१ राजा 3:16 - Sunuwar Bible

¹⁶ मिनु नोले तेल्‍ले‍म मीश मुर निक्‍शी पिप आ ङोंइती जाक्‍शा, राप्‍‍सा बाक्‍त।

१ राजा 3:16 ပူးပေါင်းရင်းမြစ်များ

१ राजा 3:15

मिनु नोले सोलोमन सेंसे बाक्‍त। मिनु एको दा ङोमु कका बाक्‍‍त, दे तुइक्‍ता बाक्‍त। मिनु मेको नोले यरूसलेम लेम्‍माक्‍त। मिनु परमप्रभु यावे आ कबल पशो सन्‍दोस आ नेक्‍था राम्‍माक्‍त। मिनु मेकेर चोशा चढ़ेतीक नु दुशा बाक्‍तीक आ पर्बम चढ़ेतीके चढ़ेवा बाक्‍त। मिनु मेकोमी आ गेय पाइब नेल्‍ल आन कली भोज का गेमी बाक्‍त।

१ राजा 3:17

मिनु मेको आस दाते ङा काम “आं प्रभु, एको मीश मुर नु गो खिं कामीन बाक्‍नस्‍कु। मिनु गो एको नु बाक्‍ङानु, आल का थीता।

प्रस्‍थान 18:13

मिनु मोसा सुनी कना बोक्‍शा, मुर आन कली निसाफ पचा कली निस्‍साक्‍व। मुरपुकी सुनी रे जाक्‍शा, नाक्‍दो सम्‍म मोसा आ ङोंइती बाक्‍तेक्‍म।

प्रस्‍थान 18:16

मेको आन दातेमी मार मार निसाफ पाचा माल्‍शो बाक्‍मे, मेको गो गारपाइक्‍नुङ। मोपा गो निसाफ पचा माल्‍नुङ। मिनु मेको आन कली परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ तुइक्‍पाइक्‍नुङ” दें‍त।

हितोपदेस 25:2

परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।

लेवी 19:29

गेपुकीमी इन तमी आन कली तेल्‍लेम सेल्‍शा, ग्रांग्रा दिशो मसेलीन। मो पाइतीनी हना, रागी तेल्‍लेम बाक्‍तीक खोदेंशो दुम्‍शा, ग्रांग्रा दिशोमी ब्रीब। ब्‍यवस्‍था २३:१८; २राजा २३:७

गन्‍ती 27:2

मेकोपुकी मोसा, चढ़ेब एलाजर, ठेयब मुरपुकी नु मेकेर बाक्‍ब मुर नेल्‍ले आन ङोंइती ग्रुम्‍तीक ताम्‍बु आ लाप्‍चो आ ङोंइती बाक्‍तेक्‍म।

ब्‍यवस्‍था 23:17

मिनु इस्राएली आन तमी कि तौ मन्‍दीर ङा तेल्‍लेम पाइब दुम्‍चा मदुम्‍ब। होसे ४:१४; १राजा १४:२४; २राजा २३:७

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

न्‍यायाधीस 11:1

गिलाद सहर ङा येफ्‍ता ठेयब नु बोल्‍यो लडाइ पाइब मुर बाक्‍माक्‍त। मेको गिलाद आ तौ तेल्‍लेम रे पा थिशो बाक्‍माक्‍त।