१ पत्रुस 1:17 - Sunuwar Bible

¹⁷ गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

१ पत्रुस 1:17 ပူးပေါင်းရင်းမြစ်များ

उत्पत्ती 47:9

मिनु याकूबमी “गो मुल सम्‍म रागीम बाक्‍शो, सहे का ३० बर्स दुम्‍ती। आं किकी पिपी खोदेंशो पा शुश बर्स मदुम्‍ङ। गो मरिम्‍शो नाक्‍त यो ताता” देंमाक्‍त। हिब्रू ११:१३

१ इतिहास 29:15

गोपुकी इन ङोंइती शुश नाक्‍त मबाक्‍ब अर्को रागी ङा मुर दुम्‍शो बाक्‍नीकी। आंइ किकी पिपी यो मोदेंशो बाक्‍मा बाक्‍त। आंइ रागीम बाक्‍तीके नाक्‍ती वांकु खोदेंशो बाक्‍नीम। शुश बाक्‍तीक आस मबाक्‍ब। भजन संग्रह ३९:१३; हिब्रू ११:१३; अय्‍युब १४:२

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

अय्‍युब 34:19

मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम।

भजन संग्रह 39:12

परमप्रभु यावे, आं पुंइशो लोव़ नेनीन। आं वाइ ब्रेश्‍शो नेनीन। आं ङाक्‍शो तशा, वारच पाइय्‍यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्‍नुङ। भजन संग्रह ११९:१९; लेवी २५:२३; १ पत्रुस २:११; हिब्रू ११:१३

भजन संग्रह 89:26

मेकोमी आं कली ‘गे आं आफ बाक्‍नीनी। आं परमप्रभु, आं कली श्‍येत रे प्रोंइब सेरथे फुल्‍लु बाक्‍नीनी’ देंब। २सामुएल ७:१४

हितोपदेस 14:16

जोक्‍बपुकी होस पा मरिम्‍शो पतीक रे ङोन लाइनीम। तन्‍न मूर्ख मारेइ ममिम्‍थु, होस मपाइब।

हितोपदेस 28:14

परमप्रभु यावे कली मान पा हिंब मुर गेना हना यो ग्‍येरशा बाक्‍चा ताइब। तन्‍न मरिम्‍शो थुं पाइश्‍शो मुर श्‍येत जाइनीम।

येरमीया 3:19

मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४

सेफन्‍याह 3:9

मेना जात जात ङा मुर आन कली रिम्‍शो लोव़ पाइब सेल्‍नुङ। मिनु मेको नेल्‍लेमी परमप्रभु यावे कली पुंइशा ठेयब सेल्‍मेक्‍ल। मेको नेल्‍ल गारशा आ गेय पामेक्‍ल।

मत्ती 16:27

रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६

मत्ती 22:16

मिनु आन शेंसीब नु हेरोद आ वारच आन कली येसु आ बाक्‍तीके ओं माइक्‍थ सोइक्‍तीमी बाक्‍त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्‍नीक। यूहन्‍ना ३:२

मत्ती 6:9

ओदें प्रार्थना पने ‘स्‍वर्गम बाक्‍ब आंइ आफ, इन नें ठेयब बाक्‍ल। लूका ११:२-४; इजीकीएल ३६:२३

रोमी 11:20

इन देंशो ठीक बाक्‍ब। मेकोपुकीमी थमा मसुदेम। मिनु परमप्रभु यावेमी मेको आन कली क्‍योरशा ताइक्‍ताक्‍व। इन थमा सुइश्‍शो तशा इन कली चहिं रिम्‍शो फल रवाम केप्‍शो खोदेंशो पा आ मुर सेल्‍तु। काइ ठेयब मलेत्‍थु, परमप्रभु यावे कली मान पा हिंशा बाक्‍कीन। १कोरिन्‍थी १०:१२

२ कोरिन्‍थी 1:2

इं आफ परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल।

२ कोरिन्‍थी 5:6

मोदेंशो दुम्‍मेनु, ठेयब थुं पाइश्‍शो दुम्‍शा बाक्‍नय। रांमी बाक्‍यानु, प्रभु रे ङोन बाक्‍नीकी। हिब्रू ११:१३

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

२ कोरिन्‍थी 7:11

परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।

गलाती 2:6

परमप्रभु यावेमी मुर आन कली ठेयब आइक्‍च मसेल्‍ब। मुर आन थुं नेल्‍ल तुइक्‍ब। मुल लां कोंइब दुम्‍शो आन कली मान पाइनुङमी। मेको लां कोंइबपुकीमी अर्को लोव़ शेंचा कली मतेम्‍देम।

एफिसी 1:17

मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

एफिसी 3:14

मोदेंशो पा गो इं आफ परमप्रभु यावे आ ङोंइती बाप्‍शा, पोक्‍च थेक्‍शा, इन कली मिम्‍शा पुंइशा बाक्‍नुङ।

एफिसी 6:9

गे होव़पपुकी, इन वाइलीम वाइल आन कली प्रभुम पशो खोदेंशो पा पने। हिंच कोंइचा प्रोनीन। मारदे हना मेको आन के नु इन के प्रभु स्‍वर्गमी बाक्‍ब। मिनु प्रभुमी मुर नेल्‍ल आन कली उइक्‍थ मिम्‍ब।

ब्‍यवस्‍था 10:17

मारदे हना परमप्रभु यावे, इन परमप्रभु देवी देवता आन परमप्रभु बाक्‍ब। मेको प्रभु आन प्रभु बाक्‍ब। मेको नेल्‍ल क्‍येङा ठेयब, सक्ति पाइश्‍शो नु हिंचा ङा परमप्रभु बाक्‍ब। मेकोमी सुइ आन कुल मकोव़ब। मेकोमी घूस मताक्‍ब।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

कलस्‍सी 3:25

मरिम्‍शो पाइबपुकीम मरिम्‍शो पतीके कुल मकोव़थु निसाफ पचा पुंइसीनीम। रोमी २:११

हिब्रू 12:28

मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।

हिब्रू 4:1

मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४