१ राजा 4:7 - Sunuwar Bible

⁷ सोलोमनम इस्राएल नेल्‍लेम १२ जना सासन पाइब वोइश्‍शो बाक्‍माक्‍त। मेकोपुकीम पिप कली नु पिप आ खिं ङा मुर आन कली जचा थोव़क गारपाइक्‍बाक्‍मा बाक्‍त। मेको नेल्‍लेमी बर्सम महिना का का कली जचा थोव़क चाक्‍तीक गेय पाइक्‍बाक्‍मा बाक्‍त। १सामुएल ८:११-१८

१ राजा 4:7 ပူးပေါင်းရင်းမြစ်များ

१ राजा 12:4

“इन आफोमी आंइ कली शुश श्‍येत गेप्‍तु। मिनु मुल गे इन आफ खोदेंशो मपथु, आंइ कली मोदेंशो श्‍येत रे प्रोनीन। मिनु गो इन गेय पाइब दुम्‍नीकी” देंमा बाक्‍त।

१ राजा 4:5

नाथान आ तौ अजारयाह सासन पाइब आन ठेयब मुर बाक्‍माक्‍त। नाथान आ तौ जाबुद चढ़ेब नु पिप आ वारच बाक्‍माक्‍त।

१ राजा 4:6

अहीशार पिप आ खिं ङा मारेइ मारेइ कोव़ब मुर बाक्‍माक्‍त। अब्‍दा आ तौ अदोनीराम गेय पाइब आन कली कोव़ब बाक्‍माक्‍त। १राजा ५:२८

१ राजा 4:8

मेको आन नें मार मार बाक्मा बाक्‍त देंशा हना, बेन-हुर, एफ्राइम पहाड ङा ठेयब मुर बाक्‍माक्‍त। बेन-हुर देंशो हुर आ तौ बाक्‍ब।

१ राजा 5:7

मिनु हीरामम सोलोमन आ लोव़ नेंशा थाम्‍पा ग्‍येरसीशा “परमप्रभु यावे ठेयब बाक्‍ब। मारदे हना मेकोम दाऊद कली इश्‍का मुर आन कली सासन पाइब जोक्‍ब तुइक्‍ब तौ का गेप्‍तु” देंमाक्‍त। १राजा १०:९