१ पत्रुस 1:1 - Sunuwar Bible

¹ गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। हिब्रू १३:१४

१ पत्रुस 1:1 ပူးပေါင်းရင်းမြစ်များ

एस्‍तर 3:8

मिनु हामानमी पिप अहासूरस कली “इन राज्‍य ङा रागी नेल्‍लेमी मुर आन दातेमी जात का ङा मुर ब्रशा बाक्‍शो बाक्‍नीम। मेकोपुकी अरु मुर रे ब्राशा बाक्‍नीम। मिनु मेको आन पतीके गो नु मगारचा ङा बाक्‍ब। मेकोपुकीमी इन ऐन कानुन मटीनीम। मिनु गेमी मेको आन कली मोदेंशो पचा गेचा मदुम्‍ब। ब्‍यवस्‍था ४:५-८

भजन संग्रह 44:11

गे आंइ कली क्‍योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्‍तीनी।

इजीकीएल 6:8

तन्‍न गो गे इन दाते ङा का निक्‍शी आन कली ब्रोंइचा गेनुङमी। रागी रागी आन दाते ङा का निक्‍शी साइक्‍चा मपुंइसीनीम। मेकोपुकी रागी रागीम ब्रशा लाइनीम। यसैया ६:१३

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

मत्ती 10:2

मोदेंशो अधिकार ताइब आन कली “सोइश्‍शोपुकी” दे यो देंसीब। मेकोपुकी सु सु बाक्‍तेक्‍म देंशा हना, पत्रुस माइश्‍शो सिमोन नु आ दाग्‍यु अन्‍द्रीयास, जब्‍दी आ तौ याकूब नु यूहन्‍ना, मर्कूस ३:१६-१९; लूका ६:१४-१६; प्रेरित १:१३

मत्ती 24:22

मोदेंशो श्‍येत जतीक नाक्‍त शुश नाक्‍त दुम्‍त हना, सुइ मब्रोंइनीम वा। तन्‍न आ योव़शो आन पर्बम परमप्रभु यावेमी मेको श्‍येत शुश नाक्‍त लीचा मगेब।

मत्ती 4:18

मिनु काबु गालील ङा समुन्‍द्र आ नेक्‍था गाक्‍मेनु, माझी वोबु निक्‍शीम एर ओंथ ग्‍याइल आप्‍शा, ङांइ रेन्‍ना रेन्‍न बाक्‍शो ताम्‍सी बाक्‍त। मेको निक्‍शी आस नें का पत्रुस माइश्‍शो सिमोन बाक्‍माक्‍त, का अन्‍द्रीयास बाक्‍माक्‍त।

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

यूहन्‍ना 11:52

इस्राएल रागी ङा मुर आन कली ला ममाइ, तन्‍न ब्रशा बाक्‍शो परमप्रभु यावे आ तमी तौ नेल्‍ल आन कली काथा दुम्‍पाइक्‍चा, दे येसु साइक्‍चा पुंइसीब दुम्‍त। यूहन्‍ना ७:३५; यूहन्‍ना १०:१६; १यूहन्‍ना २:२

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

प्रेरित 18:2

मिनु कोरिन्‍थ सहरम बाक्‍मेनु, नक इटाली रे जाक्‍शो अक्‍वीला नें पाइश्‍शो यहूदी नु आ मीश प्रिस्‍कीला आस कली ग्रुम्‍सी बाक्‍त। अक्‍वीला पोन्‍टसमी जरमेशो बाक्‍माक्‍त। मेको निक्‍शी ङोंइती रोम सहरमी बाक्‍शो बाक्‍सा बाक्‍त। तन्‍न क्‍लौदीयस माइश्‍शो रोमी पिपमी यहूदी नेल्‍ल आन कली रोम सहरम बाक्‍चा मगेथु, ग्रुंइशा सोइक्‍तीके गाक्‍शा, कोरिन्‍थ सहरम जाक्‍शो बाक्‍सा बाक्‍त। रोमी १६:३

प्रेरित 18:23

मिनु इच्‍का नाक्‍त एन्‍टीओकमी बाक्‍शा, मेकेर रे लशा, गलातीया नु फ्रिगीया रागीमी जाक्‍दीश्‍शा, तेइ तेइ हिरशा, थमा सुइक्‍ब आन कली ग्रुम्‍शा, आन थुं बारपाइक्‍तीक लोव़ पना पन गाक्‍माक्‍त।

प्रेरित 19:10

मिनु बर्स निक्‍शी सम्‍म मोपा शेंना शेंन बाक्‍माक्‍त। मोपतीके एसीया ङा यहूदी नु ग्रीक नेल्‍लेमी परमप्रभु यावे आ लोव़ नेंचा तामे बाक्‍त।

प्रेरित 6:9

मिनु लिबेरती माइश्‍शो ग्रुम्‍तीक खिं नु साइरेनी, अलेकजेन्‍द्रीया, सिलीसीया नु एसीया रे जाक्‍शो शेंबपुकीमी स्‍तीफानस नु जिशो बाक्‍तेक्‍म।

प्रेरित 8:4

प्रोक्‍शा ब्राशा गाक्‍बपुकीमी येसु आ लोव़ तेइ तेइ शेंना शेंन गाक्‍बाक्‍मा बाक्‍त।

१ कोरिन्‍थी 16:19

एसीयाम बाक्‍ब थमा सुइक्‍बपुकीमी इन कली “रिम्‍शो बाक्‍कीन” देंतेक्‍म। अक्‍वीला, प्रिस्‍कीला नु आस खिंमी ग्रुम्‍ब थमा सुइक्‍बपुकीमी प्रभु आ नेंमी “रिम्‍शो बाक्‍कीन” देंतेक्‍म। प्रेरित १८:२; रोमी १६:३,६

२ कोरिन्‍थी 1:8

आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। प्रेरित १९:२३-४०; १कोरिन्‍थी १५:३२

गलाती 1:2

गो नु काथा बाक्‍ब थमा सुइक्‍ब लोक्‍बपुकीमी गलातीया रागीम बाक्‍ब येसु ख्रीस्‍त आ नेंमी देल्‍ब इन कली एको चिठी सोइक्‍ताक्‍क।

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

एफिसी 2:19

मोपतीके गेपुकी मुल रे ङोन बाक्‍ब अर्को रागी ङा मुर मननी। परमप्रभु यावे आ राज्‍य ङा, अरु थमा सुइक्‍बपुकी नु आ खिं ङा मुर बाक्‍नीनी। एफिसी ३:६; हिब्रू १२:२२-२३

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।

ब्‍यवस्‍था 32:26

गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

हिब्रू 11:13

अब्राहाम नु आ खिं ङा मुरपुकीमी परमप्रभु यावेमी गेशो लोव़ थमा सुइश्‍शा बेक्‍मा बाक्‍त। मेको लोव़ गाप्‍शो मतथु, ङोन रे तशा मजाक्‍दीत्‍थु, बेक्‍मा बाक्‍त। मेकोपुकीमी “इं रागी मजाक्‍दीत्‍थु, अर्को आन रागीम बाक्‍तय” देंशो बाक्‍मा बाक्‍त। उत्‍पत्ती २३:४; उत्‍पत्ती ४७:९; १इतिहास २९:१५

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।