१ पत्रुस 2:10 - Sunuwar Bible

¹⁰ ङोंइती गे परमप्रभु यावे आ मुर मबाक्‍नी। मुल परमप्रभु यावे आ मुर दुम्‍तीनी। ङोंइती गे परमप्रभु यावे आ शिशी मतशो बाक्‍तीनी। तन्‍न मुल परमप्रभु यावे आ शिशी ताइब दुम्‍तीनी। होसे २:२५; रोमी ९:२४-२६

१ पत्रुस 2:10 ပူးပေါင်းရင်းမြစ်များ

२ सामुएल 7:24

गे इन मुर इस्राएली आन कली गेना हना यो इन मुर दुम्‍पाइक्‍‍चा कली बोल्‍यो सेल्‍तीनी। मिनु परमप्रभु यावे, गे मेको आन परमप्रभु दुम्‍तीनी।

होसे 2:23

गो मेको कली आं पर्बम आं रागीमी बाक्‍पाइक्‍नुङ। गो मेको कली ‘मदाक्‍नुङ’ देंशो कली आं शिशी कोंइनुङ। मिनु गो ‘गेपुकी आं मुर मननी’ देंशो नङ। मुल गो ‘आं मुर ननी’ देंनुङ। मिनु मेकोपुकीमी आं कली ‘गे आंइ परमप्रभु बाक्‍नीनी’ देंनीम” दे परमप्रभुमी देंत। होसे १:६; होसे १:९; रोमी ९:२५; १पत्रुस २:१०

रोमी 10:19

मोपा यो इस्राएलीमी एको लोव़ मरुप्‍मे ङा? मोसामी यहूदी आन पर्बम ओदेंशो ब्रेक्‍शो बाक्‍त “अर्को रागी ङा मुरपुकीमी आं कली थमा सुइक्‍चा गेनुङमी। मिनु गेपुकीमी अरु आन कली आं गे पिशो तशा, रुश पा थमा सुइक्‍नीनी, दे परमप्रभु यावेम देंत” दे ब्रेक्‍शो बाक्‍त। ब्‍‍यवस्‍था ३२:२१

रोमी 11:30

गेपुकीमी यो परमप्रभु यावे आ लोव़ मटिनी। यहूदीपुकीम मटितीके परमप्रभु यावेमी इन कली शिशी पा थमा सुइक्‍चा गेप्‍तु। मिनु मुल गे परमप्रभु यावे आ शिशी ताइब दुम्‍तीनी।

१ कोरिन्‍थी 7:25

ग्‍युंबे मपथु बाक्‍ब आन पर्बम प्रभुमी आं कली मारेइ मअरेव। तन्‍न गो प्रभु आ शिशी पतीकेमी थमा सुइक्‍ब मुर दुम्‍ती, गो आं मिम्‍शो देंनुङ।

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

हिब्रू 4:16

मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२