१ पत्रुस 1:7 - Sunuwar Bible7 मारदे श्येत जाइनीनी देंशा हना, इन थमा सुइश्शो थमा कों, जोल कों, दे नाक्चा कली श्येत जाइनीनी। मोपा श्येत जाइतीनी हना, इन थमा सुइक्तीके मीम याप्पाइश्शो सुन क्येङा शुश क्येट लाइब दुम्ब। मिनु येसु ख्रीस्त आ यिची ना ठेयब सेल्तीक, छेङछेङ नु मान पतीक दुम्ब। हितोपदेस १७:३, यसैया ४८:१० အခန်းကိုကြည့်ပါ။ |
१ पत्रुस 1:7
53 ပူးပေါင်းရင်းမြစ်များ
मिनु मेको लीशो भाग आन कली गो मीम कुरपाइनुङमी। चांदी याप्पाइश्शो खोदेंशो पा याप्पाइक्नुङमी। मिनु सुन नाक्शो खोदेंशो पा नाक्नुङमी। मिनु मेकोपुकीमी आं कली थोइनीम। मिनु गो मेको आन कली लोव़ लेत्नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्ब’ देंनीम” दे परमप्रभु यावेमी देंत। होसे २:२५
मार पा यहूदी दुम्नीम देंशा हना, मार पचा दुम्बा, मार पचा मदुम्बा, मेको तुइश्शा, परमप्रभु यावे आ सोक्तीम थुंम ख्रोइक्तीक चिनु ख्रोइश्शा ला परमप्रभु यावे आ मुर दुम्नीम। मेको आन कली मुरपुकीमी ठेयब मसेल्नीम। तन्न परमप्रभु यावेमी नेल्ल तुइश्शा “रिम्शो पाइतीनी” देंब। ब्यवस्था ३०:६; फिलिप्पी ३:३; कलस्सी २:११
मिनु मुल इन कली श्येत दुम्चाप्तु। तन्न महिनीने। नेनीन, मुल दियाबलस सैतानमी गे का निक्शी इन कली थुं थाम्चा कली जेल्खानम चोक्पाइक्ब। गे १० नाक्त सम्म ला श्येत जाइनीनी। साइक्चाम्तेक्म हना यो, फाल्शा थमा सुइक्चा मप्रोनीन। मो पाइतीनी हना, गो इन कली गेना हना यो ब्रोंइशा बाक्तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८
मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।
मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्ल गेना हना यो आं ङोंइती चढ़ेब दुम्नीम, गो कसम जशो नङ” देंशो बाक्त। तन्न परमप्रभु यावेमी “मुल ओदेंशो मदुम्ब। मारदे हना आं कली ठेयब सेल्ब आन कली गो ठेयब सेल्नुङ। आं कली आइक्च सेल्ब नेल्ल आइक्च सेल्चा पुंइसीनीम। प्रस्थान २८:१; मलाकी ३:१६-१८
ကြော်ငြာတွေ