१ राजा 7:2 - Sunuwar Bible

² मेकोमी लेबानोन ङा ब्‍वाकी माइश्‍शो खिं सेला बाक्‍त। मेको खिं सहे का कुबीत लाइश्‍शो, ५० कुबीत ब्रेम्‍शो नु ३० कुबीत ग्‍येत्‍थ लाइश्‍शो बाक्‍माक्‍त। मेको खिं ४ लहर लेबानोन ङा लाइश्‍शो रवा आ शी के थाम पाइश्‍शो बाक्‍माक्‍‍त। मिनु मेको आ तार लेबानोन ङा लाइश्‍शो रवा आ पाइद्रा वोदा बाक्‍त। कुबीत का ०.५ मिटर खोदेंशो बाक्‍ब। यसैया २२:८

१ राजा 7:2 ပူးပေါင်းရင်းမြစ်များ

१ राजा 10:17

मेकोमी तुप्‍शो सुन के सहे सां आइक्‍च आइक्‍च तेक्‍तीक यो सेल्‍पदा बाक्‍त। मेको का सेल्‍चा कली सहे सां शेकेल सुन माल्‍दा बाक्‍त। मिनु पिपमी मेको नेल्‍ल लेबानोन ङा ब्‍वाकी माइश्‍शो खिंम वोइक्‍पाइक्‍मी बाक्‍त। १राजा ७:२

१ राजा 10:21

पिप सोलोमन आ तूतीक कचौरा नेल्‍ल सुन के बाक्‍मा बाक्‍त। मिनु लेबानोन ङा ब्‍वाकी माइश्‍शो पिप आ खिंम बाक्‍शो ग्‍योंब नेल्‍ले क्‍येख सुन के बाक्‍मा बाक्‍त। चांदी के मारेइ मबाक्‍मा बाक्‍त। मारदे हना सोलोमन आ पालाम चांदी मारेइ खोदेंशो मबाक्‍माक्‍त।

१ राजा 7:3

मेको नेल्‍ल लेबानोन ङा लाइश्‍शो रवा आ शी के फलेकम साप्‍शो बाक्‍माक्‍त। मेको थाम लहर कामी १५ ओटा पा, लहर सांमी ४५ ओटा बाक्‍मा बाक्‍त।

१ राजा 9:1

मिनु सोलोमनम परमप्रभु यावे आ खिं, पिप आ खिं नु आ सेल्‍चा दाक्‍शो मारेइ मारेइ नेल्‍ल सेल्‍ने थुमा बाक्‍त।

१ राजा 9:19

सोलोमन आ मार मार वोइक्‍तीक सहरपुकी, आ बग्‍गी नु शारा वोइक्‍तीके नु शारा ङोइक्‍ब आन कली बाक्‍चा कली सहरपुकी यो सेल्‍पदा बाक्‍त। सोलोमनमी यरूसलेम, लेबानोन नु आ सासन पशो राज्‍य नेल्‍लेमी मार सेल्‍चा दाक्‍शो बाक्‍मे, मेको सेल्‍ने थुमा बाक्‍त। १राजा १०:२६

२ इतिहास 9:16

मेकोमी लेंशा तुप्‍शो सुन के सहे सां आइक्‍च तेक्‍तीक सेला बाक्‍‍त। मेको तेक्‍तीक का सेल्‍चा कली सहे सां शेकेल सुन माल्‍मा बाक्‍त। मिनु पिपमी मेको नेल्‍ल लेबानोन ब्‍वाकी ङा खिंम वोइक्‍पदा बाक्‍त। १राजा ७:२

ठेयब कुम्सो 7:4

इ शुर हात्ती आ ख्रुइ के सेल्‍शो लाइश्‍शो खिं खोदेंशो बाक्‍ब। इ मिक्‍च बाथ-राब्‍बीम ङा लाप्‍चो आ नेक्‍था बाक्‍शो हेश्‍बोन ङा दोम्‍ली खोदेंशो बाक्‍नीस। इ नें दमस्‍कस सहर गे कोव़शो लेबानोन ङा लाइश्‍शो खिं खोदेंशो बाक्‍ब।

यसैया 22:8

परमप्रभुमी यहूदा आ सुम्‍तीके हुक्‍तु। मेको नाक्‍ती गेपुकी पिप आ या वोइक्‍तीके, ब्‍वाकी ङा खिं मिम्‍ताक्‍नी।