१ राजा 9:1 - Sunuwar Bible

¹ मिनु सोलोमनम परमप्रभु यावे आ खिं, पिप आ खिं नु आ सेल्‍चा दाक्‍शो मारेइ मारेइ नेल्‍ल सेल्‍ने थुमा बाक्‍त।

१ राजा 9:1 ပူးပေါင်းရင်းမြစ်များ

१ राजा 3:1

सोलोमन आ ग्‍युंबेम पतीके इजीप्‍त ङा पिप फाराओ आ खिं ङा मुर दुम्‍माक्‍त। मिनु सोलोमनम फाराओ आ तमी नु ग्‍युंबे पवा बाक्‍त। मिनु मेको कली पिप आ खिं, परमप्रभु यावे आ खिं नु यरूसलेम ङा गारो सेल्‍ने मथुमा सम्‍म दाऊद आ सहरम चाक्‍शा वोदा बाक्‍त। ब्‍यवस्‍था २३:८; १राजा ११:१-२

१ राजा 6:37

सोलोमनमी सासन पवा आ ४ बर्स जिव माइश्‍शो महिनामी परमप्रभु यावे आ खिं आ जग वोदमे बाक्‍त। १राजा ६:१

१ राजा 7:1

सोलोमन आ खिं सेल्‍चा कली १३ बर्स माल्‍दा बाक्‍त। मिनु मेकोमी आ खिं नु मारेइ मारेइ सेल्‍ने थुमा बाक्‍त। १राजा ९:१०

१ राजा 7:2

मेकोमी लेबानोन ङा ब्‍वाकी माइश्‍शो खिं सेला बाक्‍त। मेको खिं सहे का कुबीत लाइश्‍शो, ५० कुबीत ब्रेम्‍शो नु ३० कुबीत ग्‍येत्‍थ लाइश्‍शो बाक्‍माक्‍त। मेको खिं ४ लहर लेबानोन ङा लाइश्‍शो रवा आ शी के थाम पाइश्‍शो बाक्‍माक्‍‍त। मिनु मेको आ तार लेबानोन ङा लाइश्‍शो रवा आ पाइद्रा वोदा बाक्‍त। कुबीत का ०.५ मिटर खोदेंशो बाक्‍ब। यसैया २२:८

१ राजा 7:51

मिनु पिप सोलोमनम परमप्रभु यावे आ खिं ङा गेय नेल्‍ल थुम्‍पदा बाक्‍त। मिनु मेकोमी आ आफ दाऊदमी जिम्‍मा गेशो थोव़कपुकी, सुन, चांदी नु दारपाइक्‍तीक चाक्‍पाइश्‍शा, परमप्रभु यावे आ खिं ङा शोंप वोइक्‍तीकेमी वोइक्‍पाइक्‍मी बाक्‍त।

१ राजा 8:66

मिनु आ दीसा मेकोमी मुर आन कली आन खिं सोइक्‍ती‍मी बाक्‍त। मिनु मेकोपुकीम पिप कली ठेयब सेल्‍मे बाक्‍त। मिनु परमप्रभु यावेमी आ गेय पाइब दाऊद नु आ मुर इस्राएली आन कली रिम्‍शो पशो तशा, ग्‍येरना ग्‍येरन आन आन खिं लमा बाक्‍त।

१ राजा 9:10

सोलोमन कली परमप्रभु यावे आ खिं नु आ बाक्‍तीक खिं सेल्‍चा कली २० बर्स माल्‍दा बाक्‍त। १राजा ६:३८; १राजा ७:१

१ राजा 9:11

टायर ङा पिप हीराममी सोलोमन कली माल्‍शो लेबानोन ङा लाइश्‍शो रवा आ शी, अरु शी, सुन नु आ माल्‍शो नेल्‍ल गेशो बाक्‍माक्‍त। मोपतीके पिप सोलोमनमी हीराम कली गालील रागी ङा २० ओटा सहर गेवा बाक्‍त। २इतिहास ८:२

१ राजा 9:19

सोलोमन आ मार मार वोइक्‍तीक सहरपुकी, आ बग्‍गी नु शारा वोइक्‍तीके नु शारा ङोइक्‍ब आन कली बाक्‍चा कली सहरपुकी यो सेल्‍पदा बाक्‍त। सोलोमनमी यरूसलेम, लेबानोन नु आ सासन पशो राज्‍य नेल्‍लेमी मार सेल्‍चा दाक्‍शो बाक्‍मे, मेको सेल्‍ने थुमा बाक्‍त। १राजा १०:२६

२ इतिहास 7:1

मिनु सोलोमनम मेको पुंइने थुमा नोले सरीङ रे मी यिमाक्‍त। मिनु मेको मीम चोशा चढ़ेशो नु अरु चढ़ेशो नेल्‍ल नेक्‍गा बाक्‍त। मिनु परमप्रभु यावे आ छेङछेङम आ खिं कली ब्रीमाक्‍त। लेवी ९:२४; १राजा १८:३८; प्रस्‍थान ४०:३४

२ इतिहास 7:11

मो पा सोलोमनम परमप्रभु यावे आ खिं नु आ दरवार सेल्‍ने थुमा बाक्‍त। मिनु परमप्रभु यावे आ खिं नु आ खिं सेल्‍चा थुं पा रिम्‍शो पा थुमा बाक्‍त।

२ इतिहास 8:1

मिनु सोलोमनम परमप्रभु यावे आ खिं नु आ दरवार सेल्‍चा कली २० बर्स माल्‍दा बाक्‍त।

२ इतिहास 8:6

मेकोमी बालाथ सहर नु सोलोमन आ मार मार वोइक्‍तीक सहरपुकी सेला बाक्‍त। मिनु बग्‍गी वोइक्‍तीक सहर नु शारा आन कली वोइक्‍तीक सहरपुकी सेला बाक्‍त। मेकोमी यरूसलेम, लेबानोनम नु आ राज्‍य नेल्‍लेमी आ दाक्‍शो खोदेंशो पा सहरपुकी सेला बाक्‍त।

उपदेसक 2:10

गो मार कोव़चा दाक्‍ङा, मेकोन कोव़ता। आं दाक्‍शो नेल्‍ल पाता। मोपा आं पशो गेय नेल्‍लेमी आं थुं कली ग्‍येरपाइक्‍तु। मेको आ श्‍येत पा पशो गेय रे ताता।

उपदेसक 2:4

गो ठेयब गेय पाता। गो आंम कली खिंपुकी सेल्‍शा, अङगुर रू यो सेल्‍तामी।

उपदेसक 6:9

मार मार माल्‍नुङ, दे शुश मिम्‍चा क्‍येङा आ तशोम ग्‍येरसीशा बाक्‍चा रिम्‍शो बाक्‍ब। मेको यो जाम्‍शा लाइब नु फश कली खेदा पशो खोदेंशो बाक्‍ब।