१ राजा 8:9 - Sunuwar Bible

⁹ मिनु होरेब डांडाम परमप्रभु यावेमी इस्राएली आन कली इजीप्‍त रे ग्रुंइची ना कबल पशो बाक्‍त। मेना मोसामी मेको कबल पशो लोव़ मु‍शा ब्रेक्‍शो फुल्‍लु निक्‍शी सन्‍दोसम कुर पा वोदा बाक्‍त। मेको सन्‍दोसम फुल्‍लु निक्‍शी ङा लाक्‍शा अर्को मारेइ मबाक्‍माक्‍त। प्रस्‍थान २५:२१; ब्‍यवस्‍था १०:५

१ राजा 8:9 ပူးပေါင်းရင်းမြစ်များ

१ राजा 8:21

गो मेकेर परमप्रभु यावे आ कबल पशो सन्‍दोस बाक्‍‍तीके का सेल्‍ता। परमप्रभु यावेमी इं किकी पिपी आन कली इजीप्‍त रागी रे ग्रुंइशा चाक्‍गानु, मेकोपुकी नु कबल पशो बाक्‍माक्‍त” देंमाक्‍त।

२ इतिहास 5:10

मोसामी होरेब डांडाम मेको कबल पशो सन्‍दोस आगा वोइश्‍शो फुल्‍लु निक्‍शी क्‍येङा लाक्‍शा, अरु मारेइ मबाक्‍माक्‍त। मेना परमप्रभु यावेमी इस्राएली इजीप्‍त प्रोंइशा गाक्‍मानु, कबल पशो बाक्‍माक्‍त। ब्‍यवस्‍था १०:५; हिब्रू ९:४

२ इतिहास 5:9

मेको कोक्‍के चहिं थम लाइश्‍शो बाक्‍तीके नेल्‍ल क्‍येङा चोव़खो कोठा रे ठेयब बाक्‍तीकेम तांइसीशो बाक्‍माक्‍त। तन्‍न मेको लाङगा रे मतांइसीबाक्‍माक्‍त। मेको मुल सम्‍म यो बाक्‍नीम।

प्रस्‍थान 13:21

मिनु परमप्रभु यावेमी मेकोपुकी नाक्‍दो नाक्‍ती गाक्‍ने चाप्‍मेक्‍ल, दे मेको आन कली लां कोंइचा कली नाक्‍ती गोस्‍स के थाम नु नाक्‍दो मी के थाम दुम्‍शा, मेको आन ङोंइङोंइती गाक्‍‍त। प्रस्‍थान ४०:३६-३८; गन्‍ती ९:१५-२३; भजन संग्रह ७८:१४; १कोरिन्‍थी १०:१

प्रस्‍थान 14:24

मिनु सुनी कना परमप्रभु यावे गोस्‍स के थाम नु मी के थामम बाक्‍शा, इजीप्‍त ङा लडाइ पाइब आन कली कोव़शा हिंपाइक्‍तु।

प्रस्‍थान 16:10

मिनु हारूनमी इस्राएली नेल्‍ल आन कली लोव़ पवानु, मेकोपुकी गोरशो रागी गे कोव़तेक्‍म। मिनु मेकेर गोस्‍सुमी परमप्रभु यावे आ छेङछेङ ग्रूशो ताम्‍तेक्‍म। गन्‍ती १२:५; गन्‍ती १४:१०; गन्‍ती १६:१९

प्रस्‍थान 16:33

मिनु मोसामी हारून कली “बोस का लतो। मिनु ओमेर का मन्‍ना मेकेर कुर पावो। मेको नेल्‍ल पाला ङा मुरपुकीम तचा ङा पा परमप्रभु यावे आ ङोंइती वोतो” देंत। हिब्रू ९:४

प्रस्‍थान 25:16

मिनु गो इ कली गेचा चिक्‍शो कबल पा अरेशो लोव़ मेको सन्‍दोसमी कुर पा वोइक्‍चा माल्‍नेवे।

प्रस्‍थान 25:21

मेको सुम्‍तीके मेको कबल पशो सन्‍दोस तार वोइक्‍चा माल्‍नेवे। मिनु गो इ कली गेचा चिक्‍शो कबल पा अरेशो लोव़ मेको कबल पशो सन्‍दोसम कुर पा वोइक्‍चा माल्‍नेवे। प्रस्‍थान ३४:२९; १राजा ८:९

प्रस्‍थान 40:20

मिनु मोसामी परमप्रभु यावे आ अरेशो लोव़ मुशा ब्रेक्‍शो फुल्‍लु कबल पशो सन्‍दोसम कुर पाप्‍तु। मिनु कबल पशो सन्‍दोसम कुरतीक कोक्‍के शुइक्‍ताक्‍व। मिनु मेको आ तार सुम्‍तीकेम सुम्‍तु।

इजीकीएल 10:4

मिनु परमप्रभु यावे आ छेङछेङ करूब आन रे परमप्रभु यावे आ खिं आ लाप्‍चो गे लत। मिनु गोस्‍सुम खिं ब्रीत। मिनु आ लाङगा परमप्रभु यावे आ छेङछेङ ङा हाम्‍सोम ब्रीत। इजीकीएल १:२८; प्रस्‍थान ४०:३४; यसैया ६:४

लेवी 16:2

मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

गन्‍ती 17:10

मिनु परमप्रभु यावेमी मोसा कली “मरिम्‍शो पाइब मुर आन कली मिम्‍तीके दुम्‍पाइक्‍चा कली हारून आ कोक्‍के लेंशा सल्‍ला पशो सन्‍दोस आ ङोंइती लाइश्‍शा वोतो। मिनु मेकोपुकीमी आं पर्बम गन गन पचा मप्रोंइतेक्‍म हना, बेक्‍नीम” देंत। हिब्रू ९:४

गन्‍ती 9:15

मिनु ग्रुम्‍तीक ताम्‍बु वोइक्‍ने थुम्‍शो नाक्‍ती गोस्‍सुमी मेको कबल पशो सन्‍दोस वोइश्‍शो ताम्‍बु सुम्‍तु। मेको नाक्‍नाक्‍दो रे सुनी सम्‍म ताम्‍बु तारी बाक्‍त। मेको गोस्‍स मी खोदेंशो तांइसीशो बाक्‍त। प्रस्‍थान ४०:३४-३५

ब्‍यवस्‍था 31:26

“एको अरेशो लोव़ ङा किताब लाइश्‍शा, परमप्रभु यावे, इन परमप्रभु आ सल्‍ला पतीक सन्‍दोस आ नेक्‍था वोतीन। मोदेंशो पा मेको आन पर्बम सांकछी दुम्‍शा बाक्‍ब। यूहन्‍ना ५:४५

ब्‍यवस्‍था 4:13

मिनु मेकोमी गे नु कबल पाप्‍तु। आ अरेशो १० ओटा लोव़ गे टिशा पने, दे गेप्‍तु। मिनु मेकोमी मेको लोव़ फुल्‍लु निक्‍शी तार मुशा गेप्‍तु। प्रस्‍थान ३१:१८

हिब्रू 9:4

थम चोव़खो कोठामी सुन के सेल्‍शो धूप चोतीक नु परमप्रभु यावे आ कबल पशो सुनमी गिल्‍शो सन्‍दोस बाक्‍माक्‍त। मेको कबल पशो सन्‍दोसमी मार वोइश्‍शो बाक्‍माक्‍त देंशा हना, मन्‍ना कुर पशो सुन के बोस, हारून आ कोच्‍वा दाप्‍शो कोक्‍के नु परमप्रभु यावेमी फुल्‍लुमी मुशा ब्रेक्‍शा वोइश्‍शो अरेशो लोव़ मेको आगाम बाक्‍माक्‍त। प्रस्‍थान १६:३३; प्रस्‍थान २५:१०-२२; गन्‍ती १७:२३-२५

प्रकाश 15:8

मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। यसैया ६:४; प्रस्‍थान ४०:३४; १राजा ८:१-११; इजीकीएल ४४:४