१ राजा 18:4 - Sunuwar Bible

⁴ इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, ओबदियामी मेको आन दाते ङा सहे का जना आन कली लाइश्‍शा, मेको आन कली प्रोंइचा कली जचा तूचा थोव़क गेशा ५०, ५० जना ङा हुल पा पुक्‍खी निक्‍शीम ख्रुइश्‍शा वोइश्‍शो बाक्‍माक्‍त।

१ राजा 18:4 ပူးပေါင်းရင်းမြစ်များ

१ राजा 13:16

तन्‍न मेकोमी “गो गे नु लेश्‍शा लने मचाप्‍नुङ। इन खिंम ओव़ने मचाप्‍नुङ। गो एको रागीम मारेइ जने तूने मचाप्‍नुङ।

१ राजा 17:11

मिनु मेको मीश मुर ब्‍वाक्‍कु ब्रथ लन लना, लेंशा ब्रेश्‍शा “आं कली शिशी पा टुक्रा का शोब्‍ले यो पिश्‍शा गेयी” देंमाक्‍त।

१ राजा 18:13

आं प्रभु, इजेबेलम परमप्रभु यावे आ लोव़ पाइब आन कली साइक्‍ना साइक्‍न बाक्‍मेनु, गो मार पङा, मेको गे मनेंनी ङा? गो मेको आन दाते ङा सहे का जना आन कली ५०, ५० जना पा पुक्‍खीम ख्रुइश्‍शा वोइक्‍तामी। मिनु मेको आन कली जचा तूचा गेतामी।

१ राजा 18:5

मिनु आहाबम ओबदिया कली “रागी ङा ब्‍वाक्‍कु बुक्‍तीके, खोल्‍सा मेर लावो। गो शारा नु खच्‍चर आन कली प्रोंइचा कली घांस थित्‍नसा कों? मोपा इं बस्‍तु भाव आन कली साइक्‍चा ममाल्‍नया कों?” दें‍माक्‍त।

२ राजा 6:32

मिनु पिपम आ लोव़ कुरब मुर का कली एलीशा आ बाक्‍तीक सोइक्‍ता बाक्‍त। मेना एलीशा खाल्‍पापुकी नु आ खिंम बाक्‍शो बाक्‍माक्‍त। तन्‍न मेको लोव़ कुरब मुर जाक्‍चा क्‍येङा ङोंइती एलीशाम मेको खाल्‍पा आन कली “मेको मुर साइक्‍बम आं पिया ख्रोइक्‍पाइक्‍चा कली मुर सोइश्‍शो गे मतनी? कोव़ङीन, मेको आ लोव़ कुरब जाक्‍मेनु, लाप्‍चो चोक्‍कीन। मिनु थम बोल्‍यो पा नेप्‍शा बाक्‍कीन। मार मेको आ होव़प मेको आ नो‍नोले मपिशो बाक्‍बा ङा?” देंमाक्‍त।

२ राजा 9:7

गे इ होव़प आहाब आ खिं ङा मुर आन कली साइक्‍चा माल्‍नेवे। मिनु इजेबेलमी आं गेय पा आं लोव़ पाइबपुकी नु आं गेय पाइब मुर आन कली साइश्‍शो आ क्‍येक्‍क लेत्‍नुङ।

नेहेम्‍याह 9:26

मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।

यसैया 16:3

गे अर्ती गेशा, ठीक निसाफ पने। नाक्‍त बाक्‍त हना यो, इन वांकु नाक्‍दो ङा खोदेंशो सेलीने। ग्रुंइशो मुर आन कली ख्रुइक्‍तीन। प्रोक्‍ब आन पर्बम मशेंदीन।

येरमीया 26:24

तन्‍न शाफान आ तौ अहीकामम मुल यो येरमीया आ पोन बोक्‍शा लोव़ पाप्‍तु। मोपतीके येरमीया साइक्‍पांइ‍सीचा कली मुर आन गुइम जिम्‍मा गेचा मपुंइसे। २राजा २२:१२

येरमीया 36:19

मिनु मेको ठेयब मुरपुकीम बारुक कली “गे नु येरमीया निम्‍फा लशा, ख्रुंइसीस। गे निक्‍शी ते बाक्‍सी, दे सुइम मतुइक्‍तमेक्‍ल” दे माइक्‍तेक्‍म। येरमीया २५:८-११; येरमीया ७:२०; येरमीया ९:९-१०

मत्ती 21:35

मिनु गेय पाइबपुकी जाक्‍दीम्‍मानु, बुम्‍था पाइबपुकीमी का कली तुप्‍मे बाक्‍त, का कली सदमे बाक्‍त, का कली फुल्‍लु आप्‍शा खेरमे बाक्‍त।

मत्ती 25:35

मारदे हना गेपुकीमी गो जचा मतथु बाक्‍ङानु, जचा गेतीनी। तूतू दाक्‍ङानु, तूचा गेतीनी। इन मतुइश्‍शो मुर इन खिं जाक्‍ङानु, बाक्‍चा गेतीनी। यसैया ५८:७

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

हिब्रू 11:38

तेइ बाक्‍चा मतथु, जचा फेक्‍चा मतथु, भेडा नु क्‍यारश आन कुशुल फेक्‍शा, एर ओंथ हिरना हिरन गोरशो रागी रोंगुमी प्रोक्‍शा, पुक्‍खीमी ख्रुइक्‍ना ख्रुइक्‍न बाक्‍मा बाक्‍त। मोपा श्‍येत जाइब आन कली एको रागीमी बाक्‍शा ब्रोंइचा मगारब। मारदे हना रिम्‍शो मुर बाक्‍नीम। एको रागी चहिं मरिम्‍शो बाक्‍ब।