१ राजा 22:4 - Sunuwar Bible

⁴ मोपतीके मेकोम येहो-शाफात कली “रामोथ-गिलाद कली लडाइ तोचा कली गे आं कली वारच पाइक्‍नीनी?” दे हिल्‍लो पवा बाक्‍त। मिनु येहो-शाफातमी इस्राएल ङा पिप कली “गो इन खोदेंशो नङ। आं मुरपुकी इन मुर नम। आं शारा नेल्‍ल इन केन नम” देंमाक्‍त। २राजा ३:७

१ राजा 22:4 ပူးပေါင်းရင်းမြစ်များ

१ राजा 22:29

मिनु इस्राएल ङा पिप नु यहूदा ङा पिप येहो-शाफात रामोथ-गिलाद लसा बाक्‍त।

१ राजा 22:5

तन्‍न येहो-शाफातम इस्राएल ङा पिप कली “ङोंइती परमप्रभु यावे कली हिल्‍लो पने” देंमाक्‍त।

१ राजा 4:13

बेन-गेबेर रामोथ-गिलाद ङा ठेयब मुर बाक्‍माक्‍त। मेको आ जिम्‍माम मनस्‍से आ तौ याइर आ गिलादम बाक्‍शो गाउंपुकी बाक्‍मा बाक्‍त। मेको के बाशान रागी ङा अरगोब गारो हिरशो ६० ओटा ठेयब सहर यो बाक्‍मा बाक्‍त। मेको गारो ङा लाप्‍चोम कांसा के आग्‍लो बाक्‍मा बाक्‍त। गन्‍ती ३२:४१

२ राजा 3:7

मिनु मेकोमी यहूदा ङा पिप येहो-शाफात कली “मोआब ङा पिपम आं कली मटीयी। गे आं कली मोआब ङा पिप नु लडाइ पचा कली वारच पाइक्‍नीनी” दे लोव़ कुरब मुर सोइक्‍तीमी बाक्‍त। मिनु मेकोमी “गो वारच पाइनुङ। गो गे नु बाक्‍नुङ। आं मुर इन मुर नम। आं शारा नेल्‍ल इन के नम” देंमाक्‍त। १राजा २२:४

२ इतिहास 18:3

मिनु इस्राएल ङा पिप आहाबमी यहूदा ङा पिप येहो-शाफात कली “रामोथ-गिलाद नु लडाइ पचा कली गे आं कली वारच पाइक्‍नीनी?” देंमाक्‍त। मिनु मेकोमी “गो गे नु बाक्‍नुङ। आं मुर इन मुर यो बाक्‍नीम। एको लडाइम गो इन कली वारच पाइक्‍नीकी” देंमाक्‍त।

२ इतिहास 19:2

मिनु परमप्रभु यावे आ नोले दुम्‍ब लोव़ पाइब हानानी आ तौ येहू मेको कली ग्रुम्‍थ जाक्‍माक्‍त। मिनु मेकोमी येहो-शाफात कली “मार, मरिम्‍शो पाइब कली वारच पाइश्‍शा, परमप्रभु यावे आ जोरी सत्रु कली दाक्‍चा ठीक बाक्‍बा? इन पशो तशा परमप्रभु यावे इन पर्बम गाइक्‍ताक्‍व।

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

१ कोरिन्‍थी 15:33

सुइमी जोल थमा मसुतीन। मारदे हना मरिम्‍शो मुर नु बाक्‍बम, मुर कली मरिम्‍शो सेल्‍ब।

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

२ यूहन्‍ना 1:11

मारदे हना सुमी मेको मोदेंशो मुर कली “रिम्‍शो बाक्‍कीन” देंबा, मेकोमी मेको आ दूली शेंतीके नु आ मरिम्‍शो गेय यो पाइब।

प्रकाश 2:26

सु सुमी सैतान कली ग्रानीमी, मेकोमी बेक्‍ची ना सम्‍म आं गेय पाइनीमी, गो मेको आन कली रागी रागी ङा मुर आन कली सासन पतीके सक्ति गेनुङ।