१ पत्रुस 1:11 - Sunuwar Bible

¹¹ मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२

१ पत्रुस 1:11 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

जकरिया 14:9

परमप्रभु यावे रागी नेल्‍ल ङा पिप दुम्‍ब। मेको नाक्‍त परमप्रभु यावे का ला बाक्‍ब। आ नें यो का ला बाक्‍ब। भजन संग्रह ९७:१; प्रकाश ११:१५

मत्ती 26:24

रागीम जरमेशो आ पर्बमी ब्रेक्‍शो साइ नेसी ङा लोव़ नेल्‍ल थमा दुम्‍चा माल्‍ब। मो दुम्‍चा माल्‍शो बाक्‍त हना यो, ग्‍याइक्‍पाइक्‍चा वारच पाइब कली थमा मरिम्‍शो दुम्‍ब। मोदेंशो पाइब मुर मजरमेशो हना, मेको कली रिम्‍शो दुम्‍ब वा” देंत। लूका १७:१-२

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 12:41

मारदे हना यसैयामी येसु ख्रीस्‍त आ छेङछेङ ङा सक्ति ततीके येसु आ पर्बम लोव़ पशा ब्रेक्‍शो बाक्‍त। यसैया ६:१

प्रेरित 16:7

मिनु माइसीया आ नेक्‍था जाक्‍दीश्‍शा, मुल बिथीनीया रागी ओव़चा, दे थुं पामे बाक्‍त। तन्‍न येसु आ सोक्‍तीमी लचा मगेमी बाक्‍त।

रोमी 8:9

इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।

गलाती 4:6

गो आ तमी तौ दुम्‍शोपुकी परमप्रभु यावेमी आ तौ आ सोक्‍त गेचा पुंइसाक्‍य। मेको सोक्‍तीमी “आब्‍बा, आं दाक्‍शो आफ” देंब। रोमी ८:१५

२ पत्रुस 1:21

मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। १तिमोथी ३:१६-१७

प्रकाश 19:10

मिनु नोले गो मेको परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती। मेकोमी चहिं आं कली “मपावो। गो गे नु इ लोक्‍बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्‍पाइश्‍शो लोव़ ला पाइनीम” दे माइक्‍ती। प्रकाश २२:८-९