१ पत्रुस 2:25 - Sunuwar Bible

²⁵ ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२

१ पत्रुस 2:25 ပူးပေါင်းရင်းမြစ်များ

भजन संग्रह 119:176

गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। यसैया ५३:६

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

यसैया 13:14

मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 53:5

तन्‍न मेको आंइ हेंथे पतीके आ पर्बम तुप्‍शा गार सेल्‍चा पुंइसाक्‍व। आंइ मरिम्‍शो पशो आ पर्बम साइक्‍चा पुंइसाक्‍व। आंइ कली पाप रे प्रोंइ‍चा कली सजाइ ताप्‍तु। मेको कली तुप्‍शो गारमी गोपुकी सातक। रोमी ४:२५; १पत्रुस २:२४

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

येरमीया 23:2

मोपतीके परमप्रभु यावे, इस्राएली आन परमप्रभुमी आ मुर आन कली योव़ब गोठला आन पर्बम “गेपुकीम आं बगाल आन कली फ्राइतीनी। मिनु मेको आन कली खेरतीनी। मेको आन कली मकोव़नी। मोपतीके गो इन मरिम्‍शो पशो आ पर्बम कोव़नुङ। इन कली सजाइ गेनुङ” दे परमप्रभु यावेमी देंत।

इजीकीएल 34:6

आं भेडा लां प्रेंशा, पहाड मेर नु लाइश्‍शो डांडा मेर हिरसाक्‍म। आं भेडा रागी नेल्‍लेम ब्राम्‍तेक्‍म। मिनु सुइम मेको आन कली ममलेम। मेको आन पर्बम हिल्‍लो यो मपाम” देंशो बाक्‍ब। मत्ती ९:३६

इजीकीएल 37:24

आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

मत्ती 18:12

मुर का के सहे का भेडामी का जाम्‍त हना, मेकोमी ९९ भेडा आन कली प्रोंइशा वोइश्‍शा, जाम्‍शो का कली मथिदा सम्‍म माल्‍ना माल्‍न मगाक्‍बा ङा?

मत्ती 9:36

शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

हिब्रू 5:2

मेकोमी मतुइक्‍ब नु मरिम्‍शो लां गाक्‍ब आन कली शिशी पने चाप्‍ब। मारदे हना मेको आंमन यो मोदेंशो बाक्‍ब।

१ पत्रुस 3:20

मेको सु बाक्‍तेक्‍म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्‍ना रिम्‍न बाक्‍शो बाक्‍त। तन्‍न परमप्रभु यावे कली काइ मटीब, नोआह आ पाला ङा बेक्‍शो मुर बाक्‍तेक्‍म। ८ जना मुर चहिं नोआह आ सेल्‍शो डोंगामी बाक्‍शा, ब्‍वाक्‍कु रे ब्रोंइचा ताम्‍तेक्‍म। उत्‍पत्ती ७:७; २पत्रुस २:५

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८