१ पत्रुस 1:8 - Sunuwar Bible

⁸ गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

१ पत्रुस 1:8 ပူးပေါင်းရင်းမြစ်များ

ठेयब कुम्सो 1:7

ए आं दाक्‍शो मुर, इन क्‍यारश भेडा आन कली ते योव़नीनी? मिनु नाक्‍त मेको ते नाइक्‍नीमी? गो मारदे हेंथे गाक्‍ब मीश मुर खोदेंशो पा इन वारच आन बगाल आ नेक्‍था लचा माल्‍नुङा?

ठेयब कुम्सो 5:16

ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

ठेयब कुम्सो 5:9

मिनु मेकोपुकीमी “गे नेल्‍ल क्‍येङा दारशो मीश आल, इ दाक्‍शो वोंइश मुर दोपा अरु आन क्‍येङा दाक्‍शो दुम्‍मे? मारदे मेको इ दाक्‍शो वोंइश मुर ठेयब दुम्‍मे? मारदे आंइ कली मोदेंशो पा अरेनेवे?” देंतेक्‍म।

मत्ती 10:37

आं क्‍येङा आन आम आफ कली दाक्‍बपुकी आं नोले खोइक्‍चा मशिरनीम। आं क्‍येङा आन तमी तौ आन कली दाक्‍बपुकी यो आं नोले खोइक्‍चा मशिरनीम। ब्‍यवस्‍था १३:७-१२; ब्‍यवस्‍था ३३:९; लूका १४:२६-२७

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

यूहन्‍ना 14:24

आं कली मदाक्‍बमी चहिं आं देंशो लोव़ यो मपाइब। आं देंशो लोव़ आं के ममाइ, आं कली सोइक्‍ब आं आफ के बाक्‍ब। यूहन्‍ना ७:१६-१७

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

यूहन्‍ना 20:29

मिनु येसुमी “गे आं कली तशा थमा सुइक्‍तीवी। सुमी आं कली मतथु, थमा सुइक्‍बा, मेको शुश ग्‍येरसीशो मुर बाक्‍ब” देंत। १पत्रुस १:८; हिब्रू ११:३

यूहन्‍ना 8:42

मिनु येसुमी “परमप्रभु यावे इन आफ बाक्‍त हना, गेपुकी आं कली दाक्‍तीनी वा। मारदे हना गो परमप्रभु यावे रे रागीमी जाक्‍ती। गो आंमा जाक्‍शो मनङ। तन्‍न आं आफोमी सोइक्‍ताक्‍यी।

प्रेरित 16:34

मिनु आ खिं लाइश्‍शा, जचा तूचा सेल्‍शा थुल्‍मे बाक्‍त। मिनु नेल्‍लेमी “परमप्रभु यावे कली थमा सुइक्‍ब दुम्‍तय” दे थाम्‍पा ग्‍येरसमा बाक्‍त।

रोमी 14:17

परमप्रभु यावे आ राज्‍य जचा तूचा आ पर्बम ममाइ। परमप्रभु यावे आ सोक्‍त रे पा थमा सुइक्‍बपुकीमी रिम्‍शो गेय पशा, दुशा ग्‍येरशा बाक्‍चा आ पर्बम बाक्‍ब। १कोरिन्‍थी ८:८; हिब्रू १३:९

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

२ कोरिन्‍थी 1:22

मेकोमी इं कली छाप थोक्‍ताक्‍व। मिनु आ सोक्‍त इं थुंमी वोइक्‍तु। मेको सोक्‍त बैना खोदेंशो पा गेप्‍तु। एफिसी १:१३; २कोरिन्‍थी ५:५; रोमी ८:१६

२ कोरिन्‍थी 12:4

मिनु मेको मुरुमी ख्रुइश्‍शो लोव़ नेंतु। मेको लोव़ मुरुम देंचा मदुम्‍ब।

२ कोरिन्‍थी 4:18

मारदे हना गो मिक्‍चीमी तशो थोव़क ममाइ। तन्‍न मिक्‍चीम मतशो थोव़क ला कोव़नीकी। तशो थोव़क जाम्‍शा लाइनीम। मतशो थोव़क चहिं मजाम्‍थु, गेना हना यो लीनीम। हिब्रू ११:१

२ कोरिन्‍थी 5:7

मारदे हना गो थमा सुइक्‍तीकेमी गाक्‍नीकी। ततीकेमी मगाक्‍नीकी।

२ कोरिन्‍थी 9:15

परमप्रभु यावेमी इन कली देंने मचाप्‍चा ङा ठेयब कोसेली गेप्‍तु। मेको आ पर्बम मेको कली “गे रिम्‍शो पाइब बाक्‍नीनी” देंचा मप्रोंइनीक।

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

एफिसी 3:19

ख्रीस्‍त आ दाक्‍तीके गिश ठेयब बाक्‍बा, मेको रुप्‍‍ने मचाप्‍चा ङा बाक्‍त हना यो, मेको आन कली रुप्‍पतीन। मिनु परमप्रभु यावे, गे दोपा मारेइ मारेइमी गाप्‍शो बाक्‍नीनी, मोपा मेको आन कली यो इन सक्तिमी प्रिंदीन। कलस्‍सी २:२-३

एफिसी 6:24

सु सुमी इं प्रभु येसु ख्रीस्‍त कली गेना हना यो दाक्‍नीमी, मेको नेल्‍लेमी शिशी तामेक्‍ल।

फिलिप्‍पी 1:25

मोदेंब दुम्‍ब, दे तुइश्‍शा, इन थमा सुइक्‍चा नु ग्‍येरपाइक्‍तीके बारल, दे गो गेपुकी नु बाक्‍नुङ, दे तुइक्‍नुङ। फिलिप्‍पी २:२४

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६

हिब्रू 11:1

थमा सुइक्‍चा चहिं मार बाक्‍ब देंशा हना, आस पशो थमा दुम्‍शो तांइसीब नु इं मिक्‍चीम मतशो थोव़की बाक्‍नीम, दे मिम्‍चा बाक्‍ब। मिनु बाक्‍नीमी यो। मेको मोदेंशो मिम्‍चा कली थमा सुइक्‍चा देंसीब। २कोरिन्‍थी ५:७

हिब्रू 11:27

“मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।

१ पत्रुस 1:6

गे मेको तुइश्‍शा, ग्‍येरनीनी। मुल इच्‍का नाक्‍त सम्‍म थुं थाम्‍चा कली मार मार श्‍येत जाइनीनी। १पत्रुस ५:१०; २कोरिन्‍थी ४:१७

१ पत्रुस 2:7

मोपतीके थमा सुइक्‍बपुकीमी मेको कली दाक्‍नीम। तन्‍न थमा मसुइक्‍ब खिं सेल्‍बपुकीमी मेको फुल्‍लु कली ताइश्‍शो बाक्‍तेक्‍म। तन्‍न मेको सुर ङा फुल्‍लु दुम्‍त।

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८