१ पत्रुस 1:24 - Sunuwar Bible

²⁴ परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११

१ पत्रुस 1:24 ပူးပေါင်းရင်းမြစ်များ

२ राजा 19:26

मिनु मेको सहर ङा मुर आन सोक्‍त जाम्‍शा आन थुं लुक्‍च लत। मेकोपुकी रू ङा कल्‍लो घांस खोदेंशो दुम्‍तेक्‍म। मेकोपुकी खिं तार वाशो घांस खोदेंशो दुम्‍शा, वामा चोटीन सोव़शो बाक्‍नीम।

अय्‍युब 14:2

मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। भजन संग्रह ९०:५

भजन संग्रह 102:4

आं थुं घांस खोदेंशो पा बेक्‍ब। मोपतीके गो आं शोब्‍ले यो जने मचबु।

भजन संग्रह 103:15

मुर आन ब्रोंइतीके घांस खोदेंशो बाक्‍ब। रूमी बोइश्‍शो फू खोदेंशो पा बोइक्‍ब। भजन संग्रह ९०:५-६; अय्‍युब ७:१०

भजन संग्रह 129:6

मेकोपुकी खिं तार वाशो घांस खोदेंशो दुम्‍मल। मेको बारचा क्‍येङा ङोंइती सोव़नीम।

भजन संग्रह 37:2

मारदे हना मेकोपुकी घांस खोदेंशो पा रीब पा सोव़नीम। गिग खाइ खोदेंशो पा सोल सुल बेक्‍नीम।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 90:5

गे मुर आन कली फिक्‍‍शा, लाइक्‍नीनी। मुर आन ब्रोंइतीक ङोमु तशो खोदेंशो बाक्‍ब। मेकोपुकी सुनी नक वाशो घांस खोदेंशो बाक्‍नीम। भजन संग्रह १०२:१२; भजन संग्रह १०३:१५; अय्‍युब १४:२; यसैया ४०:६; १पत्रुस १:२४-२५

भजन संग्रह 92:7

मिनु परमप्रभु आ अरेशो मटीबपुकी घांस खोदेंशो पा बारनीम। मरिम्‍शो पाइबपुकी फू खोदेंशो पा बोइक्‍नीम। नोले मेकोपुकी गेनायो मलीचा ङा पा क्‍याम्‍चा पुंइसीनीम।

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

मत्ती 6:30

परमप्रभु यावेमी चीबेर बोइश्‍शा, हेम्‍शा चोचा पुंइसीब फू, घांस आन कली लायो मिश रिम्‍शो ग्‍योम्‍ताक्‍व हना, गे थमा पा थमा सुइक्‍ने मचाप्‍बपुकी इन कली मफेक्‍पाइक्‍बा ङा?

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०

१ यूहन्‍ना 2:17

मिनु रागी नु रागी ङा मुर आन दाक्‍शो नेल्‍ल जाम्‍ब। सु चहिं परमप्रभु यावे आ देंशो पाइबा, मेको मुर गेना हना यो ब्रोंइशा बाक्‍ब।