१ पत्रुस 2:19 - Sunuwar Bible

¹⁹ इन होव़पमी इन कली बित्‍चीम श्‍येत गेम्‍तेक्‍म हना यो, गे परमप्रभु यावे कली मिम्‍शा, श्‍येत फाल्‍शा बाक्‍कीन। मेको परमप्रभु यावे आ दाक्‍शो बाक्‍ब।

१ पत्रुस 2:19 ပူးပေါင်းရင်းမြစ်များ

अय्‍युब 21:27

गेपुकी मार मिम्‍ना मिम्‍न बाक्‍नी, गो मेको रिम्‍शो पा तुइक्‍नुङ। मेको आं पर्बम दूली मिम्‍तीक लोव़ बाक्‍ब, दे गो तुइक्‍नुङ।

भजन संग्रह 119:86

इन शेंतीके नेल्‍ले गेना हना यो लीनीम। मिनु मेकोपुकीमी आं कली मोशा खेदा पाइनीम। आं कली वारच पाइय्‍यीनी।

भजन संग्रह 35:19

मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। भजन संग्रह २५:१९; भजन संग्रह ६९:५

भजन संग्रह 38:19

आं जोरी सत्रु चहिं रिम्‍शो पा ब्रोंइशा, बोल्‍यो दुम्‍शो बाक्‍नीम। आं कली मोशान मदाक्‍ब शुश बाक्‍नीम।

भजन संग्रह 69:4

आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। यूहन्‍ना १५:२५

लूका 6:32

इन कली दाक्‍ब आन कली ला दाक्‍ताक्‍नी हना, मार रिम्‍शो पनी ङा? पापीपुकीमी यो आंम कली दाक्‍ब कली दाक्‍नीम।

यूहन्‍ना 15:21

मुरपुकीमी आं नोले खोइक्‍ब इन कली श्‍येत गेनीम। मारदे हना आं कली सोइक्‍ब कली मतुइक्‍नीम। यूहन्‍ना १६:३

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

रोमी 13:5

“सरकारमी सजाइ गेब” दे मिम्‍चा ला ममाइ। रिम्‍शो पय, दे इं थुं फ्रेंशा बाक्‍य।

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 8:1

आं लोक्‍बपुकी, परमप्रभु यावेमी मासीडोनीया रागीमी बाक्‍ब थमा सुइक्‍ब आन कली शिशी पशो आ पर्बम इन कली शेंनीकी। रोमी १५:२६

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

हिब्रू 10:2

मिनु परमप्रभु यावे कली मान पाइबपुकी खेयप का पाको दुम्‍तेक्‍म हना, चढ़ेबमी मारदे लेंशा चढ़ेचा माल्‍बा ङा। मुर पाको दुम्‍तेक्‍म हना, लेंशा चढ़ेचा माल्‍बा ङा?

१ पत्रुस 2:20

गे मरिम्‍शो पशा, तुप्‍चा पुंइसीनीनु, मेको फाल्‍शा बाक्‍तीनी हना, मार रिम्‍शो पनी ङा? रिम्‍शो पशा यो, श्‍येत गेचा पुंइसीशा, फाल्‍शा बाक्‍तीनी हना, परमप्रभु यावे आ दाक्‍शो पाइनीनी। १पत्रुस ३:१४; मत्ती ५:१०

१ पत्रुस 4:15

गेपुकी मुर कली साइक्‍ब, खुइ पाइब, ग्रांग्रा दिचा ङा गेय पाइब नु अरु आन कली ग्‍येत्‍थ लुक्‍च सेल्‍शा, सजाइ तपाइक्‍ब खोदेंशो मदुमीन।