१ पत्रुस 1:4 - Sunuwar Bible

⁴ मिनु इं कली स्‍वर्गमी जाम्‍शा मलाइब, काइ मबिग्रेब नु गेना हना यो लीब शोंप वोइश्‍शो बाक्‍ब। कलस्‍सी १:१२

१ पत्रुस 1:4 ပူးပေါင်းရင်းမြစ်များ

भजन संग्रह 31:19

गे इन कली मान पा हिंब आन कली गेना हना यो शुश दाक्‍नीनी। इन कली जिम्‍मा गेंसीब आन कली दाक्‍तीके मुर आन ङोंइती कोंइनीनी।

भजन संग्रह 47:4

मेकोमी आंइ कली शोंप योव़शा गेप्‍तु। मेको याकूब आ दाक्‍शो रागी बाक्‍त। मारदे हना परमप्रभुमी याकूब कली शुश दाक्‍ताक्‍व।ठेयब सेंदा पा। ब्‍यवस्‍था ३२:९

यसैया 66:22

मिनु “दोपा आं सेल्‍शो नक सरीङ नु नक रागी आं ङोंइती गेना हना यो बाक्‍बा, मोपा इन नें नु इन चच युइ आन नें गेना हना यो लीनीम। यसैया ६५:१७

इजीकीएल 47:12

मेको समुन्‍द्र आ एर ओंथ नेल्‍ल शुश खाल ङा फल फुल रवा वानीम। मेको आन सफा मसोव़नीम। मेको आन फल गेनायो मनुप्‍नीम। मेको महिना महिनाम सित्‍नीम। मारदे हना मेको आन कली माल्‍शो ब्‍वाक्‍कु परमप्रभु यावे आ बाक्‍तीक रे लशो बाक्‍ब। मेको आन फल रूचा कली नु मेको आन सफा सापाइक्‍चा कली दुम्‍नीम” देंत। यसैया ३२:१५; प्रकाश २२:२

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

मर्कूस 10:17

मिनु मेकेर रे लमेनु, मुर का दोरशा पिशा, येसु आ ङोंइती पोक्‍च थेक्‍शा बाप्‍शा “शेंब, गे रिम्‍शो ननी। गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवा बाक्‍त।

प्रेरित 20:32

मुल गो इन कली परमप्रभु यावे आ गुइमी जिम्‍मा गेनुङ। प्रभुमी इन कली शिशी पा आ लोव़ नेल्‍ल रुप्‍चा गेशा, इन थुं बारना बारन लपाइश्‍शा, आ मुर नेल्‍ल आन कली गेतीक आसीक गेब, दे तुइक्‍नुङ।

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 8:17

परमप्रभु यावे आ तमी तौ दुम्‍शा, येसु ख्रीस्‍त नु काथा बाक्‍शा, अङस ताइब दुम्‍तय। मेको अङस तचा ङोंइती येसु ख्रीस्‍त आ नेंमी श्‍येत जाइनय। नोले आ राज्‍य तांइसेनु, येसु ख्रीस्‍त नु काथा बाक्‍शा अङस ताइनय। गलाती ४:१७; प्रकाश २१:७

१ कोरिन्‍थी 9:25

मोपा दोरबपुकीमी दोरने चबुल, दे हेंथे मजाइनीम मतूनीम। आन रां नेल्‍ल चलेस जोक्‍नीम। मोदेंशो पाइबपुकीमी जाम्‍शा लाइब इनाम ला ताइनीम। गोपुकीमी चहिं गेनायो जाम्‍शा मलाइब इनाम ताइनय, दे तुइश्‍शा, मेको आन क्‍येङा रिम्‍शो पचा ममाल्‍नया ङा? २तिमोथी २:४-५; १पत्रुस ५:४

गलाती 3:18

अरेशो लोव़ पतीके हक ताइब दुम हना, परमप्रभु यावे आ गेशो लोव़ ख्रोत वा। परमप्रभु यावेमी “हक ताइनेवे” दे अब्राहाम कली आ लोव़ गेशो बाक्‍त।

एफिसी 1:11

परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२

एफिसी 1:14

आ सोक्‍त चहिं गोपुकी परमप्रभु यावे नु बाक्‍ची मजाक्‍म सम्‍म कली परमप्रभु यावे आ तमी तौ दुम्‍ने थुम्‍शो नय, दे कोंइतीक बाक्‍ब। मोपतीके “परमप्रभु यावे आ सक्ति ठेयब बाक्‍ब” देंनय।

एफिसी 1:18

गे मेको आन कली मार कली ब्रेश्‍शो बाक्‍नीनी, थमा सुइक्‍ब आन ततीक मार बाक्‍बा, इन छेङछेङ गिश ठेयब बाक्‍बा, मेको नेल्‍ल रुप्‍तीक थुं गेने।

कलस्‍सी 1:12

इं आफ, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना इन कली थमा सुइक्‍ब आन छेङछेङमी बाक्‍चा गेप्‍तु। एफिसी १:११; १पत्रुस १:४

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

कलस्‍सी 3:24

गे प्रभु आ गुइ रे इनाम ताइब बाक्‍नीनी, दे तुइक्‍नीनी। मेकोन मिम्‍ना मिम्‍न गेय पने। गेपुकी प्रभु ख्रीस्‍त कली गेय पाइब बाक्‍नीनी।

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 10:34

जेल्‍खानम चोक्‍शा वोइश्‍शो आन कली शिशी पा ग्रुम्‍थ लाइतीनी। मिनु गे यो श्‍येत जाइतीनी। इन बाक्‍‍शो शोंप रोइश्‍शा लदमेनु, गेमी “इं के गेनायो मजाम्‍ब शोंप बाक्‍ब” दे तुइश्‍शा, लाइक्‍चा गेशा ग्‍येरसीशा बाक्‍तीनी। मत्ती ६:२०; मत्ती १९:२१,२६

हिब्रू 9:15

मोपतीके मेको नक कबल ङा गारपाइक्‍ब बाक्‍ब। मोपा ब्रेश्‍शोपुकी आन गेना हना यो लीब शोंप तामेक्‍ल। मारदे हना ख्रीस्‍त बेक्‍त। मिनु मेको आन ङोंइती ङा कबलम पशो पाप यो क्‍याम्‍साक्‍व। हिब्रू १२:२४; १तिमोथी २:५

याकूब 1:11

नां दाप्‍शा ङा मिन शुश हुप्‍तानु, घांस नेल्‍ल सोल सुल बेक्‍नीम। मिनु आन फू सफा नेल्‍ल हेम्‍नीम। मोपा आ दार‍स जाम्‍ब। मेको खोदेंशो पा क्‍येट थीब मुर यो आ गेय पस ङा पस बेक्‍नीम। यसैया ४०:६-७

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।