१ पत्रुस 1:20 - Sunuwar Bible

²⁰ परमप्रभु यावेमी रागी सेल्‍चा क्‍येङा ङोंइती “येसु ख्रीस्‍त पाप रे प्रोंइब दुम्‍ब” दे मिम्‍शो बाक्‍माक्‍त। मेको रागी नुप्‍ची ना इन पर्बम तुइक्‍पाइश्‍शो बाक्‍त। रोमी १६:२५-२६

१ पत्रुस 1:20 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

हितोपदेस 8:23

नेल्‍ल क्‍येङा ङोंइती ङा गो नङ। रागी क्‍येङा ङोंइती यो गो नङ।

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

प्रेरित 2:23

गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८

रोमी 3:25

ङोंइती परमप्रभु यावेमी रिम्‍शा, पापी आन कली सजाइ मगेवा बाक्‍त। नोले मेको आन जचा ङा सजाइ येसु ख्रीस्‍त कली जपाइश्‍शा बेक्‍चा गेशा, मेको आन पाप क्‍याम्‍ताक्‍व।

रोमी 8:29

मारदे हना आ ङोंइती तुइश्‍शो मुर कली “आं तौ खोदेंशो दुम्‍मल” दे योव़तु। आ तौ मेको योव़शो लोक्‍ब आन क्‍येङा ङोंइती जरमेशो बाक्‍ब। कलस्‍सी १:१८; हिब्रू १:६

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

एफिसी 1:10

मिनु मेको नेल्‍ल ठीक दुम्‍मेनु, परमप्रभु यावेमी ख्रीस्‍त कली रागीमी सोइक्‍ताक्‍व। मोपा रागी नु स्‍वर्गमी बाक्‍ब, इस्राएली नु अर्को रागी ङा मुर नेल्‍ल आन कली ख्रीस्‍तमी का सेल्‍तु। गलाती ४:४

एफिसी 1:4

मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७

एफिसी 3:11

मेको परमप्रभु यावे आ गेना हना यो मिम्‍शो लोव़ बाक्‍त। मेको मुल इं प्रभु ख्रीस्‍त येसु रे खाप्‍शो बाक्‍त।

एफिसी 3:9

मिनु मारेइ मारेइ सेल्‍ब परमप्रभु यावेमी रागी सेल्‍शो रे ख्रुइश्‍शा वोइश्‍शो नेल्‍ल आन कली त‍पाइक्‍चा, दे कोंइब सेल्‍ती। एफिसी १:९-१०; रोमी १६:२५-२६; कलस्‍सी १:१६

कलस्‍सी 1:26

साइ ङोंइती रे परमप्रभु यावे आ मिम्‍शो ख्रुइश्‍शो बाक्‍त। मुल चहिं मेको आ मुर आन कली कोंइशो बाक्‍त। रोमी १६:२५; एफिसी ३:३-६

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

हिब्रू 1:2

नोले ङा नाक्‍ती आ तौ रे पा इं कली लोव़ पाप्‍तु। आ तौ कली नेल्‍ल अधिकार गेशो बाक्‍त। सरीङ नु रागी नेल्‍ल आ तौ रे पा सेला बाक्‍त। भजन संग्रह २:८; यूहन्‍ना १:३; कलस्‍सी १:१६

हिब्रू 2:14

तमी तौ हुश नु रुश के जोल्‍शो नम। मोपतीके येसु ख्रीस्‍त मेकोपुकी नु खाल का ङा पा हुश नु रुश के दुम्‍त। बेक्‍पाइक्‍ब सक्ति पाइश्‍शो कली खतम पोक्‍चा कली आंमन बेक्‍त। २तिमोथी १:१०; १यूहन्‍ना ३:८

हिब्रू 9:26

ख्रीस्‍त मोदेंशो बाक्‍शो हना, रागी सेल्‍चा रे मुल सम्‍म शुश खेयप श्‍येत जचा माल्‍द वा। तन्‍न मेकोमी रागी नुप्‍ची ना खेयप का पाप क्‍याम्‍चा कली आंम कली चढ़ेवा बाक्‍त। १कोरिन्‍थी १०:११; गलाती ४:४; हिब्रू १:३

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९

१ यूहन्‍ना 1:2

मेको ब्रोंइचा गेब लोव़ माइश्‍शो रागीमी तपांइसीचा पुंइसाक्‍व। मिनु गो मेको कली ताइतक। मोपतीके गोपुकीमी मेको आ लोव़ शेंनीकी। मिनु इन कली यो गेना हना यो, इं आफ नु बाक्‍चा आ पर्बम शेंनीकी। मेको गेना हना यो ब्रोंइशा बाक्‍तीक माइश्‍शो ङोंइती आ आफ परमप्रभु यावे नु बाक्‍त। मिनु परमप्रभुमी मेको आंइ कली कोंइताक्‍व।

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।