१ पत्रुस 1:13 - Sunuwar Bible

¹³ मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

१ पत्रुस 1:13 ပူးပေါင်းရင်းမြစ်များ

१ राजा 18:46

मिनु परमप्रभु यावेमी एलीया कली थिवा बाक्‍त। मिनु मेको आ फेक्‍शो वा खाइश्‍शा आहाब आ ङोंइङोंइती येज्रेल ङा ठेयब लाप्‍चो सम्‍म दोरशा लमाक्‍त।

२ राजा 4:29

मिनु एलीशाम गेहाजी कली “इ किप्‍शुर किम्‍सो। एको आं कोक्‍के कुरशा दोरशा लावो। लांम सुइ ग्रुम्‍तीवी हना, मेकोपुकी नु लोव़ पचा कली मदिक्‍को। सुइमी इ कली लोव़ पाम्‍तेक्‍म हना, मेको आन कली लोव़ मलेत्‍तो। एको आं कोक्‍के लाइश्‍शा, मेको आल आ कुलुम वोतो” दे मदा बाक्‍त।

अय्‍युब 38:3

गे बोल्‍यो मुर खोदेंशो दुम्‍शा रपो। मिनु गो इ कली लोव़ हिल्‍लो पाइनुङ। मिनु गे लोव़ लेत्‍ती।

अय्‍युब 40:7

“गे बोल्‍यो मुर खोदेंशो दुम्‍शा रपो। मिनु गो इ कली लोव़ हिल्‍लो पाइनुङ। मिनु गे लोव़ लेत्‍ती। अय्‍युब ३८:३

प्रस्‍थान 12:11

मेको श्‍ये किप्‍शुर किप्‍शा, जुत्ता लिक्‍शा, गुइमी कोक्‍के ग्‍याइश्‍शा, रीब पा ब्‍वचा माल्‍नीनी। मारदे हना मेको परमप्रभु यावे आ पास्‍सा चाड बाक्‍ब। ब्‍यवस्‍था १६:३; यसैया ५२:१२

यसैया 11:5

मेको आ ठीक पतीके आ किप्‍शुर किप्‍शो खोदेंशो बाक्‍ब। मेको थमा पा थमा सुइक्‍तीक आ किप्‍तीक बाक्‍ब।

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

मत्ती 20:4

मेको आन कली ‘गे यो लशा, आं अङगुर रूमी गेय पने। इन गेय पशो ङा गाल्‍च गारपा गेनन्‍नी’ दे सोइक्‍तीमी बाक्‍त।

लूका 12:35

बत्ती दाशा वा फेक्‍शा सासीशा बाक्‍कीन। प्रस्थान १२:११; १पत्रुस १:१३; मत्ती २५:१-१३

लूका 17:30

रागीम जरमेशो जाक्‍शा तपांइसेनु, नोआह नु लोत आस पालाम दुम्‍शो खोदेंशो दुम्‍ब।

लूका 17:8

गेमी ‘लो, मी मुइश्‍शा, खमे क्‍येशा थुल्‍यी। मिनु गे यो जावो’ देंनीनी।

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 8:19

परमप्रभु यावे आ सेल्‍शो नेल्‍लेमी “परमप्रभु यावे आ तमी तौ दोदेंशो बाक्‍नीमी” दे कोव़चा दाक्‍नीम। कलस्‍सी ३:४; १यूहन्‍ना ३:२

१ कोरिन्‍थी 1:7

गेपुकी परमप्रभु यावे आ सोक्‍तीमी पपाइश्‍शो गेय नेल्‍ल पचा ताइतीनी। मारेइ मारेइम गाप्‍शा बाक्‍नीनी। इं प्रभु येसु ख्रीस्‍तमी तपांइसेक्‍ल, दे रिम्‍शा बाक्‍नीनी।

१ कोरिन्‍थी 13:13

थमा सुइक्‍चा, परमप्रभु यावेमी आ देंशो नेल्‍ल खाप्‍ब, दे आस पा बाक्‍चा नु दाक्‍तीक सांफा बाक्‍नीम। मेको सांफामी दाक्‍तीक चहिं नेल्‍ल क्‍येङा ठेयब बाक्‍ब। १थिस्‍सलोनिकी १:३; १यूहन्‍ना ४:१६

एफिसी 6:14

गेपुकी थमा शेंतीकेमी किप्‍शुर किप्‍शो खोदेंशो पा राप्‍शा बाक्‍कीन। मिनु ठीक दुम्‍तीकेमी पीतल के भोटो फेक्‍शो खोदेंशो पा बाक्‍कीन। लूका १२:३५; १पत्रुस १:१३; १थिस्‍सलोनिकी ५:८

कलस्‍सी 3:4

इं कली ब्रोंइचा गेब ख्रीस्‍त ग्रूत हना, गे यो मेको नु परमप्रभु यावे आ छेङछेङ ङा बाक्‍तीकेमी ग्रूनीनी। १कोरिन्‍थी १५:४३

२ थिस्‍सलोनिकी 1:7

गे श्‍येत जाइब इन कली नु आंइ कली इं थुं नाइक्‍चा गेब। गेना थुं नाइक्‍चा गेब देंशा हना, प्रभु येसु नु आ सक्ति पाइश्‍शो स्‍वर्ग ङा गेय पाइबपुकी सरीङ रे ग्रूची ना इं थुं नाइक्‍चा गेब। मत्ती १६:२७; मत्ती २५:३१-४६; १थिस्‍सलोनिकी ४:१६

२ तिमोथी 4:5

गे चहिं मार पाप्‍तीवी हना यो, मिम्‍ना मिम्‍न गेय पावो, श्‍येत फलो, ग्‍येरपाइक्‍ब लोव़ शेंदो। इ कली गेशो गेय नेल्‍ल पावो” दे माइक्‍नन। २तिमोथी २:३

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 10:35

मोपतीके मुल यो आस पचा मप्रोनीन, इनाम ताइनय, दे तुइश्‍शा, इन थुं बारपतीने।

हिब्रू 3:6

ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

१ पत्रुस 1:10

साइ ङोंइती परमप्रभु यावे आ लोव़ पाइबपुकीमी गे शिशी ताइब दुम्‍नीनी, दे लोव़ पशो बाक्‍तेक्‍म। मिनु पाप रे ब्रोंइतीके तुइक्‍चा कली शुश माल्‍शो बाक्‍तेक्‍म। लूका १०:२४

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४

१ पत्रुस 4:7

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

१ पत्रुस 5:12

गो सिल्‍वानस थमा सुइक्‍ब लोक्‍ब बाक्‍ब, दे मिम्‍शा, आं ब्रेक्‍शो आइक्‍च चिठी मेको नु सोइक्‍ताक्‍ङ। गो इन कली परमप्रभु यावे आ थमा शिशी मार बाक्‍मे, मेको शेंताक्‍न्‍‍नी। मिनु गे मेको तुइश्‍शा, थमा सुइक्‍चा मप्रोंइथु बाक्‍कीन। प्रेरित १५:२२

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।