१ राजा 2:10 - Sunuwar Bible

¹⁰ मिनु दाऊद बेक्‍माक्‍त। मिनु दाऊद आ सहरम थिम्‍चा पुंइसे बाक्‍त।

१ राजा 2:10 ပူးပေါင်းရင်းမြစ်များ

२ सामुएल 5:7

मो हना यो दाऊदमी गारो हिरशो सियोन ग्रामाक्‍त। मिनु मेको दाऊद आ सहर दुम्‍माक्‍त।

२ सामुएल 5:9

मिनु दाऊद मेको गारो हिरशो सहरम बाक्‍शा, मेको आ नें दाऊद आ सहर वोदा बाक्‍त। मिनु दाऊदमी मिल्‍लो रे पा आगा एर ओंथ नेल्‍ल सहर सेला बाक्‍त।

२ सामुएल 7:12

परमप्रभु यावेम दाऊद कली “इ नाक्‍त नुप्‍त हना नु इ किकी पिपी नु बाक्‍थ लचा नोले गो इ खिं ङा मुर आन दाते रे का कली इ पा ङा पिप सेल्‍नुङ। मिनु मेको आ राज्‍य बोल्‍यो सेल्‍नुङ। १राजा ८:२०

१ राजा 1:21

मो मदुम्‍‍त हना, नोले गे आं प्रभु पिप इन किकी पिपी नु इप्‍नीनी। मिनु गो नु आं तौ सोलोमन आंस कली मरिम्‍शो पाइब खोदेंशो सेल्‍नीम” दे बाथ्‍शेबाम देंमाक्‍त।

१ राजा 11:21

मिनु हादाद इजीप्‍तम बाक्‍मेनु, मेकोम दाऊद बेक्‍शो नु मेको आ लडाइ पाइब आन ठेयब मुर योआब यो बेक्‍ने थुम्‍शो लोव़ नेना बाक्‍त। मिनु हादादम फाराओ कली “आं कली आं रागी लेत्‍चा गेयीनी” देंमाक्‍त।

१ राजा 11:43

मिनु नोले मेको बेक्‍माक्‍त। मिनु आ आफ दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ रेहोबाम पिप दुम्‍माक्‍त।

१ राजा 14:31

मिनु रेहोबाम बेक्‍माक्‍त। मिनु मेको आ किकी पिपी नु दाऊद आ सहरम थिम्‍चा पुंइसे बाक्‍त। मेको आ ममा आ नें नामा बाक्‍माक्‍त। मेको अम्‍मोनी बाक्‍माक्‍त। मिनु रेहोबाम आ पा ङा आ तौ अबीयाम पिप दुम्‍माक्‍त।

१ राजा 15:24

मिनु आसा बेक्‍माक्‍त। मिनु मेको आ किकी पिपी नु दाऊद आ सहरम थिम्‍चा पुंइसे बाक्‍त। मिनु मेको आ पा ङा तौ येहो-शाफात पिप दुम्‍माक्‍त। १राजा २२:४१

१ राजा 15:8

मिनु अबीयाम बेक्‍माक्‍त। मिनु मेको दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ आसा पिप दुम्‍माक्‍त।

१ राजा 22:51

आहाब आ तौ अहाज्‍याह सामरीयाम इस्राएल ङा पिप दुम्‍माक्‍त। मिनु मेकोम बर्स निक्‍शी इस्राएलम सासन पवा बाक्‍त। मेना यहूदा ङा पिप येहो-शाफात पिप दुम्‍शो १७ बर्स दुम्‍शो बाक्‍माक्‍त। २राजा ८:१६

१ राजा 3:1

सोलोमन आ ग्‍युंबेम पतीके इजीप्‍त ङा पिप फाराओ आ खिं ङा मुर दुम्‍माक्‍त। मिनु सोलोमनम फाराओ आ तमी नु ग्‍युंबे पवा बाक्‍त। मिनु मेको कली पिप आ खिं, परमप्रभु यावे आ खिं नु यरूसलेम ङा गारो सेल्‍ने मथुमा सम्‍म दाऊद आ सहरम चाक्‍शा वोदा बाक्‍त। ब्‍यवस्‍था २३:८; १राजा ११:१-२

१ राजा 8:1

मिनु नोले सोलोमनम इस्राएल ङा खाल्‍पा, इस्राएल ङा थर थर ङा ठेयब मुर नु इस्राएली आन खिं खिं ङा मुर आन कली दाऊद आ सहर, सियोन रे परमप्रभु यावे आ कबल पशो सन्‍दोस चाक्‍चा कली यरूसलेम सहरम बुक्‍चा कली ब्रेप्‍पाइक्‍मी बाक्‍त।

२ राजा 14:20

मिनु मेको आ बेक्‍शो रां शाराम कुर पा यरूसलेम चाक्‍गमे बाक्‍त। मिनु मेको कली आ किकी पिपी नु दाऊद आ सहरम थिम्‍मे बाक्‍त।

२ राजा 15:38

मिनु योथाम बेक्‍माक्‍त। मिनु मेको दाऊद आ सहरम आ किकी पिपी नु थिम्‍चा पुंइसे बाक्‍त। मिनु मेको आ पा ङा आ तौ आहाज पिप दुम्‍माक्‍त।

२ राजा 16:20

मिनु आहाज बेक्‍माक्‍त। मिनु दाऊद आ सहरमी आ किकी पिपी नु थिम्‍चा पुंइसे बाक्‍त। मिनु मेको आ पा ङा आ तौ हिज्‍कीयाह पिप दुम्‍माक्‍त। २राजा १८:१

२ राजा 8:24

यहूदा ङा पिप येहोराम बेक्‍माक्‍त। मिनु मेको आ किकी पिपी नु दाऊद आ सहरमी थिम्‍चा पुंइसे बाक्‍त। मिनु मेको आ पा ङा आ तौ अहाज्‍याह पिप दुम्‍माक्‍त।

२ राजा 9:28

मिनु मेको आ गेय पाइब ठेयब मुरपुकीम मेको आ बेक्‍शो रां यरूसलेमम लाइश्‍शा दाऊद आ सहरम मेको आ किकी पिप नु आ तुरसुम थिम्‍मे बाक्‍त।

१ इतिहास 11:7

मिनु दाऊद मेको बोल्‍यो सहरम बाक्‍शो बाक्‍माक्‍त। मोपतीके मुरुमी मेको सहर कली दाऊद आ सहर देंमा बाक्‍त।

१ इतिहास 29:28

मिनु शुश खूशो दुम्‍शा बेक्‍माक्‍त। मेको के शोंप नु मान ततीके शुश बाक्‍माक्‍त। मिनु आ तौ सोलोमन आ नोले पिप दुम्‍माक्‍त। उत्‍पत्ती २५:८; उत्‍पत्ती ३५:२९; २इतिहास २४:१५; अय्‍युब ४२:१७

२ इतिहास 24:16

मिनु मुरपुकीम मेको कली दाऊद आ सहरम पिप आन कली थिम्‍तीकेमी थिम्‍मे बाक्‍त। मारदे हना मेकोमी इस्राएलमी रिम्‍शो पवा बाक्‍त। परमप्रभु नु आ खिं कली यो थम रिम्‍शो पवा बाक्‍त।

२ इतिहास 9:31

मिनु सोलोमन बेक्‍माक्‍त। मिनु मुरपुकीम मेको कली आ आफ दाऊद आ सहरमी थिम्‍मे बाक्‍त। मिनु मेको आ पा ङा आ तौ रेहोबाम पिप दुम्‍माक्‍त। १राजा १४:२१

प्रेरित 13:36

दाऊदमी मेको लोव़ ब्रेक्‍शो बाक्‍त हना यो, आंम पर्बम ममाइ। मारदे हना दाऊदमी परमप्रभु यावेमी गेशो सासन पने थुम्‍शा बेक्‍शा, आ किकी पिपी आन कली थिम्‍तीकेमी थिम्‍चा पुंइसीशा राक्‍शा ल‍माक्‍त।

प्रेरित 2:29

आं लोक्‍बपुकी, इं किकी पिपी दाऊद आ पर्बम का का पा देंने चाप्‍नुङ। दाऊद बेक्‍माक्‍त। मिनु लाइश्‍शा थिम्‍ने थुम्‍मे बाक्‍त। तेकेर थिम्‍मे गोपुकीमी मुल यो तुइक्‍नय। १राजा २:१०