१ पत्रुस 2:17 - Sunuwar Bible

¹⁷ मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१

१ पत्रुस 2:17 ပူးပေါင်းရင်းမြစ်များ

उत्पत्ती 20:11

मिनु अब्राहाममी “थमा पा, एको रागी ङा मुरपुकी परमप्रभु कली मान पा महिंनीमी। मिनु आं मीश आ पर्बम आं कली साइक्‍नीम, दे मिम्‍ताक्‍ङ।

उत्पत्ती 22:12

मेकोमी “इ तौ कली मक्‍योरो। मेको कली मारेइ मपतो। मारदे हना गे परमप्रभु कली मान पा हिंबाक्‍ते। गो मुल तुइक्‍ताक्‍ङ। गे इ का ला बाक्‍शो तौ आं कली गेचा ठीक पाप्‍तीवी। इ का ला तौ यो आं कली गेचा टीबाक्‍ते” देंमाक्‍त। रोमी ८:३२; हिब्रू ११:१७

उत्पत्ती 42:18

मिनु नाक्‍त सां नोले योसेफमी “गो परमप्रभु कली मान पा हिंनुङ। मोपतीके गेपुकी ब्रोंइचा कली आं देंशो पने।

१ इतिहास 29:20

मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।

भजन संग्रह 111:10

परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। हितोपदेस १:७

प्रस्‍थान 20:12

इन आम आफ आन कली मान पने। मो पाइतीनी हना, परमप्रभु यावेमी, इन परमप्रभु इन कली गेशो रागीम शुश ब्रोंइचा गेब। प्रस्‍थान २१:१७; ब्‍यवस्‍था २७:१६; मत्ती १५:४-६; एफिसी ६:२-३

हितोपदेस 1:7

परमप्रभु यावे कली मान पा हिंचा तुइक्‍तीक दुम्‍चा कली गोतीक बाक्‍ब। मूर्खपुकीमी तुइक्‍‍तीके नु अर्ती मदाक्‍नीम। हितोपदेस ८:१३; हितोपदेस ९:१०; अय्‍युब २८:२८; भजन संग्रह १११:१०

हितोपदेस 23:17

पापी आन कली गेहे मपावो। तन्‍न नाक्‍त किंत किंत परमप्रभु यावे कली मान पा हिनो।

हितोपदेस 24:21

आं तौ, परमप्रभु यावे नु पिप कली मान पा हिनो। मेको आस कली मटीब नु मगाक्‍को। १ पत्रुस २:१७

उपदेसक 8:2

पिप आ देंशो टिवो। मारदे हना गे परमप्रभु आ ङोंइती कसम जाप्‍तीवी।

लेवी 19:32

गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

जकरिया 11:14

मिनु नोले गो थुं का दुम्‍तीक नें वोइश्‍शो कोक्‍के जिक्‍ता। मो पा गो यहूदा नु इस्राएल आस कली खिं का ङा दुम्‍तीक रे फ्राताक्‍ङ। इजीकीएल ३७:२२

मत्ती 22:21

“सिजर आ नेंमी ख्रोइश्‍शो बाक्‍त, हजुर” देंतेक्‍म। मिनु येसुमी “लो मो हना, सिजर आ थोव़क सिजर कली गेने। परमप्रभु यावे आ थोव़क परमप्रभु यावे कली गेने” देंमेनु, रोमी १३:१,७

यूहन्‍ना 13:35

दाक्‍मुशो तशा, मुर नेल्‍लेमी ‘गेपुकी आं शेंसीब ननी’ दे तुइक्‍नीम” दे येसुमी देंत।

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

रोमी 13:7

तिरो, भन्‍सार थाप्‍तीने। हिक्‍चा पुंइसीशो कली हिक्‍कीने, मान पचा पुंइसीशो कली मान पने। मत्ती २७:२१

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

एफिसी 5:21

गेपुकी ख्रीस्‍त कली मान पा हिंशा बिम्‍मुने। १पत्रुस ५:५

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

१ तिमोथी 6:1

वाइलीम वाइल नेल्‍लेमी आन होव़प मान ताक्‍चा शिरशो बाक्‍नीम, दे मिम्‍चा माल्‍नीम। मोपा मुरपुकीमी परमप्रभु यावे आ नें नु आ शेंतीके आइक्‍च मसेल्‍नीम। एफिसी ६:५; तीतस २:९-१०

हिब्रू 13:1

लोक्‍ब खोदेंशो पा दाक्‍मुशा गारशा बाक्‍कीन। यूहन्‍ना १३:३४; २पत्रुस १:७

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 2:13

प्रभु आ पर्बम सरकारमी अधिकार गेशो मुर आन कली टिने। पिप नेल्‍ल क्‍येङा ठेयब बाक्‍ब। मोपतीके टिचा माल्‍नीनी। रोमी १३:१-७; तीतस ३:१

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६

१ सामुएल 15:30

मिनु सावलमी “गो पाप पाता। मो हना यो खूशो नु इस्राएली आन ङोंइती आं मान ततीक गेने। गो नु लेतीन। मिनु गो परमप्रभु यावे, इन परमप्रभु कली ठेयब सेल्‍नुङ” देंमाक्‍त।