१ पत्रुस 2:23 - Sunuwar Bible

²³ मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।

१ पत्रुस 2:23 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 31:5

आं सोक्‍त इन गुइमी जिम्‍मा गेनुङ। परमप्रभु यावे, गे आं कली श्‍येत रे प्रोंइतीनी। गे इन मुर आन कली दाक्‍शा मप्रोंइब परमप्रभु बाक्‍नीनी। लूका २३:४६

भजन संग्रह 37:5

गे परमप्रभु यावे कली जिम्‍मा गेसीने। मिनु मेकोमी इन पर्बम गेय पाइब।

भजन संग्रह 7:11

परमप्रभु ठीक निसाफ पाइब बाक्‍ब। नाक्‍त किंत किंत मेको पापी आन कली तशा गाइक्‍ब।

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

यसैया 53:7

मिनु मुरपुकीमी मेको कली दिप्‍शा श्‍येत गेम्‍तेक्‍म। मिनु श्‍येत जशा यो सिक्‍सी पा मारेइ मदें। साइक्‍चा चिक्‍शो पाठा खोदेंशो पा सिक्‍सी पा बाक्‍त। मिनु ऊन ख्रोइक्‍ब आन ङोंइती बाक्‍शो भेडा खोदेंशो पा सिक्‍सी पाप्‍तु। मेको आन कली लोव़ का यो मपव। मर्कूस १४:६५; यूहन्‍ना १:२९; प्रेरित ८:३२

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

लूका 23:46

मिनु येसुमी “आं आफ, आं सोक्‍त इन गुइमी गेतन्‍नी” दे वाइ ब्रेश्‍शा, आ सोक्‍त प्रोना बाक्‍त। भजन संग्रह ३१:६; प्रेरित ७:५८

लूका 23:9

मिनु हेरोदमी शुश लोव़ हिल्‍लो पवा बाक्‍त। तन्‍न येसुमी लोव़ का यो मलेत्‍ता बाक्‍त।

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

प्रेरित 4:29

परमप्रभु, मेकोपुकीमी हिंच कोंइताक्‍म हना यो, महिंथु ठेयब थुं पा इन लोव़ शेंतीक सक्ति तकल, दे पुंइनीकी। एफिसी ६:१९

प्रेरित 7:59

मेको हुलमी स्‍तीफानस कली फुल्‍लु क्रोम्‍स ङा क्रोम्‍स पामेनु, स्‍तीफानसमी “प्रभु येसु, आं सोक्‍त ताक्‍कीन” दे पुंइदा बाक्‍त। लूका २३:४६

प्रेरित 9:1

सावल मुल यो थमा सुइक्‍ब आन कली खेदा पा श्‍येत गेशा साइक्‍नुङमी देंना देंन गाक्‍बाक्‍माक्‍त। प्रेरित २२:३-१६; प्रेरित २६:९-१८; प्रेरित ८:३

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

एफिसी 6:9

गे होव़पपुकी, इन वाइलीम वाइल आन कली प्रभुम पशो खोदेंशो पा पने। हिंच कोंइचा प्रोनीन। मारदे हना मेको आन के नु इन के प्रभु स्‍वर्गमी बाक्‍ब। मिनु प्रभुमी मुर नेल्‍ल आन कली उइक्‍थ मिम्‍ब।

२ थिस्‍सलोनिकी 1:5

गेपुकी परमप्रभु यावे आ राज्‍यम शिरशो मुर दुम्‍तीनी। मिनु मेको राज्‍य आ पर्बम श्‍येत जाइनीनी। परमप्रभु यावेमी इन कली श्‍येत जचा गेप्‍तु हना यो, ठीक निसाफ पाइब बाक्‍ब। फिलिप्‍पी १:२८

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 12:3

येसु रागीम बाक्‍मेनु, पापीपुकीमी शुक्‍शी पा खेदा पा शुश मरिम्‍शो पाम्‍तेक्‍म हना यो, मेको नेल्‍ल फाल्‍तु। मेको आ श्‍येत फाल्‍शो मिम्‍तीने। मेको मिम्‍ताक्‍नी हना, इन थुं बारनीनी। लांमी गाक्‍शा दशो खोदेंशो मदुम्‍नीनी। मत्ती २६:६७; लूका २:३४

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ पत्रुस 4:19

मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। भजन संग्रह ३१:६

प्रकाश 19:11

मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। मत्ती २४:३०; प्रकाश ३:३४; यसैया ११:४-५