 14:19

इच्‍का नोले थमा मसुइक्‍बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्‍ना २०:२०

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 5:26

परमप्रभु यावे नु ब्रोंइतीक सोक्‍त बाक्‍ब। मिनु आ तौ कली यो मोदेंशो ब्रोंइतीक सोक्‍ती गेशो बाक्‍त। यूहन्‍ना १:१-४

यूहन्‍ना 5:40

गे चहिं ब्रोंइचा तकल, दे आं गे मपीनीनी।

यूहन्‍ना 6:37

मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्‍नुङमी। मत्ती ११:२८

यूहन्‍ना 6:57

दोपा ब्रोंइशा बाक्‍ब आं आफोमी आं कली सोइश्‍शा ब्रोंइपाइय्‍यी, मोपा आं रां ब्‍वाइब यो गो रे पा ब्रोंइचा ताइब।

रोमी 5:10

ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१

१ कोरिन्‍थी 3:11

थमा जग येसु ख्रीस्‍त ला बाक्‍ब। आ क्‍येङा लाक्‍शा अरु मारेइ जग मबाक्‍ब। मिनु सुइमी अरु जग वोइक्‍ने मचाप्‍नीम। १पत्रुस २:४-६

कलस्‍सी 3:4

इं कली ब्रोंइचा गेब ख्रीस्‍त ग्रूत हना, गे यो मेको नु परमप्रभु यावे आ छेङछेङ ङा बाक्‍तीकेमी ग्रूनीनी। १कोरिन्‍थी १५:४३

१ पत्रुस 1:19

येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

१ पत्रुस 2:7

मोपतीके थमा सुइक्‍बपुकीमी मेको कली दाक्‍नीम। तन्‍न थमा मसुइक्‍ब खिं सेल्‍बपुकीमी मेको फुल्‍लु कली ताइश्‍शो बाक्‍तेक्‍म। तन्‍न मेको सुर ङा फुल्‍लु दुम्‍त।

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

२ पत्रुस 1:4

मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।