१ राजा 4:30 - Sunuwar Bible

³⁰ पूर्ब ङा मुर नेल्‍ल नु इजीप्‍त ङा मुर नेल्‍ले आन दातेमी सोलोमन के खोदेंशो जोक्‍‍तीक तुइक्‍तीक थुं सुइ के मबाक्‍मा बाक्‍त।

१ राजा 4:30 ပူးပေါင်းရင်းမြစ်များ

उत्पत्ती 25:6

अब्राहाममी आ मबेक्‍थुन अर्को मीश आन तौ आन कली मार मार कोसेली गेमी बाक्‍त। मिनु आ तौ इसहाक रे फ्राशा, पूर्ब ङा रागीम बाक्‍मल, दे पूर्ब गे सोइक्‍तीमी बाक्‍त।

उत्पत्ती 29:1

मिनु याकूब लमे लमे, पूर्ब ङा मुर आन रागी जाक्‍दीम्‍माक्‍त।

१ राजा 10:23

मोपा सोलोमन आ शोंप नु आ जोक्‍तीक तुइक्‍तीकेमी पिप नेल्‍ल आन क्‍येङा ठेयब दुम्‍माक्‍त।

अय्‍युब 1:3

मेको के ७ हजार भेडा, हजार सां दल‍ओंठ, ५ सहे हाल ब्‍यफ नु ५ सहे गधा बाक्‍मा बाक्‍त। मिनु शुश वाइलीम वाइल यो बाक्‍मा बाक्‍त। मोपा अय्‍युब पूर्ब ङा नेल्‍ल क्‍येङा शोंप पाइश्‍शो नु ठेयब मुर बाक्‍माक्‍त।

उपदेसक 1:16

गो आं थुंमी “कोव़ङीन, गो आं क्‍येङा ङोंइती यरूसलेममी सासन पाइब नेल्‍ल आन क्‍येङा शुश जोक्‍ब तुइक्‍ब थुं पाइश्‍शो मुर दुम्‍ती। गो मारेइ मारेइ तशा तुइक्‍ताक्‍ङ।

इजीकीएल 25:4

मोपतीके गो इन कली पूर्ब ङा मुर आन कली गेनन्‍नी। मिनु मेकोपुकीम इन दातेम आन लडाइ पाइब आन बाक्‍तीक सेल्‍नीम। मिनु इन दातेमीन आन ताम्‍बु कीनीम। मेकोपुकीम इन फल फुल जाइनीम। मिनु इन दूध तूनीम।

दानीएल 1:20

मिनु पिपमी आ माल्‍शो रुप्‍तीके नु तुइक्‍तीके आ पर्बम हिल्‍लो पवानु, आ रागी ङा जादू नु मन्‍तर तन्‍तर पाइब नेल्‍ल आन क्‍येङा मेको ४ जना आन कली १० खेयप शुश जोक्‍ब तुइक्‍ब ताप्‍तु।

दानीएल 4:7

मिनु जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ तुइक्‍ब जाक्‍तेक्‍म। मिनु गो मेको आन कली ‘गो ङोमु का ताता’ दे शोव़ता। तन्‍न मेकोपुकीमी आं कली आं ङोमु रे मार रुम्‍सीबा, मेको शेंने मचबेम।

मत्ती 2:1

येसु यहूदीया रागी ङा बेथलेहेम सहरमी जरमेसे बाक्‍त। मेना मेकेर हेरोद पिप बाक्‍माक्‍त। मिनु येसु जरमेसेनु, सोरुल कोव़शा, जोक्‍ब तुइक्‍ब नां दाप्‍तीक रे यरूसलेममी जाक्‍मा बाक्‍त। लूका २:१-७

मत्ती 2:16

पिप हेरोदमी मार पवा बाक्‍त देंशा हना “मेको सोरुल कोव़शा जोक्‍ब तुइक्‍बपुकीमी जोल पाइयीमी बाक्‍त” दे तुइश्‍शा चुरमाक्‍त। मिनु आन देंशो लोव़मी “पिप मेना जरमेसीब” दे मिम्‍शा, मेको पिप दुम्‍ब आल कली थिन्‍ने मचाप्‍तीके बेथलेहेम सहर एर ओंथ गाउं ङा बर्स निक्‍शी मलाक्‍शो वोंइश आल नेल्‍ल आन कली माल्‍ना माल्‍न साइक्‍पाइक्‍मी बाक्‍त।

प्रेरित 7:22

मिनु पिप बाक्‍तीक खिंमी बाक्‍मेनु, इजीप्‍त रागी ङा ठेयब मुर आन जोक्‍शो तुइश्‍शो आं यो नेल्‍ल जोक्‍ब तुइक्‍ब दुम्‍माक्‍त। मिनु मोसा आ लोव़ नु आ गेय नेल्‍ल सक्ति पाइश्‍शो दुम्‍माक्‍त।

न्‍यायाधीस 6:33

मिनु मिदयानी, अमालेकी नु पूर्ब ङा मुरपुकी खुम्‍सीशा, हुल का दुम्‍मा बाक्‍त। मेकोपुकी यर्दन खोला शोक्‍शा, येज्रेल आ दिंमम ताम्‍बु कीङमे बाक्‍त।